by Midhun HP News | Oct 29, 2026 | Latest News, കേരളം
തൃശ്ശൂർ: തൃശ്ശൂർ കുണ്ടായിയിൽ സ്വകാര്യ തോട്ടത്തിലെ ഉപയോഗശൂന്യമായ കിണറ്റിൽ കാട്ടാന വീണു. കുണ്ടായി–ചൊക്കന റോഡിലുള്ള ഹാരിസൺ മലയാളം പ്ലാന്റേഷൻ എസ്റ്റേറ്റിലാണ് വ്യാഴാഴ്ച പുലർച്ചെ കാട്ടാന കിണറ്റിൽ അകപ്പെട്ടത്. ഇന്ന് രാവിലെ പതിവുപോലെ ജോലിക്കെത്തിയ തോട്ടം തൊഴിലാളികളാണ് കിണറ്റിനുള്ളിൽ കാട്ടാന അകപ്പെട്ടത് ആദ്യം കാണുന്നത്.
കിണറ്റിന് ആഴം താരതമ്യേന കുറവായതിനാൽ കാട്ടാനയ്ക്ക് കാര്യമായ പരിക്കുകളൊന്നും പറ്റിയിട്ടില്ലെന്നാണ് പ്രാഥമിക നിഗമനം. വിവരമറിഞ്ഞയുടൻ വനംവകുപ്പ് ഉദ്യോഗസ്ഥരും ജീവനക്കാരും സ്ഥലത്തെത്തി പരിശോധന ആരംഭിച്ചു. ജെസിബി ഉപയോഗിച്ച് കിണറിന്റെ വശങ്ങൾ ഇടിച്ച് നിരപ്പാക്കി മൺപാതയൊരുക്കി ആനയെ സുരക്ഷിതമായി കരയ്ക്ക് കയറ്റി കാട്ടിലേക്ക് തിരികെ അയക്കാനുള്ള രക്ഷാപ്രവർത്തനം പുരോഗമിക്കുകയാണ്
കുണ്ടായി, ചൊക്കന മേഖലകളിൽ കഴിഞ്ഞ കുറച്ചുനാളുകളായി കാട്ടാന ശല്യം അതീവ രൂക്ഷമായി തുടരുകയാണ്. കഴിഞ്ഞദിവസം കുട്ടികളടക്കം മുപ്പതോളം കാട്ടാനകൾ അടങ്ങുന്ന വലിയൊരു ആനക്കൂട്ടം ഇവിടെ തമ്പടിച്ചിരുന്നു. അതിരാവിലെ റബ്ബർ ടാപ്പിംഗിനായി തോട്ടത്തിലേക്ക് പോകുന്ന തൊഴിലാളികൾക്കുനേരെ പലതവണ കാട്ടാനകളുടെ ആക്രമണമുണ്ടായിട്ടുണ്ട്.
കാട്ടാനകൾ തോട്ടത്തിലും റോഡിലും നിലയുറപ്പിച്ചിരിക്കുന്നതിനാൽ പ്രദേശവാസികളും തോട്ടം തൊഴിലാളികളും ഭീതിയിലാണ് കഴിയുന്നത്. ജനവാസ മേഖലകളിലും കൃഷിയിടങ്ങളിലും ഭീതി പടർത്തുന്ന കാട്ടാനക്കൂട്ടത്തെ ഉൾവനത്തിലേക്ക് തുരത്താൻ വനംവകുപ്പ് അടിയന്തര നടപടി സ്വീകരിക്കണമെന്നാണ് പ്രദേശവാസികളുടെ ആവശ്യം.
by Midhun HP News | Oct 29, 2026 | Latest News, കേരളം
തിരുവനന്തപുരം: പിഎസ് സി പരീക്ഷാ ക്രമക്കേടില്‍ പ്രതിയായ പ്രതിയായ അഡീഷണല്‍ സെക്രട്ടറി ആര്‍. ഹരിക്കായി ക്രൈംബ്രാഞ്ച് അന്വേഷണം ഊര്‍ജ്ജിതമാക്കി. ഒളിവിലുള്ള ഇയാള്‍ സംസ്ഥാനം വിടാനുള്ള സാധ്യതയുള്ളതായും അന്വേഷണ സംഘം സംശയിക്കുന്നുണ്ട്. ഇതനുസരിച്ച് തിരച്ചില്‍ ഊര്‍ജ്ജിതമാക്കിയിട്ടുണ്ട്. കേസില്‍ അറസ്റ്റിലായ മുന്‍ ഡെപ്യൂട്ടി സെക്രട്ടറി സതീഷിനെ റിമാന്‍ഡ് ചെയ്തിട്ടുണ്ട്.
ക്രമക്കേടുമായി ബന്ധപ്പെട്ട് പി എസ് സി ചെയര്‍മാന്‍ ഡോ. എം ആര്‍ ബൈജുവിനെ ക്രൈംബ്രാഞ്ച് വിളിച്ചുവരുത്തി ചോദ്യം ചെയ്തിരുന്നു. മൊഴി പരിശോധിച്ചശേഷം വ്യക്തതക്കുറവുണ്ടെങ്കില്‍ ചെയര്‍മാനെ വീണ്ടും വിളിച്ചു വരുത്താനാണ് തീരുമാനം. നിയമവിരുദ്ധമായ യാതൊരു ഇടപെടലും നടത്തിയിട്ടില്ലെന്നും, ഇന്റര്‍വ്യൂ നടപടികള്‍ നടത്തിയത് സുതാര്യമായാണെന്നും ഡോ. ബൈജു മൊഴി നല്‍കി. ആസൂത്രണ ബോര്‍ഡ് ചീഫ് നിയമന ക്രമക്കേടിലായിരുന്നു പ്രധാനമായും അന്വേഷണ സംഘം വിവരങ്ങള്‍ ആരാഞ്ഞത്.
എന്തുകൊണ്ടാണ് പരീക്ഷയിലെ 54 മാര്‍ക്കിന്റെ ഉത്തരങ്ങള്‍ ആരുടേയും വാല്യു ചെയ്യാതെ പോയതെന്ന് ക്രൈംബ്രാഞ്ച് ചോദിച്ചു. അത് തനിക്ക് അറിയില്ലെന്നും, മൂല്യനിര്‍ണയത്തിന് ചുമതലയുള്ള ഉദ്യോഗസ്ഥര്‍ക്ക് പറ്റിയ പിഴവാണ്. അത് സാങ്കേതിക പിഴവാണെന്നാണ് താന്‍ മനസ്സിലാക്കുന്നതെന്നും ഡോ. എംആര്‍ ബൈജു പറഞ്ഞു. സാങ്കേതിക പിഴവ് തിരിച്ചറിയുന്നതിലും, ആ സമയത്തുതന്നെ കണ്ടെത്തുന്നതിലും ഉദ്യോഗസ്ഥര്‍ക്ക് പിഴവ് സംഭവിച്ചിട്ടുണ്ട്. അറിഞ്ഞ ഉടന്‍ തന്നെ വീണ്ടും മൂല്യനിര്‍ണയം നടത്തുകയും, പുതിയ റാങ്ക്‌ലിസ്റ്റ് പ്രസിദ്ധീകരിക്കുകയും ചെയ്തു. അതുകൊണ്ട് മനപ്പൂര്‍വ്വമുള്ളൊരു തട്ടിപ്പല്ലെന്നും ഡോ. എംആര്‍ ബൈജു മൊഴി നല്‍കി.
‘പിഎസ് സിയിൽ കോക്കസ്’ എന്ന് മൊഴി
അതേസമയം, പിഎസ് സിയില്‍ പല കാര്യങ്ങളും തീരുമാനിക്കുന്നത് ചെയര്‍മാന്റെ നേതൃത്വത്തിലുള്ള കോക്കസാണെന്ന് ക്രൈംബ്രാഞ്ചിന് മൊഴി ലഭിച്ചതായി റിപ്പോര്‍ട്ടുകളുണ്ട്. ചെയര്‍മാനും ഒന്നോ രണ്ടോ അംഗങ്ങളും അടങ്ങിയ സംഘമാണ് പല പ്രധാന തീരുമാനങ്ങളും എടുക്കുന്നത്. യോഗങ്ങളില്‍ വരുന്ന പൊതുതീരുമാനങ്ങളില്‍മാത്രമാണ് തങ്ങള്‍ക്ക് പങ്കുള്ളതെന്നുമാണ് മൊഴി. പരീക്ഷാത്തട്ടിപ്പുകേസില്‍ ചെയര്‍മാനു പുറമെ, മൂന്ന് പിഎസ് സി അംഗങ്ങളാണ് ഇതുവരെ മൊഴി നല്‍കിയിട്ടുള്ളത്. ചോദ്യപ്പേപ്പര്‍ തെരഞ്ഞെടുക്കേണ്ടത് ചെയര്‍മാനും പിഎസ്‌സി സെക്രട്ടറിയും പരീക്ഷാ കമ്മിഷണറും ചേര്‍ന്നാണ്. പലപ്പോഴും സെക്രട്ടറിയെ ഒഴിവാക്കുന്ന രീതി ഉണ്ടായിട്ടുണ്ട്.
അഭിമുഖങ്ങളില്‍ അംഗങ്ങളെ നിയമിക്കുന്നതടക്കമുള്ള പല കാര്യങ്ങളും ചെയര്‍മാനും ഒപ്പമുള്ള ചില അംഗങ്ങളുംകൂടിയാണ് തീരുമാനിക്കുന്നത്. കേസില്‍ പ്രതിയായ അഡീഷണല്‍ സെക്രട്ടറി ആര്‍ ഹരിയും ചെയര്‍മാനുമായി അടുത്ത ബന്ധമുണ്ടെന്നും മൊഴി ലഭിച്ചതായാണ് സൂചന. പലപ്പോഴും എഴുത്തുപരീക്ഷയില്‍ ലഭിച്ച മാര്‍ക്കുകള്‍ ചെയര്‍മാന്‍ അറിയാറുണ്ടെന്നും ക്രൈംബ്രാഞ്ചിന് വിവരം ലഭിച്ചിട്ടുണ്ടെന്നാണ് വിവരം. ആസൂത്രണ ബോര്‍ഡ് പരീക്ഷാ ക്രമക്കേടുമായി ബന്ധപ്പെട്ട് പരീക്ഷാ വിഭാഗം അഡീഷണല്‍ സെക്രട്ടറി ആര്‍ ഹരിയെ സസ്‌പെന്‍ഡ് ചെയ്തിട്ടുണ്ട്. ഹരിക്കെതിരെ നടപടി ആവശ്യപ്പെട്ട് പ്രത്യേക അന്വേഷണ സംഘം റിപ്പോര്‍ട്ടും സമര്‍പ്പിച്ചിട്ടുണ്ട്.
by Midhun HP News | Oct 29, 2026 | Latest News
മഡ്രിഡ്: സ്‌പെയിനിലെ ടൊലെഡോയ്ക്ക് സമീപം അതിവേഗ ട്രെയിനുകള്‍ കൂട്ടിയിടിച്ചുണ്ടായ വന്‍ ദുരന്തത്തില്‍ മരണസംഖ്യ 68 ആയി. സംഭവത്തില്‍ നിരവധി പേര്‍ക്ക് പരിക്കേറ്റു. പലരുടെയും നില ഗുരുതരമായതിനാല്‍ മരണസംഖ്യ ഇനിയും ഉയര്‍ന്നേക്കാമെന്ന് അധികൃതര്‍ അറിയിച്ചു. മഡ്രിഡിനെ അന്‍ഡലൂഷ്യയുമായി ബന്ധിപ്പിക്കുന്ന അതിവേഗ റെയില്‍പാതയിലാണ് അപകടം നടന്നത്.
രാജ്യത്തെ റെയില്‍വേ സിസ്റ്റം ഓപ്പറേറ്ററായ എഡിഐഎഫ് ആണ് അപകടവിവരം പുറത്തുവിട്ടത്. പ്രാദേശിക സമയം ബുധനാഴ്ച രാവിലെ 9 മണിയോടെയായിരുന്നു സംഭവം. സിഗ്‌നലിങ് സംവിധാനത്തിലുണ്ടായ തകരാറിനെ തുടര്‍ന്ന് ഓപ്പറേറ്റര്‍ക്ക് സംഭവിച്ച മാനുഷിക പിഴവാണ് അപകടകാരണമെന്നാണ് സ്പാനിഷ് പ്രധാനമന്ത്രി പെഡ്രോ സാഞ്ചസിന്റെ നേതൃത്വത്തിലുള്ള സര്‍ക്കാര്‍ വൃത്തങ്ങള്‍ വ്യക്തമാക്കുന്നത്.
തെക്കോട്ട് സഞ്ചരിക്കുകയായിരുന്ന റെന്‍ഫെ ട്രെയിന്‍, ട്രാക്കില്‍ നിര്‍ത്തിയിട്ടിരുന്ന ഇറിയോ ട്രെയിനിന്റെ പിന്നിലേക്ക് ഇടിച്ചുകയറുകയായിരുന്നു. ആഘാതത്തില്‍ ട്രെയിനിന്റെ ബോഗികള്‍ പാളം തെറ്റി അടുത്തുള്ള ചരിവിലേക്ക് മറിഞ്ഞു. റെന്‍ഫെ ട്രെയിനില്‍ 397 യാത്രക്കാരും ഇറിയോ ട്രെയിനില്‍ 147 യാത്രക്കാരുമാണ് ഉണ്ടായിരുന്നതെന്ന് കാസ്റ്റില ലാ മഞ്ച മേഖല വക്താവ് എസ്തര്‍ പാഡില വ്യക്തമാക്കി.
അപകടത്തെ തുടര്‍ന്ന് മഡ്രിഡ്, സിയുഡാഡ് റിയല്‍, അന്‍ഡലൂഷ്യ എന്നിവിടങ്ങളിലേക്കുള്ള ട്രെയിന്‍ സര്‍വീസുകള്‍ താല്‍ക്കാലികമായി നിര്‍ത്തിവെച്ചു. സംഭവത്തില്‍ സ്പാനിഷ് പ്രധാനമന്ത്രി പെഡ്രോ സാഞ്ചസ് ഞെട്ടല്‍ രേഖപ്പെടുത്തി. രക്ഷാപ്രവര്‍ത്തനങ്ങള്‍ പുരോഗമിക്കുകയാണെന്നും ദുരിതബാധിതര്‍ക്ക് എല്ലാ പിന്തുണയും നല്‍കുമെന്നും അദ്ദേഹം എക്‌സ് പോസ്റ്റിലൂടെ അറിയിച്ചു.
ഈ വര്‍ഷം സ്‌പെയിനിലെ അതിവേഗ റെയില്‍ ശൃംഖലയില്‍ നടക്കുന്ന രണ്ടാമത്തെ വലിയ ദുരന്തമാണിത്. കഴിഞ്ഞ ജനുവരിയില്‍ ആഡമുസില്‍ ട്രെയിന്‍ പാളം തെറ്റിയുണ്ടായ അപകടത്തില്‍ 45 പേര്‍ മരിച്ചിരുന്നു. 2013ല്‍ 80 പേരുടെ മരണത്തിടയാക്കിയ റെയില്‍ അപകടത്തിന് ശേഷം സ്‌പെയിനില്‍ നടക്കുന്ന ഏറ്റവും വലിയ ദുരന്തമാണിത്.
by Midhun HP News | Oct 29, 2026 | Latest News, കേരളം
തിരുവനന്തപുരം: കേരള രാജ്യാന്തര ചലച്ചിത്രമേളയുടെ ചരിത്രത്തില്‍ ആദ്യമായി സിനിമകള്‍ രാപകലില്ലാതെ 24 മണിക്കൂറും പ്രദര്‍ശിപ്പിക്കാന്‍ ഒരുങ്ങുന്നു. പരമ്പരാഗത പ്രദര്‍ശന സമയക്രമങ്ങളില്‍ മാറ്റം വരുത്തിക്കൊണ്ട്, മേളയെ മുഴുവന്‍ സമയ സിനിമാനുഭവമാക്കി മാറ്റാനാണ് കേരള ചലച്ചിത്ര അക്കാദമിയുടെ തീരുമാനം. മേളയുടെ ഉദ്ഘാടന, സമാപന ദിവസങ്ങള്‍ ഒഴികെയുള്ള ആറു ദിവസങ്ങളില്‍ വിവിധ വേദികളിലായി രാവും പകലും സിനിമകള്‍ പ്രദര്‍ശിപ്പിക്കാനാണ് പദ്ധതിയെന്ന് സംഘാടകര്‍ അറിയിച്ചു. ഡിസംബര്‍ 11 മുതല്‍ 18 വരെ തിരുവനന്തപുരത്താണ് 31-ാമത് ഐഎഫ്എഫ്‌കെ നടക്കുന്നത്
മേളയുടെ പ്രധാന വേദിയായ ടാഗോര്‍ തിയേറ്റര്‍ 24 മണിക്കൂറും പ്രവര്‍ത്തിക്കുന്ന ഫെസ്റ്റിവല്‍ ഹബ്ബായി മാറും. മുതിര്‍ന്ന പൗരന്മാര്‍, ഉദ്യോഗസ്ഥര്‍, യുവജനങ്ങള്‍ എന്നിവരുടെ സൗകര്യാര്‍ഥം രാവിലെ 7 മണിക്ക് അടക്കം പ്രദര്‍ശനങ്ങള്‍ ഉണ്ടാകും. തിരക്ക് കുറയ്ക്കുന്നതിന്റെ ഭാഗമായി എല്ലാ വേദികളിലും ദിവസേന ശരാശരി രണ്ട് ഷോകള്‍ കൂടി പുതുതായി ഉള്‍പ്പെടുത്താനും അക്കാദമി ആലോചിക്കുന്നുണ്ട്. മുതിര്‍ന്ന പൗരന്മാര്‍ക്ക് പ്രഭാതസവാരിക്കൊപ്പം തിയേറ്ററിലെത്തി സിനിമ ആസ്വദിച്ച് മടങ്ങാനുള്ള അവസരമാണ് ഇതിലൂടെ ലക്ഷ്യമിടുന്നത്. അര്‍ദ്ധരാത്രിയിലെ ഷോകള്‍ ജെന്‍ സികള്‍ അടക്കമുള്ള യുവ സിനിമാപ്രേമികളെ ലക്ഷ്യമിട്ടുള്ളതാണ്.
ജനക്കൂട്ടവും നീണ്ട വരികളും നിയന്ത്രിക്കുന്നതിനും, കൂടുതല്‍ ആളുകള്‍ക്ക് പ്രമുഖ ചിത്രങ്ങള്‍ കാണാന്‍ അവസരം ഒരുക്കുന്നതിനുമാണ് സമയമാറ്റമെന്ന് അക്കാദമി ചെയര്‍മാന്‍ രവീന്ദ്രന്‍ വ്യക്തമാക്കി. സുരക്ഷാകാര്യങ്ങള്‍ മുന്‍നിര്‍ത്തി എല്ലാ വേദികളിലും മുഴുവന്‍ സമയം പ്രദര്‍ശനം നടത്താന്‍ സാധ്യമല്ല. പ്രധാന വേദി 24 മണിക്കൂറും സജീവമായി നിലനിര്‍ത്താനാണ് തീരുമാനം. നിശാഗന്ധി അടക്കമുള്ള മറ്റ് വേദികളിലെ പ്രദര്‍ശന സമയവും നീട്ടുന്ന കാര്യം പരിഗണനയിലുണ്ട്. എന്നാല്‍ ഇതിനായി പൊലീസിന്റെ അനുമതി ഉള്‍പ്പെടെ ലഭിക്കേണ്ടതുണ്ട്. നിലവില്‍ വൈകിട്ട് രണ്ട് ഷോകളാണ് പ്രദര്‍ശിപ്പിക്കുന്നത്.
by Midhun HP News | Oct 29, 2026 | Latest News, കേരളം
കോഴിക്കോട്: സംസ്ഥാന സ്‌കൂള്‍ കായികമേളയിലെ ഭക്ഷണത്തില്‍ പുഴുവിനെ കണ്ടെന്ന ആരോപണത്തില്‍ അധ്യാപകന്‍ അറസ്റ്റില്‍. പെരുമ്പാവൂര്‍ സ്വദേശി ജിജോ ജെയിംസ് ആണ് അറസ്റ്റിലായത്. ജിജോ ജെയിംസ് ഫെയ്‌സ്ബുക്ക് ലൈവിലൂടെയാണ് ആരോപണം ഉയര്‍ത്തിയത്. ഇത് വലിയ വിവാദമായിരുന്നു.
തുടര്‍ന്ന് ഇന്നലെ വൈകീട്ടോടെ ജിജോ ജെയിംസിനെ പൊലീസ് കസ്റ്റഡിയിലെടുത്തു. രാവിലെയോടെ അറസ്റ്റ് രേഖപ്പെടുത്തുകയായിരുന്നു. പുഴുവിനെ താന്‍ കണ്ടിട്ടില്ലെന്നും, വിദ്യാര്‍ത്ഥികള്‍ ആരോ പറഞ്ഞതിന്റെ അടിസ്ഥാനത്തിലാണ് ഫെയ്‌സ്ബുക്കിലൂടെ വിവരം പങ്കുവെച്ചതെന്നാണ് ജിജോ ജെയിംസ് പൊലീസിന് മൊഴി നല്‍കിയത്.
ഭക്ഷണത്തില്‍ പുഴുവിനെ കണ്ടെത്തിയെന്ന ആരോപണവും, സംഘാടന പിഴവും ഉയര്‍ത്തിക്കാട്ടി എസ്എഫ്‌ഐ പ്രതിഷേധ മാര്‍ച്ച് നടത്തിയിരുന്നു. എന്നാല്‍ ഭക്ഷണത്തില്‍ പുഴുവിനെ കണ്ടെത്തിയെന്ന ആക്ഷേപം പാചകക്കാരനായ പഴയിടം മോഹനന്‍ നമ്പൂതിരി തള്ളി. തരംതാണ രാഷ്ട്രീയമാണ് ചിലര്‍ കളിക്കുന്നതെന്ന് പഴയിടം പറഞ്ഞു. ഇത്രയും വര്‍ഷം കലോത്സവ-കായിക മേളകളില്‍ പാചക ചുമതലയുണ്ടായിട്ടും ആദ്യമായിട്ടാണ് ഇങ്ങനെ ഒരു അനുഭവം ഉണ്ടാകുന്നത്.
ഭക്ഷണം മോശമാണെന്ന് വരുത്തിതീര്‍ക്കാന്‍ ശ്രമിക്കുകയാണ്. എന്തിനാണ് ഇങ്ങനെ വിവാദമുണ്ടാക്കുന്നതെന്ന് അറിയില്ല. അത് നൂറുശതമാനം ഫെയ്ക്ക് ആണെന്ന് അറിഞ്ഞിട്ടും അത് ആവര്‍ത്തിക്കുകയാണ്. ഇതിനെതിരെ താന്‍ നിയമനടപടികളിലേക്ക് നീങ്ങും. തിളച്ച സാമ്പാറില്‍ എങ്ങനെ ജീവനുള്ള പുഴുവിനെ കണ്ടെത്തുമെന്നും പഴയിടം മോഹനന്‍ നമ്പൂതിരി ചോദിച്ചു.
Recent Comments