by Midhun HP News | Jun 18, 2024 | Uncategorized
കണ്ണൂര്‍: തലശ്ശേരി എരഞ്ഞോളിയില്‍ ബോംബ് പൊട്ടിത്തെറിച്ച് വൃദ്ധൻ മരിച്ചു. ഇന്ന് ഉച്ചയോടെയാണ് സംഭവം. എരഞ്ഞോളി സ്വദേശി വേലായുധനാണ്(86) മരിച്ചത്. വീടിനോട് ചേർന്ന് ആൾതാമസമില്ലാത്ത വീട്ടിൽ തേങ്ങപെറുക്കാൻ പോയപ്പാഴാണ് ബോംബ് പൊട്ടിത്തെറിച്ചത്. പറമ്പിൽ നിന്ന് കിട്ടിയ വസ്തു തുറന്ന് നോക്കുന്നതിനിടെ പൊട്ടിത്തെറിക്കുകയായിരുന്നു. ഗുരുതരമായി പരിക്കേറ്റ വേലായുധനെ തലശ്ശേരി സഹകരണ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സ്റ്റീൽ ബോംബാണ് പൊട്ടിത്തറിച്ചതെന്ന് പൊലീസ് പറഞ്ഞു.
by Midhun HP News | Jun 18, 2024 | Latest News, കേരളം
സർക്കാർ രേഖകളിൽ നിന്ന് കോളനി എന്ന പദം ഒഴിവാക്കുമെന്ന് മന്ത്രി കെ രാധാകൃഷ്ണൻ. കോളനി എന്ന് ഉപയോഗിക്കുന്നതിൽ പലർക്കും അപകർഷതാബോധമുണ്ട്. അടിമത്വത്തെ സൂചിപ്പിക്കുന്ന പദമാണത്. എല്ലാ കോളനികളുടെയും പേര് മാറ്റണമെന്നും മന്ത്രി പറഞ്ഞു
ഇതുസംബന്ധിച്ച ഉത്തരവ് ഇന്ന് തന്നെ പുറത്തിറക്കും. നിലവിൽ സർക്കാർ ഉപയോഗിക്കുന്ന കോളനി പദങ്ങൾ ഒഴിവാക്കും. അനുയോജ്യമായ മറ്റൊരു പേര് കണ്ടെത്തുമെന്നും മന്ത്രി പറഞ്ഞു.
അതേസമയം കെ രാധാകൃഷ്ണൻ ഇന്ന് മന്ത്രിസ്ഥാനവും എംഎൽഎ സ്ഥാനവും രാജിവെക്കും. വൈകിട്ട് ക്ലിഫ് ഹൗസിലെത്തിയാണ് മന്ത്രിസ്ഥാനം രാജിവെക്കുക. ആലത്തൂരിൽ നിന്ന് ലോക്‌സഭയിലേക്ക് തെരഞ്ഞെടുക്കപ്പെട്ട പശ്ചാത്തലത്തിലാണ് രാജി.
by Midhun HP News | Jun 18, 2024 | Latest News, ജില്ലാ വാർത്ത
ആറ്റിങ്ങൽ: പിരപ്പമൺകാട് പാടശേഖരത്തിൽ ഇക്കൊല്ലത്തെ നടീൽ ഉത്സവത്തിന്റെ ഉദ്ഘാടനം നാളെ രാവിലെ 9 മണിക്ക് നടക്കും. മുദാക്കൽ ഗ്രാമപഞ്ചായത്ത് പ്രസിഡൻ്റ് പള്ളിയറ ശശിയുടെ അധ്യക്ഷതയിൽ ചേരുന്ന യോഗം ബ്ലോക്ക് പഞ്ചായത്ത് പ്രസിഡന്റ് പി.സി. ജയശ്രീ ഉദ്ഘാടനം ചെയ്യും. നടീൽ ഉത്സവ ഉദ്ഘാടനം പ്രശസ്ത സിനിമാ നാടക നടൻ അമൽ രാജ്‌ദേവ് നിർവഹിക്കുന്നു. പാടശേഖരത്തിൻ്റെ ലീഗൽ അഡ്വൈസർ ആയി അഡ്വക്കേറ്റ് പ്രദീപ് ചുമതല ഏൽക്കും. ശ്രീഭൂതനാഥൻ കാവ് പരിസരത്ത് ആണ് നടീൽ ഉത്സവം നടക്കുന്നത്.
by Midhun HP News | Jun 18, 2024 | Latest News, കേരളം
കെ രാധാകൃഷ്ണൻ ഇന്ന് മന്ത്രിസഭാ സ്ഥാനം രാജിവെക്കും. എംഎൽഎ സ്ഥാനത്ത് നിന്നും അദ്ദേഹം രാജിവെക്കും. ആലത്തൂരിൽ നിന്ന് ലോക്‌സഭയിലേക്ക് തെരഞ്ഞെടുക്കപ്പെട്ട സാഹചര്യത്തിലാണ് രാജി
മന്ത്രിസഭയിൽ നിന്നുള്ള രാജിക്കത്ത് മുഖ്യമന്ത്രി പിണറായി വിജയനും എംഎൽഎ സ്ഥാനത്ത് നിന്നുള്ള രാജിക്കത്ത് സ്പീക്കർ എഎൻ ഷംസീറിനും കൈമാറും. കെ രാധാകൃഷ്ണൻ രാജിവെക്കുന്നതോടെ മന്ത്രിസഭയിൽ ഒഴിവ് വരും. കൂടാതെ ചേലക്കര നിയമസഭാ മണ്ഡലത്തിൽ ഉപതെരഞ്ഞെടുപ്പിനും കളമൊരുങ്ങും. പുതിയ മന്ത്രി ആരായിരിക്കണമെന്ന കാര്യത്തിൽ നിലവിൽ തുടരുന്ന സിപിഎം സംസ്ഥാന കമ്മിറ്റി യോഗത്തിൽ തീരുമാനമായേക്കും.
by Midhun HP News | Jun 18, 2024 | Latest News, ജില്ലാ വാർത്ത
പഞ്ചായത്ത് / മുനിസിപ്പൽ തെരഞ്ഞെടുപ്പ് 2025; ജൂൺ 6 മുതൽ 21 വരെ വോട്ടർ ലിസ്റ്റിൽ പേര് ചേർക്കാം.
2024 ജനുവരി 1 ന് 18 വയസ്സ് പൂർത്തിയാവണം.
ആവശ്യമായ രേഖകൾ
a) വയസ്സ് തെളിയിക്കുന്നതിന്
ആധാർ കാർഡ്
സ്കൂൾ സർട്ടിഫിക്കറ്റ്
പാൻ കാർഡ്
വിവാഹ സർട്ടിഫിക്കറ്റ്
പാസ്പോർട്ട്
*ഇവയിൽ ഒന്ന്
b) താമസം തെളിയിക്കുന്നതിന്
റേഷൻ കാർഡ്
ഇലക്ഷൻ ID
ആധാർ കാർഡ്
വിവാഹ സർട്ടിഫിക്കറ്റ്
റസിഡൻഷ്യൽ (V O)
ഓണർ ഷിപ്പ് സർട്ടിഫിക്കറ്റ്
*ഇവയിൽ ഒന്ന്
ഒരു ഫോട്ടോ; ബാക്ക്ഗ്രൗണ്ട് പ്ലെയിൻ ആയി ഫോണിൽ എടുത്തതും മതിയാവും
c) കോൺടാക്റ്റ് നമ്പർ
കഴിഞ്ഞ നിയമസഭാ-പാർലമെൻ്റ് തെരഞ്ഞെടുപ്പിൽ പേര് ചേർത്തവർ പഞ്ചായത്ത് തെരഞ്ഞെടുപ്പ് ലിസ്റ്റിൽ വീണ്ടും ചേർക്കണം. (പഞ്ചായത്ത് വോട്ടർ ലിസ്റ്റ് തയ്യാറാക്കുന്നത് സംസ്ഥാന തെരഞ്ഞെടുപ്പ് കമ്മീഷനും (SEC)
നിയമസഭാ പാർലമെൻ്റ് ലിസ്റ്റ് തയ്യാറാക്കുന്നത് സെൻട്രൽ ഇലക്ഷൻ കമ്മീഷനുമാണ്)
വിവാഹം/വീട് നിർമ്മാണം വഴി താമസം മാറിയവർ വിവാഹ സർട്ടിഫിക്കറ്റ്/ ഓണർഷിപ്പ് സർട്ടിഫിക്കറ്റ് ഹാജരാക്കിയാൽ മതി.
ഓൺലൈൻ വഴി അപേക്ഷ നൽകിയവർ നിശ്ചിത ദിവസം അതത് പഞ്ചായത്തിൽ വെരിഫിക്കേഷന് ഹാജരാവണം. നിശ്ചിത ദിവസം സൗകര്യപ്പെടാത്തവർ മുൻകൂട്ടി അറിയിക്കുന്ന പക്ഷം ജൂൺ 25ന് മുമ്പായി ഹാജരാവേണ്ടതാണ്.
Recent Comments