ആറ്റിങ്ങൽ: ആറ്റിങ്ങൽ മാമം ചൈതന്യ ജംഗ്ഷനിൽ വിജയശ്രീയിൽ ശ്രീലത (60) നിര്യാതയായി. പരേതയായ കൃഷ്ണന്റെയും സുമതിക്കുട്ടിയുടെയും മകളാണ്.
ഭർത്താവ്: വിജയൻ
മക്കൾ: വിഷ്ണു, വീണ.
മരുമക്കൾ: ലക്ഷ്മി, സജിത്ത്.
സഹോദരങ്ങൾ: ശ്രീ രഞ്ജിനി, ശ്രീ രഞ്ജൻ, ശ്രീകല.
സഞ്ചയന കർമ്മം (ചൊവ്വ) 27-8-24ൽ
തൃശൂര്‍: ഒമ്പതാണ്ടിന്റെ പ്രണയത്തിനൊടുവില്‍, ഗുരുവായൂര്‍ ക്ഷേത്രത്തില്‍ വച്ച് വിവാഹിതരായതിന്റെ സന്തോഷത്തിലാണ് ട്രാന്‍സ്‌ജെന്‍ഡര്‍ സ്റ്റെല്ലയും സജിത്തും. ഗുരുവായൂര്‍ ക്ഷേത്രത്തില്‍ വച്ച് വിവാഹം നടത്തണമെന്ന ആഗ്രഹം അറിയിച്ചപ്പോള്‍ ക്ഷേത്രം അധികാരികളുടെ ഭാഗത്ത് നിന്ന് നല്ല പ്രതികരണമാണ് ലഭിച്ചതെന്ന് സ്റ്റെല്ല വ്യക്തമാക്കി.
പാലക്കാട് സ്വദേശി സ്റ്റെല്ലയ്ക്ക് മലപ്പുറം സ്വദേശി സജിത്ത് താലി ചാര്‍ത്തിയപ്പോള്‍ ഗുരുവായൂര്‍ ക്ഷേത്രത്തില്‍ നടന്ന ആദ്യത്തെ ട്രാന്‍സ്‌ജെന്‍ഡര്‍ വിവാഹം ചരിത്രമായി. കഴിഞ്ഞദിവസമാണ് ട്രാന്‍സ്‌ജെന്‍ഡറായ സ്റ്റെല്ലയും സജിത്തും ഗുരുവായൂര്‍ ക്ഷേത്രസന്നിധിയില്‍ വച്ച് വിവാഹിതരായത്.
വിവാഹം കഴിക്കുകയാണെങ്കില്‍ അത് ഗുരുവായൂരില്‍ വച്ചായിരിക്കുമെന്ന് നേരത്തേ വിചാരിച്ചിരുന്നു. അതിനു സാധിച്ചതില്‍ സന്തോഷമുണ്ട്. ഇരു കുടുംബങ്ങളുടെയും സമ്മതത്തോടെയാണ് വിവാഹം നടത്തിയത്. പാലക്കാട് വച്ചാണ് ഇരുവരും ആദ്യം കണ്ടുമുട്ടിയത്. തുടര്‍ന്ന് ഒന്‍പത് വര്‍ഷത്തെ പ്രണയത്തിന് ഒടുവിലാണ് കല്യാണം.
കിളിമാനൂർ: വാലഞ്ചേരി റസിഡൻസ് അസോസിയേഷൻ പ്രദേശത്തും പരിസര പ്രദേശങ്ങളിലും തെരുവ് നായ ശല്യം അതിരൂക്ഷമായിരിക്കയാണ്. കഴിഞ്ഞ ദിവസം അസോസിയേഷൻ കുടുംബാംഗങ്ങൾ ഉൾപ്പെടെ പത്തോളം പേർക്ക് നായയുടെ കടിയേറ്റു.
വാലഞ്ചേരി കല്പകശ്ശേരിയിൽ ശശിധരനായർ, ഭാര്യ വസന്തകുമാരി എന്നിവർ സ്വന്തം വീടിനുമുന്നിൽ വച്ച് കടിയേറ്റ് സ്വകാര്യ ആശുപത്രിയിൽ ചികിത്സയിലാണ്. വാലഞ്ചേരി സ്വദേശികളായ ബാബു സന്തോഷ്, വിളക്കാട്ടുകോണത്ത് അനന്തു രാജ്, കുട്ടൻപിള്ള മലയാമഠം ഇന്ദിരാ ദേവി തുടങ്ങി പത്തോളം പേർക്കാണ് കടിയേറ്റത്. നായ ശല്യം കാരണം കുട്ടികൾ സ്കൂളിൽ പോകാൻ പോലും ഭയപ്പെടുന്നു. അടിയന്തര നടപടി സ്വീകരിക്കണമെന്ന് ആവശ്യപ്പെട്ടുകൊണ്ട് വാലഞ്ചേരി റസിഡൻസ് അസോസിയേഷൻ കിളിമാനൂർ ഗ്രാമപഞ്ചായത്ത് തദ്ദേശ സ്വയംഭരണ വകുപ്പ് മന്ത്രി എന്നിവർക്ക് നിവേദനം നൽകി.
ചെന്നൈ: കൃഷ്ണഗിരി ജില്ലയില്‍ നടത്തിയ വ്യാജ എന്‍സിസി ക്യാമ്പില്‍ സ്‌കൂള്‍ വിദ്യാര്‍ത്ഥിനിയെ ലൈംഗികമായി പീഡിപ്പിച്ച കേസിലെ മുഖ്യപ്രതി ആത്മഹത്യ ചെയ്തുവെന്ന് പൊലീസ്. എലി വിഷം കഴിച്ചാണ് ആത്മഹത്യ ചെയ്തത്. പൊലീസിന്റെ പിടിയില്‍ നിന്ന് രക്ഷപ്പെടാന്‍ ശ്രമിക്കുന്നതിനിടെ കാലിന് ഒടിവ് സംഭവിച്ച് ഇയാള്‍ ചികിത്സയിലായിരുന്നു.
ഓഗസ്റ്റ് 19ന് അറസ്റ്റിലാവുന്നതിനു തൊട്ടു മുന്പ് ഇയാള്‍ വിഷം കഴിച്ചിരുന്നെന്നാണ് പൊലീസ് പറയുന്നത്. ആരോഗ്യ നില വഷളായതിനെത്തുടര്‍ന്ന് സേലത്തെ സര്‍ക്കാര്‍ മെഡിക്കല്‍ കോളജ് ആശുപത്രിയിലേയ്ക്ക് റഫര്‍ ചെയ്‌തെങ്കിലും ഇന്ന് മരണം സംഭവിക്കുകയായിരിന്നു. ശിവരാമന്‍ ഉള്‍പ്പെടെ 11 പേരെയാണ് പൊലീസ് അറസ്റ്റ് ചെയ്തത്. വ്യാജ എന്‍സിസി ക്യാമ്പ് സംഘടിപ്പിച്ച് എട്ടാം ക്ലാസ് വിദ്യാര്‍ഥികളായ നിരവധി പേരെ പീഡിപ്പിച്ചുവെന്നാണ് കേസ്.
വ്യാജ എന്‍സിസി ക്യാമ്പില്‍ 17 പെണ്‍കുട്ടികള്‍ ഉള്‍പ്പെടെ 41 ഓളം വിദ്യാര്‍ത്ഥികള്‍ പങ്കെടുത്തിരുന്നു. ഇതിലൊരു പെണ്‍കുട്ടി തനിക്ക് നേരിട്ട അനുഭവം മാതാപിതാക്കളോട് പറഞ്ഞതോടെയാണ് ലൈംഗികാതിക്രമം പുറത്തായത്.
ആറ്റിങ്ങൽ: സംസ്ഥാനത്ത് സ്വന്തമായി കളിസ്ഥലമില്ലാത്ത മുഴുവൻ പഞ്ചായത്തുകളിലും എൽ ഡി എഫ് സർക്കാർ കളിസ്ഥലം യാഥാർത്ഥ്യമാക്കുമെന്ന് കായിക വകുപ്പ് മന്ത്രി വി അബ്ദുറഹ്മാൻ അഭിപ്രായപ്പെട്ടു. ഒരു കോടി രൂപ ചിലവിട്ട് മുദാക്കൽ പഞ്ചായത്തിൽ നിർമ്മിക്കുന്ന കോളൂർ സ്റ്റേഡിയത്തിൻ്റെ നിർമ്മാണോദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.
വി ശശി എം എൽ എ അധ്യക്ഷനായി. മുദാക്കൽ പഞ്ചായത്ത് പ്രസിഡൻ്റ് പള്ളിയറ ശശി സ്വാഗതവും വാർഡംഗം മനോജ് നന്ദിയും പറഞ്ഞു. വാർഡംഗങ്ങളായ എ ചന്ദ്രബാബു, ബാദുഷ, സി പി ഐ എം മുദാക്കൽ ലോക്കൽ സെക്രട്ടറി എം ബി ദിനേശ്, ഇടയ്ക്കോട് ലോക്കൽ സെക്രട്ടറി ബി രാജീവ്, സി പി ഐ ഇടയ്ക്കോട് ലോക്കൽ സെക്രട്ടറി ഷാജി എന്നിവർ സംസാരിച്ചു. സ്പോർട്സ് കേരള ഫൗണ്ടേഷൻ ചീഫ് എഞ്ചിനീയർ പി കെ അനിൽ കുമാർ റിപ്പോർട്ട് അവതരിപ്പിച്ചു.
കല്ലമ്പലം: നാവായിക്കുളം മേഖലയിൽ ഭക്ഷണ വിൽപ്പന ശാലകളിലും സ്ഥാപനങ്ങളിലും ആരോഗ്യ വിഭാഗം റെയ്ഡ്. നിരവധി സ്ഥാപനങ്ങൾക്ക് നോട്ടീസ് നൽകി. നാവായിക്കുളം പ്രാഥമികാരോഗ്യകേന്ദ്രത്തിൻ്റെ നേതൃത്വത്തിൽ ആണ് ഹെൽത്തി കേരള പരിശോധനയുടെ ഭാഗമായി വ്യാപക റെയ്ഡ് നടത്തിയത്. പഞ്ചായത്തിലെ 12 ഭക്ഷണ വിൽപന കേന്ദ്രങ്ങളിൽ ആരോഗ്യ വിഭാഗം ഉദ്യോഗസ്ഥർ പരിശോധന നടത്തി.
മിക്ക കടകളും ലൈസൻസ് ഇല്ലാതെ പ്രവർത്തിക്കുന്നതായും ശുചിത്വം പാലിക്കുന്നില്ലെന്നും കണ്ടെത്തി. ചില ജീവനക്കാർക്ക് ഹെൽത്ത് കാർഡും ഇല്ല. ഇവ പരിഹരിക്കുന്നതിന് സമയം അനുവദിച്ച് ഉടമകൾക്ക് നോട്ടിസ് നൽകി. അനുവദനീയമല്ലാത്ത പ്ലാസ്‌റ്റിക്‌ ക്യാരി ബാഗുകൾ പാടില്ല എന്ന കർശന നിർദേശം നൽകി. പുകയില ഉൽപന്നങ്ങളുടെ വിൽപന നടത്തുന്നില്ല എന്ന മുന്നറിയിപ്പ് ബോർഡ് പ്രദർശിപ്പിക്കാത്ത മൂന്ന് കടകൾക്ക് പിഴ ചുമത്തി.
മാലിന്യം ശാസ്ത്രീയമായി സംസ്‌കരിക്കാത്ത കുളമടയിലെ സ്വകാര്യ ആശുപത്രിക്ക് നോട്ടിസ് നൽകി. മെഡിക്കൽ ഓഫിസർ ഡോ.എസ്.സുരേഷ്‌കുമാർ, ഹെൽത്ത് ഇൻസ്പെക്‌ടർ കെ.ഷാ, ജുനിയർ ഹെൽത്ത് ഇൻസ്പെക്‌ടർമാരായ വൈ.റാഫി, വി.വിജീഷ്, എൻ.രാജേഷ്, വി.ലിജോ എന്നിവർ നേതൃത്വം നൽകി. പരിശോധന വരും ദിവസങ്ങളിലും തുടരുമെന്ന് ആരോഗ്യവിഭാഗം അറിയിച്ചു.
Recent Comments