by Midhun HP News | Jan 22, 2025 | Latest News, കേരളം
ചിറയിന്കീഴ്: വാമനപുരം ആറ്റിലെ ചിറയിന്കീഴ് പുളിമൂട്ടുകടവ് ഭാഗത്ത് യുവതിയെ ആറ്റില് വീണ് മരിച്ചനിലയില് കണ്ടെത്തി. കടയ്ക്കാവൂര്, ആനത്തലവട്ടം മുളയ്ക്കല് വീട്ടില് മഹിമ (25)നെയാണ് മരിച്ചനിലയില് നാട്ടുകാര് കണ്ടെത്തിയത്. ബുധനാഴ്ച ഉച്ചയ്ക്ക് മൂന്നുമണിയോടെയാണ് മൃതദേഹം കണ്ടെത്തിയത്. ചിറയിന്കീഴ് പോലീസ് സ്ഥലത്തെത്തി മൃതദേഹം ചിറയിന്കീഴ് താലൂക്കാശുപത്രി മോര്ച്ചറിയിലേയ്ക്ക് മാറ്റി. ഭര്ത്താവുമായി വേര്പെട്ട് കഴിയുകയായിരുന്നു. ആനത്തലവട്ടം സ്വദേശികളായ കരുണന്റേയും അംബുജത്തിന്റേയും മകളാണ്. ഉച്ചയ്ക്ക് രണ്ടുമണിവരെ മഹിമയെ വീടിന്റെ പരിസരത്ത് കണ്ടതായി നാട്ടുകാര് പറഞ്ഞു. ആറ് വയസ്സുള്ള ബദരിനാഥ് മകനാണ്. ചിറയിന്കീഴ് പോലീസ് കേസെടുത്തു. വ്യാഴാഴ്ച മൃതദേഹ പരിശോധനയ്ക്കുശേഷം ബന്ധുക്കള്ക്ക് വിട്ടുനല്കും.
by Midhun HP News | Jan 22, 2025 | Latest News, കേരളം
കൊച്ചി: എറണാകുളം പുത്തന്വേലിക്കരയില് നാലുവയസ്സുകാരിയെ പീഡിപ്പിച്ച സംഭവത്തില് പ്രതി ബികെ സുബ്രഹ്മണ്യന് അറസ്റ്റില്. കുട്ടിയുടെ അമ്മയുടെ പരാതിയിലാണ് ചെങ്ങമനാട് പൊലീസിന്റെ നടപടി. കേസില് നേരത്തെ സുബ്രഹ്മണ്യന്റെ മകന് ജിതിനെയും സുഹൃത്തിനെയും നേരത്തെ കസ്റ്റഡിയിലെടുത്തിരുന്നു.
സംഭവത്തിന് പിന്നാലെ സിപിഎം അംഗമായ സുബ്രഹ്മണ്യനെ പാര്ട്ടി പുറത്താക്കിയിരുന്നു. ജനുവരി 12 ഞായറാഴ്ചയായിരുന്നു കേസിന് ആസ്പദമായ സംഭവം. വീട്ടിലെത്തിയ കുഞ്ഞ് ഭയത്തോടെ പെരുമാറുന്നതും പേടിച്ച് മാറി ഇരിക്കുന്നതും അമ്മയുടെ ശ്രദ്ധയില്പ്പെട്ടിരുന്നു. എന്നാല് കുഞ്ഞിനെ കുളിപ്പിക്കുമ്പോഴാണ് അമ്മ പീഡനവിവരം അറിയുന്നത്. കുഞ്ഞിന്റെ നെഞ്ചത്ത് പാട് കണ്ടെത്തി. കുഞ്ഞിന് മൂത്രമൊഴിക്കാന് അസ്വസ്ഥതയും വേദനയും അനുഭവപ്പെട്ടപ്പോള് സംശയം തോന്നിയ അമ്മ സ്വകാര്യഭാഗങ്ങളില് നടത്തിയ പരിശോധനയിലാണ് കുഞ്ഞിനെ പീഡിപ്പിച്ച വിവരം അറിയുന്നത്.
by Midhun HP News | Jan 22, 2025 | Latest News, കേരളം
കോഴിക്കോട്: ആരോഗ്യ വകുപ്പിലെ പുതിയ സ്ഥലംമാറ്റ ഉത്തരവ് ഇറങ്ങി. ഡോ. ആശാദേവി കോഴിക്കോട് ഡിഎംഒ ആകും. ഡോ. എന് രാജേന്ദ്രനെ ആരോഗ്യവകുപ്പ് അഡീഷണല് ഡയറക്ടറായി നിയമിച്ചു. കോഴിക്കോട് ഡിഎംഒ ഓഫീസിലെ കസേര തര്ക്കം മൂലം നേരത്തെ ആരോഗ്യ വകുപ്പിലെ സ്ഥലം മാറ്റം വിവാദമായിരുന്നു.
സ്ഥലം മാറിയെത്തിയ ആശാ ദേവിക്ക് കസേര ഒഴിഞ്ഞ് കൊടുക്കാന് മുന് ഡിഎംഒ എന് രാജേന്ദ്രന് തയ്യാറാകാതെ വന്നതോടെയായിരുന്നു തര്ക്കം ആരംഭിച്ചത്. സ്ഥലം മാറ്റത്തിനെതിരെ നേരത്തെ രാജേന്ദ്രന് നേടിയ സ്റ്റേ നീക്കിയതിനു പിന്നാലെയായിരുന്നു ആശാദേവി ചുമതല ഏറ്റെടുക്കാന് എത്തിയത്.
സ്ഥലം മാറ്റം സംബന്ധിച്ച് ഉത്തരവോടെയാണ് പ്രശ്നങ്ങളുടെ തുടക്കം. കോഴിക്കോട് ഡിഎംഒ സ്ഥാനത്ത് നിന്ന് ഡോ. രാജേന്ദ്രനെ ആരോഗ്യ വകുപ്പ് ഡയറക്ടേററ്റില് അഡീഷണല് ഡയറക്ടറായും എറണാകുളം ഡിഎംഒ ആയിരുന്ന ഡോ. ആശാദേവിയെ കോഴിക്കോട് ഡിഎംഒ ആയി സ്ഥലം മാറ്റുകയും ചെയ്തുകൊണ്ടുള്ള ഉത്തരവിറങ്ങിയിരുന്നു. എന്നാല്, രണ്ടു ദിവസത്തിന് ശേഷം കേരള അഡ്മിനിസ്ട്രേറ്റിവ് െ്രെടബ്യൂണലില്നിന്ന് സ്ഥലംമാറ്റത്തില് സ്റ്റേ വാങ്ങിയ രാജേന്ദ്രന് ഡിഎംഒ ആയി തുടര്ന്നു. അവധിയില് പ്രവേശിച്ച ആശാദേവി സ്ഥലംമാറ്റ ഉത്തരവ് സ്റ്റേ ചെയ്ത നടപടി െ്രെടബ്യൂണല് പിന്വലിച്ചെന്നറിഞ്ഞാണ് ഓഫീസിലെത്തിയത്. എന്നാല് ജോലിയില്നിന്ന് മാറണം എന്ന ഉത്തരവ് കിട്ടിയില്ലെന്നു പറഞ്ഞാണ് ഡോ. രജേന്ദ്രന് സ്ഥാനത്ത് തുടര്ന്നത്.
by Midhun HP News | Jan 22, 2025 | Latest News, കേരളം, ജില്ലാ വാർത്ത
ഡല്ഹി: പോക്സോ കേസില് മുന്കൂര് ജാമ്യം തേടി നടന് കൂട്ടിക്കല് ജയചന്ദ്രന് സുപ്രീം കോടതിയെ സമീപിച്ചു. നാല് വയസുകാരിയെ പീഡിപ്പിച്ച കേസിലാണ് മുന്കൂര് ജാമ്യം തേടി കൂട്ടിക്കല് ജയചന്ദ്രന് സുപ്രീം കോടതിയെ സമീപിച്ചത്. ജയചന്ദ്രന്റെ മുന്കൂര് ജാമ്യാപേക്ഷ ഹൈക്കോടതി തള്ളിയിരുന്നു. ഇതിന് പിന്നാലെയാണ് കേരള പൊലീസ് നടനെതിരെ ലുക്ക് ഔട്ട് നോട്ടീസ് പുറപ്പെടുവിച്ചിരുന്നു.
നാലു വയസ്സുകാരിയെ പീഡിപ്പിച്ചെന്ന പരാതിയില് കസബ പൊലീസാണ് നടന് ജയചന്ദ്രന് എതിരെ പോക്സോ കേസെടുത്തത്. കുട്ടിയുടെ ബന്ധു ചൈല്ഡ് പ്രൊട്ടക്ഷന് യൂണിറ്റ് മുഖേന നല്കിയ പരാതി പൊലീസിനു കൈമാറുകയായിരുന്നു. കസബ പൊലീസ് കുട്ടിയുടെ മൊഴിയെടുത്തിരുന്നു. കുട്ടിയുടെ മൊഴി അവിശ്വസിക്കേണ്ടതില്ലെന്ന് ചൂണ്ടിക്കാട്ടിയാണ് മുന്കൂര് ജാമ്യാപേക്ഷ കേരള ഹൈക്കോടതി തള്ളിയത്.
അഭിഭാഷകന് എ. കാര്ത്തിക്കാണ് ജയചന്ദ്രന്റെ മുന്കൂര് ജാമ്യാപേക്ഷ സുപ്രീംകോടതിയില് ഫയല് ചെയ്തത്. മുന്കൂര് ജാമ്യാപേക്ഷ സുപ്രീം കോടതി വെള്ളിയാഴ്ചയോ, തിങ്കളാഴ്ചയോ പരിഗണിച്ചേക്കും.
by Midhun HP News | Jan 22, 2025 | Latest News, ജില്ലാ വാർത്ത
തിരുവനന്തപുരം: വട്ടിയൂര്ക്കാവ് ഗവ. എല്പിഎസിന് അനധികൃതമായി അവധി നല്കിയ സംഭവത്തില് കടുത്ത നടപടി സ്വീകരിച്ച് വിദ്യാഭ്യാസ വകുപ്പ്. പ്രഥമ അധ്യാപകനായ ജിനില് ജോസിനെ അന്വേഷണ വിധേയമായി സസ്പെന്ഡ് ചെയ്തായി മന്ത്രി വി. ശിവന്കുട്ടി അറിയിച്ചു. തിരുവനന്തപുരം വട്ടിയൂര്ക്കാവ് ഗവ. എല്പി സ്കൂളിന് ഇന്ന് അവധി നല്കി അധ്യാപകര് സമരത്തിനു പോയത് വിവാദമായിരുന്നു.
തുടര്ന്ന് നോര്ത്ത് എഇഒയുടെ നേതൃത്വത്തില് എത്തിയാണ് സ്കൂള് തുറന്നത്. ഇന്ന് ക്ലാസ് ഉണ്ടാവില്ലെന്ന് വാട്സ് ആപ്പ് ഗ്രൂപ്പ് വഴി കുട്ടികളുടെ രക്ഷകര്ത്താക്കളെ അധ്യാപകര് അറിയിക്കുകയായിരുന്നു.
അധ്യാപകരും ജീവനക്കാരും സമരത്തില് പങ്കെടുക്കുന്നതിനാല് ഇന്ന് ക്ലാസ് ഉണ്ടായിരിക്കുന്നതല്ലെന്നായിരുന്നു വാട്സ് ആപ്പ് സന്ദേശം. പ്രതിപക്ഷ സര്വീസ് സംഘടനകളും സിപിഐ സംഘടനകളുമാണ് ഇന്ന് പണിമുടക്ക് നടത്തിയത്. പണിമുടക്കിനെ നേരിടാന് സര്ക്കാര് ഡയസ് നോണ് പ്രഖ്യാപിച്ചിരുന്നു.
by Midhun HP News | Jan 22, 2025 | Latest News, ദേശീയ വാർത്ത
ഡല്ഹി: ഉപയോക്താക്കള്ക്ക് സ്റ്റാറ്റസുകള് ഫെയ്സ്ബുക്കിലേക്കും ഇന്സ്റ്റഗ്രാമിലേക്കും നേരിട്ട് ഷെയര് ചെയ്യാന് കഴിയുന്ന ഫീച്ചറുമായി വാട്സ്ആപ്പ്. ഉപയോക്താക്കള്ക്ക് അക്കൗണ്ടുകള് മെറ്റ അക്കൗണ്ട് സെന്ററിലേക്ക് കണക്ട് ചെയ്യാന് കഴിയുന്നതാണ് ഫീച്ചര്. ഉപയോക്താക്കുളുടെ ഇഷ്ടാനുസൃതം ഫീച്ചര് ഉപയോഗപ്പെടുത്താം. ആവശ്യമെങ്കില് ഫീച്ചര് ഓഫ് ചെയ്യാനും സാധിക്കും.
മെറ്റയുടെ വിവിധ പ്ലാറ്റ് ഫോമുകള് ഉപയോഗിക്കുന്നവര്ക്ക് ഫീച്ചര് നേട്ടമാണ്. വാട്സ്ആപ്പ്, ഫെയ്സ്ബുക്ക്, ഇന്സ്റ്റഗ്രാം എന്നിവയില് അപ്ഡേറ്റുകള് പങ്കുവെയ്ക്കുന്നവര്ക്ക് ഉള്ളടക്കം കൂടുതല് ഉപയോക്താക്കളില് ഒറ്റപോസ്റ്റിലൂടെ എത്തിക്കാന് കഴിയും.
പുതിയ ഫീച്ചര് ലഭിക്കുന്നത് എങ്ങനെ?
വാട്സ്ആപ്പിന്റെ ഏറ്റവും പുതിയ പതിപ്പ് ഉപയോഗിക്കുന്നവര്ക്കാണ് ഫീച്ചര് ലഭ്യമാകുക. ആദ്യം വാട്സ്ആപ്പ് തുറന്നതിന് ശേഷം സെറ്റിങ്സ് മെനുവിലേക്ക് പോകുക. ആഡ് യുവര് അക്കൗണ്ട് ക്ലിക്ക് ചെയ്ത് അക്കൗണ്ട് സെന്ററിലേക്ക് പോകുക- മെറ്റ അക്കൗണ്ട് ക്രെഡന്ഷ്യല് ഉപയോഗിച്ച് ലോഗിന് ചെയ്ത് അക്കൗണ്ട് ലിങ്ക് ചെയ്യുക. പിന്നീട് അക്കൗണ്ട് ഷെയറിങ് ഏത് വിധേനയാണെന്ന് തെരഞ്ഞെടുക്കുക. അക്കൗണ്ടുകള് അണ്ലിങ്ക് ചെയ്യണമെങ്കില് അക്കൗണ്ട് സെന്ററില് പോയി വാട്സ്ആപ്പ് റിമൂവ് ചെയ്യാം.
Recent Comments