റിപ്പബ്ലിക്ക് ദിനപരേഡിൽ അഭിമന്യുവും.
ഡൽഹിയിൽ നടക്കുന്ന 2026 ലെ 77-ാം റിപ്പബ്ലിക്ക് പരേഡിൽ പങ്കെടുക്കുവാൻ മണമ്പൂർ സ്വദേശി അഭിമന്യുവിന് അവസരം ലഭിച്ചു. മണമ്പൂർ തുളസീ വിലാസത്തിൽ സരിതയുടെ മകനും റിട്ട. സബ്മേജർ തുളസീധരൻ പിള്ളയുടെ ചെറുമകനുമാണ്. കൊട്ടിയം ഡോൺ ബോസ്കോ കോളേജിൽ രണ്ടാം വർഷ ബി.എസ്.സി സൈക്കോളജി വിദ്യാർത്ഥിയും, കൊല്ലം സെവൻ കേരള ബറ്റാനിയിലെ കേഡറ്റുമാണ്. കേരള & ലക്ഷദ്വീപ് ഡയറക്ടറിനെ പ്രതിനിധീകരിച്ച് ഒരു മാസത്തിലേറെ പരിശീലനത്തിലാണ്.
2024ലെ സംസ്ഥാന ചലച്ചിത്ര പുരസ്കാര വിതരണം ഇന്ന്. ഞായറാഴ്ച വൈകിട്ട് 6.30ന് തിരുവനന്തപുരം നിശാഗന്ധി ഓഡിറ്റോറിയത്തില് നടക്കുന്ന ചടങ്ങില് മുഖ്യമന്ത്രി പിണറായി വിജയന് പുരസ്കാരങ്ങള് വിതരണം ചെയ്യും. മന്ത്രി സജി ചെറിയാന് അധ്യക്ഷനാകും.
കേരള സര്ക്കാരിന്റെ പരമോന്നത ചലച്ചിത്ര ബഹുമതിയായ ജെ സി ഡാനിയേല് പുരസ്കാരം നടി ശാരദ മുഖ്യമന്ത്രിയില് നിന്ന് ഏറ്റുവാങ്ങും. മമ്മൂട്ടി, ടൊവിനോ തോമസ്, ആസിഫ് അലി, വേടന്, ഷംല ഹംസ, ലിജോമോള് ജോസ്, ജ്യോതിര്മയി, സൗബിന് ഷാഹിര്, സിദ്ധാര്ഥ് ഭരതന്, ചിദംബരം, ഫാസില് മുഹമ്മദ്, സുഷിന് ശ്യാം, സമീറ സനീഷ്, സയനോര ഫിലിപ്പ് തുടങ്ങി 51 ചലച്ചിത്രപ്രതിഭകള്ക്ക് മുഖ്യമന്ത്രി പുരസകാരം നല്കും. ചടങ്ങിനുശേഷം മികച്ച പിന്നണിഗായകര്ക്കുള്ള പുരസ്കാരജേതാക്കളായ കെ എസ് ഹരിശങ്കര്, സെബ ടോമി എന്നിവര് നയിക്കുന്ന സംഗീതപരിപാടിയുമുണ്ട്
കണ്ണൂര്: അതിവേഗ റെയില്പാതയ്ക്കെതിരെയും ശക്തമായ സമരം നടത്തുമെന്ന് മുതിര്ന്ന കോണ്ഗ്രസ് നേതാവും മുന് കെപിസിസി അധ്യക്ഷനുമായ കെ സുധാകരന്. ജനങ്ങള്ക്ക് ഉള്ക്കൊള്ളാന് ആകാത്ത വികസനം നാടിന് ആവശ്യമില്ല. അതിവേഗ റെയില്പാത വന്നാല് ഉണ്ടാകുന്ന പ്രയാസം ചെറുതല്ല. കെ റെയിലില് പദ്ധതിയെ ഒരു നാട് മുഴുവന് എതിര്ത്തതാണെന്നും കെ സുധാകരന് പറഞ്ഞു.
നിയമസഭാ തെരഞ്ഞെടുപ്പില് മത്സരിക്കുന്നതുമായി ബന്ധപ്പെട്ട് പാര്ട്ടി ഇതുവരെയും തന്റെ അഭിപ്രായം ചോദിച്ചിട്ടില്ല. ചോദിക്കുമെന്നാണ് കരുതുന്നത്. പാര്ട്ടി തീരുമാനിച്ചാല് കണ്ണൂരില് മത്സരിക്കുമെന്ന് കെ സുധാകരന് പറഞ്ഞു. എല്ലാം പാര്ട്ടി തീരുമാനിക്കട്ടെയെന്നും കെ സുധാകരന് പറഞ്ഞു. വര്ഗീയതയുടെ രാജാവായി പിണറായി വിജയന് മാറിയെന്ന് കെ സുധാകരന് പറഞ്ഞു. ആദ്യമായാണ് ഇന്ത്യയില് കമ്മ്യൂണിസ്റ്റ് പാര്ട്ടിയുടെ ഒരു നേതാവ് വര്ഗീയതയുടെ വക്താവായി മാറിയത്. പിണറായി വിജയനാണ് എല്ലാത്തിനും ചുക്കാന് പിടിക്കുന്നതെന്നും കെ സുധാകരന് പറഞ്ഞു.
അതിവേഗ റെയില്പദ്ധതിയുമായി ബന്ധപ്പെട്ട് കേന്ദ്ര റെയില്വേ വകുപ്പ് മന്ത്രി അശ്വിനി വൈഷ്ണവും ഡിഎംആര്സി മുന് ഉപദേഷ്ടാവ് ഇ ശ്രീധരനും തമ്മില് കൂടിക്കാഴ്ച നടത്തിയിരുന്നു. അതിവേഗ റെയിലുമായി ബന്ധപ്പെട്ട് ഡിപിആര് തയ്യാറാക്കാന് ഡിഎംആര്സിയെ ചുമതലപ്പെടുത്തുകയും ചെയ്തിരുന്നു.
വാഷിങ്ടണ്: യുഎസിലെ ജോര്ജിയയില് കുടുംബവഴക്കിനെ തുടര്ന്നുണ്ടായ വെടിവയ്പില് ഇന്ത്യക്കാരിയുള്പ്പെടെ നാലുപേര് കൊല്ലപ്പെട്ടു. ജോര്ജിയയിലെ ലോറന്സ്വില് നഗരത്തില് പ്രാദേശിക സമയം വെള്ളിയാഴ്ച പുലര്ച്ചെ രണ്ടരയോടെയാണ് ദാരുണ കൊലപാതകം നടന്നത്. മൂന്ന് ബന്ധുക്കളെയുള്പ്പെടെയാണ് കൊലപ്പെടുത്തിയത്.
വിജയ് കുമാറാണ് (51) ഭാര്യ മീനു ഡോഗ്രയെയും (43) മൂന്നു ബന്ധുക്കളെയും കൊലപ്പെടുത്തിയത്. ഗൗരവ് കുമാര് (33), നിധി ചന്ദര് (37), ഹരീഷ് ചന്ദര് (38) എന്നിവരാണ് കൊല്ലപ്പെട്ട മറ്റുള്ളവര്. അറ്റ്ലാന്റ സ്വദേശിയായ വിജയ് കുമാറിനെ പൊലീസ് അറസ്റ്റ് ചെയ്തു. സംഭവത്തില് അറ്റ്ലാന്റയിലെ ഇന്ത്യന് കോണ്സുലേറ്റ് ജനറല് അഗാധമായ ദുഃഖം രേഖപ്പെടുത്തി. മരിച്ചവരുടെ കുടുംബത്തിന് ആവശ്യമായ എല്ലാ സഹായങ്ങളും നല്കി വരികയാണെന്ന് കോണ്സുലേറ്റ് സമൂഹമാധ്യമമായ എക്സിലൂടെ അറിയിച്ചു.
മീനുവും വിജയയും തമ്മില് വാഗ്വാദം ഉണ്ടായിരുന്നു. ഇവരുടെ 12 വയസുള്ള കുട്ടിക്കൊപ്പം ബന്ധുവീട്ടി്ല് എത്തിയപ്പോഴാണ് സംഭവം. മറ്റ് രണ്ട് കുട്ടികള് ഈ വീട്ടില് താമസിക്കുന്നവരാണ്. 10നും 12നും ഇടയില് പ്രായമുള്ളവരാണ്. കേസില് അന്വേഷണം നടക്കുകയാണ്. കൊലപാതകം, കുട്ടികളോടുള്ള ക്രൂരത ഉള്പ്പെടെയുള്ള കുറ്റങ്ങള് ചുമത്തിയിട്ടുണ്ട്. വെടിവയ്പ് നടന്ന സമയത്ത് അലമാരയില് ഒളിച്ചിരുന്നതുകൊണ്ടാണു കുട്ടികള് രക്ഷപ്പെട്ടത്. ഇതിലൊരു കുട്ടി എമര്ജന്സി സര്വീസ് നമ്പറായ 911 ല് വിളിച്ചു വിവരം അറിയിച്ചതിനെ തുടര്ന്ന് പൊലീസ് സ്ഥലത്തെത്തുകയായിരുന്നു. കുട്ടികള് പരുക്കേല്ക്കാതെ രക്ഷപ്പെട്ടു. ഇവരെ പിന്നീട് ബന്ധുക്കള്ക്കു കൈമാറി.
കേന്ദ്ര ടെക്സ്റ്റൈൽ മന്ത്രാലയത്തിന് കീഴിലുള്ള സെൻട്രൽ സിൽക്ക് ബോർഡിൽ സയന്റിസ്റ്റ് തസ്തികയിലെ ഒഴിവുകൾ നികത്തുന്നതിന് അപേക്ഷ ക്ഷണിച്ചു. സയന്റിസ്റ്റ് ബി തസ്തികയിലാണ് ഒഴിവുകളുള്ളത്.
താൽപ്പര്യമുള്ളവരും യോഗ്യതയുള്ളവരുമായ ഉദ്യോഗാർത്ഥികൾ ഇപ്പോൾ അപേക്ഷിക്കാം. സെൻട്രൽ സിൽക്ക് ബോർഡിന്റെ ഔദ്യോഗിക വെബ്സൈറ്റായ www.csb.gov.in വഴി വേണം അപേക്ഷ സമർപ്പിക്കേണ്ടത്.
സയന്റിസ്റ്റ് ബി (പോസ്റ്റ് കൊക്കൂൺ സെക്ടർ) തസ്തികയിലാണ് ഒഴിവുകളുള്ളത്.
അടിസ്ഥാന യോഗ്യത: അംഗീകൃത സർവകലാശാലയിൽ നിന്നുള്ള എൻജിനിയറിങ് ബിരുദം അല്ലെങ്കിൽ ടെക്സറ്റൈൽ ടെക്നോളജിയിൽ ബിരുദം.
ഗ്രാജുവേറ്റ് ആപ്റ്റിറ്റ്യൂഡ് ടെസ്റ്റ് ഇൻ എൻജിനീയറിങ് (ഗേറ്റ്) – 2025 എഴുതിയിരിക്കണം.(സെൻട്രൽ സിൽക്ക് ബോർഡ് (CSB) യുടെ വിജ്ഞാപന പ്രകാരം അപേക്ഷിക്കുന്ന ഉദ്യോഗാർത്ഥികളിൽ നിന്ന് ടെക്സ്റ്റൈൽ എൻജിനീയറിങ് ആൻഡ്ഫൈബർ സയൻസി (TF)ലെ ഗേറ്റ് -2025 അടിസ്ഥാനമാക്കിയായിരിക്കും അപേക്ഷകരുടെ ചുരുക്കപ്പട്ടിക ഉണ്ടാക്കുക. )
ഉയർന്ന പ്രായപരിധി: 35 വയസ്സ് (18-02-2026 ന്)
ശമ്പളം :56,100- 1,77,500 രുപ സ്കെയിൽ
ഒഴിവുകളുടെ എണ്ണം :28
അപേക്ഷിക്കാനുള്ള അവസാന തീയതി: ഫെബ്രുവരി 18 (18-02-2026) ആണ്.
മലയാളികളുടെ പ്രിയപ്പെട്ട നടൻമാരിലൊരാളാണ് ഇന്ദ്രൻസ്. കോമഡി വേഷങ്ങൾ മാത്രമല്ല കാരക്ടർ റോളുകൾ ചെയ്തും മലയാളികളുടെ മനസിനെ കീഴടക്കിയ ഇന്ദ്രൻസ് ഇന്ന് മലയാളികളുടെ തന്നെ അഭിമാനമാണ്. എന്നാൽ അതിന്റെ യാതൊരു തലക്കനവും ഇല്ലാതെ സാധാണക്കാരനിൽ സാധാരണക്കാരനായി എളിമയും വിധേയത്വവും കൊണ്ട് നമുക്ക് മുന്നിലൂടെ അദ്ദേഹം നിറ ചിരിയോടെ നടന്നടുക്കുന്നുണ്ട്.
വേറിട്ട അഭിനയത്തിലൂടെ തിളങ്ങുന്ന ഇന്ദ്രൻസിന്റെ ഡാൻസ് നമ്പറാണ് കഴിഞ്ഞ കുറച്ചു ദിവസമായി സോഷ്യൽ മീഡിയയിൽ നിറഞ്ഞു നിൽക്കുന്നത്. ഒരു സിനിമാ പ്രൊമോഷനിടെ കോളജ് വിദ്യാർത്ഥികൾക്ക് മുന്നിൽ എത്തിയതായിരുന്നു ഇന്ദ്രൻസ്. എല്ലാവരുടേയും പ്രേത്സാഹനം കൊടുമ്പിരി കൊണ്ടപ്പോൾ അദ്ദേഹം ജെൻ സി പിള്ളേർക്കൊപ്പം ഡാൻസ് കളിച്ചു.
പയ്യന്മാരെ പിന്നിലാക്കി ‘ജന നായകനി’ലെ ഗാനത്തിന് ചുവടുവച്ച ഇന്ദ്രൻസിനെ കണ്ട് ഏവരും കയ്യടിച്ചു. ഇതിനിടയിൽ അദ്ദേഹത്തിന്റെ പഴയൊരു ഡാൻസ് വിഡിയോ ഓർമിപ്പിച്ച് ‘ഈ സീൻ മൂപ്പര് പണ്ടേ വിട്ടതാ’ എന്ന് പറയുകയാണ് ആരാധകർ. പാർവതി പരിണയം എന്ന ചിത്രത്തിലെ ഗാനരംഗമാണിത്.
‘കള്ളിപ്പെണ്ണേ..’ എന്ന് തുടങ്ങുന്ന ഗാനരംഗത്ത് ഇന്ദ്രൻസിന്റെ കലക്കൻ ഡാൻസ് കാണാം. നടനൊപ്പം അഞ്ജു അരവിന്ദാണ് പെയറായി എത്തിയത്. ഈ ഗാനത്തിൽ സമീപകാലത്ത് ഇറങ്ങിയ പല സിനിമകളുടെ പാട്ടുകൾ ഉൾപ്പെടുത്തി ഷോർട്ട് വിഡിയോകൾ പുറത്തിറങ്ങിയിരുന്നു.
Recent Comments