by Midhun HP News | Dec 11, 2025 | Latest News, ജില്ലാ വാർത്ത
തിരുവനന്തപുരം: തദ്ദേശ തെരഞ്ഞെടുപ്പിനുള്ള രണ്ടാംഘട്ട വോട്ടെടുപ്പ് നാളെ. നാളെ രാവിലെ 7ന് വോട്ടെടുപ്പ് തുടങ്ങും. വൈകുന്നേരം 6 വരെയാണ് വോട്ടെടുപ്പ്.
തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലെ 604 തദ്ദേശ സ്ഥാപനങ്ങളിലെ (ഗ്രാമപഞ്ചായത്ത് – 470, ബ്ലോക്ക് പഞ്ചായത്ത് – 77, ജില്ലാ പഞ്ചായത്ത് – 7, മുനിസിപ്പാലിറ്റി 47, കോര്പ്പറേഷന് – 3) 12391 വാര്ഡുകളിലേക്കാണ് (ഗ്രാമ പഞ്ചായത്ത് വാര്ഡ് – 9015, ബ്ലോക്ക് പഞ്ചായത്ത് വാര്ഡ് – 1177, ജില്ലാ പഞ്ചായത്ത് വാര്ഡ് – 182, മുനിസിപ്പാലിറ്റി വാര്ഡ് – 1829, കോര്പ്പറേഷന് വാര്ഡ് – 188) വോട്ടെടുപ്പ് നടക്കുന്നത്. ആകെ 15337176 വോട്ടര്മാരാണുള്ളത് (പുരുഷന്മാര് – 7246269, സ്ത്രീകള് 8090746, ട്രാന്സ്ജെന്ഡര് – 161), 3293 പ്രവാസി വോട്ടര്മാരും പട്ടികയിലുണ്ട്. 38994 സ്ഥാനാര്ഥികളാണ് (18974 പുരുഷന്മാരും, 20020 സ്ത്രീകളും) മത്സരിക്കുന്നത്. വോട്ടെണ്ണല് ഡിസംബര് 13 ന് നടക്കും.
രണ്ടാംഘട്ട തെരഞ്ഞെടുപ്പില് ആകെ 18274 പോളിങ് സ്റ്റേഷനുകളാണുളളത്. ഇതില് 2055 എണ്ണം പ്രശ്നബാധിത ബൂത്തുകളായി റിപ്പോര്ട്ട് ചെയ്തിട്ടുണ്ട്. തൃശൂര്- 81, പാലക്കാട്- 180, മലപ്പുറം- 295, കോഴിക്കോട്- 166, വയനാട്- 189, കണ്ണൂര്- 1025, കാസര്കോട്- 19 എന്നിങ്ങനെയാണ് പ്രശ്ന ബാധിത ബൂത്തുകളുടെ ജില്ല തിരിച്ചുള്ള എണ്ണം. ഈ ബൂത്തുകളില് അതീവ സുരക്ഷാക്രമീകരണങ്ങളും വെബ്കാസ്റ്റിങ് ഒരുക്കിയിട്ടുണ്ട്. വോട്ടെടുപ്പ് പ്രക്രിയ പൂര്ണമായും സംസ്ഥാന തെരഞ്ഞെടുപ്പ് കമ്മീഷന്റെ നേരിട്ടുള്ള നിരീക്ഷണത്തിലായിരിക്കും.
കണ്ണൂരില് ആന്തൂര് മുനിസിപ്പാലിറ്റിയിലെ മൊറാഴ, കൊടല്ലൂര്, തളിയില്, പൊടികുണ്ഡ്, അന്ജംപീഡിക എന്നീ വാര്ഡുകളില് സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടതിനാല് അവിടങ്ങളില് വോട്ടെടുപ്പില്ല. മലപ്പുറം ജില്ലയിലെ മൂത്തേടം പഞ്ചായത്തിലെ പായിമ്പാടം ഏഴാം വാര്ഡിലെ യുഡിഎഫ് സ്ഥാനാര്ഥി ഹസീനയുടെ മരണത്തെ തുടര്ന്ന് ആ വാര്ഡിലെ വോട്ടെടുപ്പ് മാറ്റിവച്ചിട്ടുണ്ട്. കാസര്കോട് ജില്ലയിലെ മംഗല്പാടി, മടിക്കൈ ഗ്രാമപഞ്ചായത്തുകളില് ഓരോ വാര്ഡുകളിലും കണ്ണൂര് ജില്ലയിലെ കണ്ണാപുരം ഗ്രാമപഞ്ചായത്തില് 6 വാര്ഡിലും മലപ്പട്ടം ഗ്രാമപഞ്ചായത്തിലെ 3 വാര്ഡുകളിലും സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടതിനാല് ഗ്രാമപഞ്ചായത്ത് വാര്ഡിലേക്ക് വോട്ടെടുപ്പ് ഉണ്ടാകില്ല. എന്നാല് അതത് പോളിങ് ബൂത്തുകളില് ബ്ലോക്ക്, ജില്ലാ പഞ്ചായത്തുകളിലേക്കുള്ള വോട്ടെടുപ്പ് നടക്കും.
by Midhun HP News | Dec 11, 2025 | Latest News, ജില്ലാ വാർത്ത
തിരുവനന്തപുരം: തദ്ദേശ തെരഞ്ഞെടുപ്പിനുള്ള രണ്ടാംഘട്ട വോട്ടെടുപ്പ് ആരംഭിച്ചു. രാവിലെ ഏഴിനാണ് വോട്ടെടുപ്പ് തുടങ്ങിയത്. വൈകുന്നേരം 6 വരെയാണ് വോട്ടെടുപ്പ്. വോട്ടെടുപ്പ് ആരംഭിക്കുന്നതിന് മുൻപ് തന്നെ പല ബൂത്തുകളിലും വോട്ടർമാരുടെ നീണ്ട ക്യൂ പ്രത്യക്ഷപ്പെട്ടു.
തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലെ 604 തദ്ദേശ സ്ഥാപനങ്ങളിലെ (ഗ്രാമപഞ്ചായത്ത് – 470, ബ്ലോക്ക് പഞ്ചായത്ത് – 77, ജില്ലാ പഞ്ചായത്ത് – 7, മുനിസിപ്പാലിറ്റി 47, കോര്പ്പറേഷന് – 3) 12391 വാര്ഡുകളിലേക്കാണ് (ഗ്രാമ പഞ്ചായത്ത് വാര്ഡ് – 9015, ബ്ലോക്ക് പഞ്ചായത്ത് വാര്ഡ് – 1177, ജില്ലാ പഞ്ചായത്ത് വാര്ഡ് – 182, മുനിസിപ്പാലിറ്റി വാര്ഡ് – 1829, കോര്പ്പറേഷന് വാര്ഡ് – 188) വോട്ടെടുപ്പ് നടക്കുന്നത്. ആകെ 15337176 വോട്ടര്മാരാണുള്ളത് (പുരുഷന്മാര് – 7246269, സ്ത്രീകള് 8090746, ട്രാന്സ്ജെന്ഡര് – 161), 3293 പ്രവാസി വോട്ടര്മാരും പട്ടികയിലുണ്ട്. 38994 സ്ഥാനാര്ഥികളാണ് (18974 പുരുഷന്മാരും, 20020 സ്ത്രീകളും) മത്സരിക്കുന്നത്. വോട്ടെണ്ണല് ഡിസംബര് 13 ന് നടക്കും.
രണ്ടാംഘട്ട തെരഞ്ഞെടുപ്പില് ആകെ 18274 പോളിങ് സ്റ്റേഷനുകളാണുളളത്. ഇതില് 2055 എണ്ണം പ്രശ്നബാധിത ബൂത്തുകളായി റിപ്പോര്ട്ട് ചെയ്തിട്ടുണ്ട്. തൃശൂര്- 81, പാലക്കാട്- 180, മലപ്പുറം- 295, കോഴിക്കോട്- 166, വയനാട്- 189, കണ്ണൂര്- 1025, കാസര്കോട്- 19 എന്നിങ്ങനെയാണ് പ്രശ്ന ബാധിത ബൂത്തുകളുടെ ജില്ല തിരിച്ചുള്ള എണ്ണം. ഈ ബൂത്തുകളില് അതീവ സുരക്ഷാക്രമീകരണങ്ങളും വെബ്കാസ്റ്റിങ് ഒരുക്കിയിട്ടുണ്ട്. വോട്ടെടുപ്പ് പ്രക്രിയ പൂര്ണമായും സംസ്ഥാന തെരഞ്ഞെടുപ്പ് കമ്മീഷന്റെ നേരിട്ടുള്ള നിരീക്ഷണത്തിലായിരിക്കും.
കണ്ണൂരില് ആന്തൂര് മുനിസിപ്പാലിറ്റിയിലെ മൊറാഴ, കൊടല്ലൂര്, തളിയില്, പൊടികുണ്ഡ്, അന്ജംപീഡിക എന്നീ വാര്ഡുകളില് സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടതിനാല് അവിടങ്ങളില് വോട്ടെടുപ്പില്ല. മലപ്പുറം ജില്ലയിലെ മൂത്തേടം പഞ്ചായത്തിലെ പായിമ്പാടം ഏഴാം വാര്ഡിലെ യുഡിഎഫ് സ്ഥാനാര്ഥി ഹസീനയുടെ മരണത്തെ തുടര്ന്ന് ആ വാര്ഡിലെ വോട്ടെടുപ്പ് മാറ്റിവച്ചിട്ടുണ്ട്. കാസര്കോട് ജില്ലയിലെ മംഗല്പാടി, മടിക്കൈ ഗ്രാമപഞ്ചായത്തുകളില് ഓരോ വാര്ഡുകളിലും കണ്ണൂര് ജില്ലയിലെ കണ്ണാപുരം ഗ്രാമപഞ്ചായത്തില് 6 വാര്ഡിലും മലപ്പട്ടം ഗ്രാമപഞ്ചായത്തിലെ 3 വാര്ഡുകളിലും സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടതിനാല് ഗ്രാമപഞ്ചായത്ത് വാര്ഡിലേക്ക് വോട്ടെടുപ്പ് ഉണ്ടാകില്ല. എന്നാല് അതത് പോളിങ് ബൂത്തുകളില് ബ്ലോക്ക്, ജില്ലാ പഞ്ചായത്തുകളിലേക്കുള്ള വോട്ടെടുപ്പ് നടക്കും.
by Midhun HP News | Dec 11, 2025 | Latest News, കായികം
ചണ്ഡിഗഡ്: ഇന്ത്യ- ദക്ഷിണാഫ്രിക്ക രണ്ടാം ടി 20 ക്രിക്കറ്റ് മത്സരം ഇന്ന് നടക്കും. ആദ്യമായി പുരുഷ രാജ്യാന്തര മത്സരത്തിനു വേദിയൊരുക്കുന്ന ചണ്ഡീഗഡിലെ മുല്ലന്പൂര് സ്റ്റേഡിയത്തില് വൈകീട്ട് 7 മണി മുതലാണ് മത്സരം. സ്റ്റാര് സ്പോര്ട്സ് ചാനലിലും ജിയോ ഹോട്ട്സ്റ്റാറിലും മത്സരം തത്സമയം കാണാം.
കട്ടക്കില് നടന്ന ആദ്യ മത്സരത്തില് നേടിയ 101 റണ്സ് വിജയത്തിന്റെ ആവേശത്തിലാണ് ടീം ഇന്ത്യ. കൂറ്റന് വിജയം നേടിയപ്പോഴും, വൈസ് ക്യാപ്റ്റന് ശുഭ്മാന് ഗില്ലും നായകന് സൂര്യകുമാര് യാദവും ബാറ്റിങ്ങില് ഫോമിലേക്ക് ഉയരാത്തത് ഇന്ത്യയ്ക്ക് തലവേദനയാണ്. ടി 20യില് ഓപ്പണറായി മൂന്നു സെഞ്ച്വറികള് നേടിയ സഞ്ജുവിനെ തഴഞ്ഞാണ് ഗില്ലിന് തുടരെ അവസരം നല്കിയത്.
എന്നാല് കഴിഞ്ഞ മത്സരത്തില് നാലു റണ്സെടുത്ത് ഗില് പുറത്തായി. നായകന് സൂര്യകുമാര് യാദവാകട്ടെ, കഴിഞ്ഞ 21 ഇന്നിങ്സുകളില് ഒരു അര്ധ സെഞ്ച്വറി പോലും നേടിയിട്ടില്ല. ടി20 ടീമിലേക്ക് തിരിച്ചെത്തിയ ഹാര്ദിക് പാണ്ഡ്യയുടെ ഉജ്ജ്വല ഫോമിലാണ് ഇന്ത്യയുടെ പ്രതീക്ഷ. ബൗളിങ് നിരയും ഫോം വീണ്ടെടുത്തിട്ടുണ്ട്. കഴിഞ്ഞ മത്സരത്തിലെ കനത്ത തോൽവി മറികടന്ന്, വീണ്ടും വിജയവഴിയിലേക്ക് തിരിച്ചെത്താനാണ് പ്രോട്ടീസ് ടീമിന്റെ ശ്രമം. പരിക്കിനുശേഷം ആൻറിച്ച് നോർഗ്യെ തിരിച്ചെത്തുന്നത് ദക്ഷിണാഫ്രിക്കയ്ക്ക് കരുത്ത് പകരും. എയ്ഡൻ മാർക്രമാണ് ദക്ഷിണാഫ്രിക്കൻ ടീമിനെ നയിക്കുന്നത്. ബാറ്റർമാർക്കും പേസർമാർക്കും അനുകൂലമായ പിച്ചാണ് മുല്ലൻപൂരിൽ ഒരുക്കിയിരിക്കുന്നതെന്നാണ് റിപ്പോർട്ട്.
by Midhun HP News | Dec 11, 2025 | Latest News, കേരളം
കൊച്ചി: നടി ആക്രമിക്കപ്പെട്ട കേസിലെ കുറ്റക്കാരെന്ന് കണ്ടെത്തിയ പ്രതികളുടെ ശിക്ഷ വിചാരണക്കോടതി നാളെ വിധിക്കും. കുറ്റകൃത്യത്തില് നേരിട്ട് പങ്കെടുത്ത ഒന്നു മുതല് ആറുപ്രതികള് കുറ്റക്കാരാണെന്നാണ് എറണാകുളം പ്രിന്സിപ്പല് സെഷന്സ് കോടതി കണ്ടെത്തിയത്. പള്സര് സുനിയാണ് ഒന്നാം പ്രതി.
ഡ്രൈവര് മാര്ട്ടിന് ആന്റണി, ബി മണികണ്ഠന്, വി പി വിജീഷ്, എച്ച് സലിം ( വടിവാള് സലിം), പ്രദീപ് എന്നിവാരാണ് കോടതി കുറ്റക്കാരെന്നു കണ്ടെത്തിയ മറ്റു പ്രതികള്. ഇവര്ക്കു നല്കേണ്ട ശിക്ഷയിന്മേലുള്ള വാദിമാണ് നാളെ കോടതിയില് ആരംഭിക്കുക. തുടര്ന്ന് കോടതി ശിക്ഷ വിധിക്കും.
കേസില് കുറ്റക്കാര്ക്ക് പരമാവധി ശിക്ഷ നല്കണമെന്ന് പ്രോസിക്യൂഷന് വാദിക്കും. ഐപിസി പ്രകാരം പ്രതികള് ചെയ്തതായി കോടതി കണ്ടെത്തിയ കൂട്ടബലാത്സംഗമാണ് (വകുപ്പ് 376 ഡി ) ഏറ്റവും കടുത്ത ശിക്ഷ ലഭിക്കാവുന്ന കുറ്റം. 20 വര്ഷം വരെ കഠിന തടവോ, ജീവിതാവസാനം വരെയുള്ള കഠിന തടവോ, ജീവപര്യന്തമോ ശിക്ഷ ലഭിച്ചേക്കാം. കുറ്റകൃത്യത്തിനുള്ള അതേ ശിക്ഷ അതിനായുള്ള ഗൂഢാലോചനയില് പങ്കെടുത്താലും ലഭിക്കും. അതേസമയം നടിയെ ആക്രമിച്ച കേസില് ഗൂഢാലോചനാക്കുറ്റം ചുമത്തിയിരുന്നു എട്ടാം പ്രതിയായ നടന് ദിലീപിനെ കോടതി കുറ്റവിമുക്തനാക്കിയിരുന്നു. ഗൂഢാലോചന തെളിയിക്കാനായില്ലെന്ന് ചൂണ്ടിക്കാട്ടിയാണ് നടപടി. കേസിലെ ഏഴു മുതല് 10 വരെ പ്രതികളെയാണ് വിചാരണക്കോടതി വെറുതെ വിട്ടത്.
by Midhun HP News | Dec 10, 2025 | Latest News, കേരളം
പാലക്കാട്: ബലാത്സംഗ കേസില് മുന്കൂര് ജാമ്യം ലഭിച്ച പശ്ചാത്തലത്തില് ഒളിവു ജീവിതം അവസാനിപ്പിച്ച് രാഹുല് മാങ്കൂട്ടത്തില് എംഎല്എ നാളെ വോട്ട് ചെയ്യാന് പാലക്കാട് എത്തിയേക്കുമെന്ന് വിവരം. പാലക്കാട് നഗരസഭയിലെ കുന്നത്തൂര്മേട് സൗത്തിലെ സെന്റ് സെബാസ്റ്റ്യന്സ് സ്കൂളിലെ ബൂത്ത് നമ്പര് രണ്ടിലാണ് രാഹുലിന് വോട്ട് ഉള്ളത്. രാഹുല് താമസിക്കുന്ന ഫ്ലാറ്റ് ഈ വാര്ഡിലാണ് സ്ഥിതി ചെയ്യുന്നത്. ഈ വാര്ഡ് കോണ്ഗ്രസിന്റെ സിറ്റിങ് സീറ്റാണ്. രാഹുല് മാങ്കൂട്ടത്തില്, എംഎല്എ ആയ ശേഷമുള്ള ആദ്യ തദ്ദേശ തെരഞ്ഞെടുപ്പാണിത്.
ബംഗളൂരുവില് താമസിക്കുന്ന 23 വയസ്സുകാരി നല്കിയ പരാതിയുടെ അടിസ്ഥാനത്തിലെടുത്ത കേസില് രാഹുലിന് ഉപാധികളോടെയാണ് മുന്കൂര് ജാമ്യം അനുവദിച്ചത്. പിന്നാലെയാണ് രാഹുല് വോട്ട് ചെയ്യാനെത്തുമെന്ന അഭ്യൂഹം സജീവമാകുന്നത്. തദ്ദേശ തെരഞ്ഞെടുപ്പിന്റെ ആദ്യഘട്ടത്തില് രാഹുല് പാലക്കാട് സജീവമായിരുന്നു. ബലാത്സംഗ കേസില് മുഖ്യമന്ത്രിയ്ക്ക് പരാതി ലഭിച്ചതോടെയാണ് രാഹുല് ഒളിവില് പോകുന്നത്.
എല്ലാ തിങ്കളാഴ്ചകളിലും അന്വേഷണ ഉദ്യോഗസ്ഥര്ക്കു മുന്നില് ഹാജരായി ഒപ്പിടണമെന്ന ഉപാധിയോടെയാണ് രാഹുല് മാങ്കൂട്ടത്തിലിന് മുന്കൂര് ജാമ്യം അനുവദിച്ചിരിക്കുന്നത്. സാക്ഷികളെ സ്വാധീനിക്കാന് ശ്രമിക്കരുതെന്നും കോടതി പറഞ്ഞു. പ്രിന്സിപ്പല് ജില്ലാ സെഷന്സ് ജഡ്ജി എസ് നസീറ ആണ് ഹര്ജി പരിഗണിച്ചത്. അറസ്റ്റ് ചെയ്താല് ജാമ്യത്തില് വിട്ടയക്കണമെന്നും കോടതി ഉത്തരവിലുണ്ട്. അടച്ചിട്ട മുറിയിലാണ് കോടതി വാദം കേട്ടത്. കഴിഞ്ഞ ശനിയാഴ്ച ഉച്ചയ്ക്കാണ് മുന്കൂര് ജാമ്യ ഹര്ജി ഫയല് ചെയ്തത്.
ബംഗളൂരു സ്വദേശിനിയായ 23-കാരിയെ വിവാഹവാഗ്ദാനം നല്കി പീഡിപ്പിച്ചെന്നതാണ് രണ്ടാമത്തെ കേസ്. യുവതി കെപിസിസി പ്രസിഡന്റിന് ഇ-മെയില് ആയി നല്കിയ പരാതി ഡിജിപിക്ക് കൈമാറുകയായിരുന്നു. ഡിജിപി കൈമാറിയ പരാതിയിലാണ് ക്രൈംബ്രാഞ്ച് എഫ്ഐആര് രജിസ്റ്റര് ചെയ്തത്. എഫ്ഐആര് റജിസ്റ്റര് ചെയ്ത അവസരത്തില് പരാതിക്കാരിയുടെ മൊഴി പൊലീസിന് ലഭിച്ചിരുന്നില്ല. ഇതിനു ശേഷമാണ് ഐജി പൂങ്കുഴലി നേരിട്ട് പരാതിക്കാരിയുടെ മൊഴി എടുത്തത്. പൊലീസുമായി ഓണ്ലൈനില് ബന്ധപ്പെടാന് എല്ലാ സാഹചര്യവും സൗകര്യവും ഉണ്ടായിരിക്കെ പരാതിക്കാരി കെപിസിസി പ്രസിഡന്റിന് ഇ-മെയല് സന്ദേശം അയച്ച് പരാതി പറഞ്ഞതില് ദുരൂഹതയുണ്ടെന്നാണ് പ്രതിഭാഗം വാദം.
പരാതിയില് ഒരിടത്തും പരാതിക്കാരിയുടെ പേരോ, പീഡനം നടന്നു എന്ന് ആരോപിക്കുന്ന തീയതിയോ സ്ഥലമോ വ്യക്തമാക്കാത്തതില്നിന്ന് പരാതി രാഷ്ട്രീയ പ്രേരിതമായ ഗൂഢാലോചനയാണെന്ന് വ്യക്തമാണെന്നായിരുന്നു പ്രതിഭാഗം വാദം. 2023-ല് ഏതോ ഒരു ഹോംസ്റ്റേയില് വച്ച് പീഡനം നടന്നു എന്നാണ് പരാതിയിലെ ആരോപണം. അവ്യക്തമായുള്ള പരാതി, രാഹുലിനെതിരായ ആദ്യ കേസ് കോടതി പരിഗണിച്ച ശേഷമാണ് ഉണ്ടായതെന്നതില് നിന്ന് പരാതിക്കു പിന്നിലെ ദുരൂഹത വ്യക്തമാണെന്നും പ്രതിഭാഗം വാദിച്ചു. പരാതി യാഥാര്ഥ്യം ആണെന്നായിരുന്നു പ്രോസിക്യൂഷന് വാദം. പരാതിക്കാരി വ്യക്തമായ മൊഴി നല്കിയ സാഹചര്യത്തില് പ്രതിക്ക് ജാമ്യം അനുവദിക്കരുതെന്നും പ്രോസിക്യൂഷന് വാദിച്ചു.
ശരീരമാകെ മുറിവേല്പ്പിച്ചു കൊണ്ടുള്ള ലൈംഗിക അതിക്രമമാണ് രാഹുല് മാങ്കൂട്ടത്തില് ചെയ്തതെന്ന് യുവതി മൊഴിയില് പറയുന്നു. വിവാഹ വാഗ്ദാനം നല്കിയാണ് ബന്ധം സ്ഥാപിച്ചത്. സംസാരിക്കാനെന്നു പറഞ്ഞാണ് ഹോംസ്റ്റേയിലെ മുറിയിലേക്ക് കൊണ്ട് പോയത്. ശരീരമാകെ മുറിവേല്പ്പിച്ചു കൊണ്ടുള്ള ലൈംഗിക അതിക്രമമാണ് നടത്തിയതെന്നും യുവതി മൊഴിയില് വ്യക്തമാക്കുന്നു.
‘ഐ വാണ്ടഡ് ടു റേപ്പ് യു’ എന്ന് പറഞ്ഞു കൊണ്ടിരുന്നു. ശ്വാസം മുട്ടല് അനുഭവപ്പെട്ടിട്ടും ലൈംഗികാതിക്രമം തുടര്ന്നു. ലൈംഗിക അതിക്രമത്തിനു ശേഷം വിവാഹം ചെയ്യാനാകില്ലെന്ന് അറിയിച്ചു. മാനസികമായും ശാരീരികമായും തകര്ന്നു പോയി. വീണ്ടും ബന്ധം പുനഃസ്ഥാപിക്കാന് രാഹുല് പിന്നാലെ നടന്നു. ഫോണ് എടുത്തില്ലെങ്കില് അസഭ്യം വിളിക്കുമായിരുന്നു. നമുക്ക് ഒരു കുഞ്ഞു വേണം എന്ന വിചിത്ര ആവശ്യവും രാഹുല് ഉന്നയിച്ചു. കേസുമായി മുന്നോട്ട് പോകാന് ഭയമുണ്ടെന്നും യുവതി മൊഴിയില് വ്യക്തമാക്കിയിട്ടുണ്ട്. മൊഴി സീല് വെച്ച കവറില് കോടതിയില് സമര്പ്പിച്ചിരുന്നു. അതേസമയം, ആദ്യ പീഡനക്കേസില് ജില്ലാ കോടതി മുന്കൂര് ജാമ്യം നിഷേധിച്ചെങ്കിലും ഹൈക്കോടതി 15 വരെ അറസ്റ്റ് തടഞ്ഞിട്ടുണ്ട്.
by Midhun HP News | Dec 10, 2025 | Latest News, കേരളം
തിരുവനന്തപുരം: കേരള സംസ്ഥാന ലോട്ടറി വകുപ്പിന്റെ ധനലക്ഷ്മി ലോട്ടറി ഫലം പ്രഖ്യാപിച്ചു. DP 940327 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ DZ 678245 എന്ന നമ്പറിലുള്ള ടിക്കറ്റിനാണ്. DT 523175 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize Rs.5,000/-
DN 940327
DO 940327
DR 940327
DS 940327
DT 940327
DU 940327
DV 940327
DW 940327
DX 940327
DY 940327
DZ 940327
4th Prize Rs.5,000/-
0262 0607 0837 1121 1410 2516 3175 3697 3861 4710 6103 6508 6536 6620 6959 7345 8068 8560 9419
5th Prize Rs.2,000
0652 2174 7081 7737 8795 9806
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
Recent Comments