‘പുതുവൽ ഭൂമി കർഷകത്തൊഴിലാളികൾക്ക് പതിച്ച് നൽകുക’: കെ.എസ്.കെ.റ്റി.യു

by Midhun HP News | Oct 14, 2023 | Latest News, ജില്ലാ വാർത്ത

സംസ്ഥാനത്തെ പുതുവൽ ഭൂമി കർഷകത്തൊഴിലാളികൾക്ക് പതിച്ചു നൽകണമെന്ന് കെ.എസ്.കെ.റ്റി.യു ആറ്റിങ്ങൽ ഏര്യ സമ്മേളനം സർക്കാരിനോട് ആവശ്യപ്പെട്ടു. സമ്മേളനം സംസ്ഥാന എക്സിക്യൂട്ടീവ് കമ്മിറ്റി അംഗം പി.എ എബ്രഹാം ഉദ്ഘാടനം ചെയ്തു. ഏര്യ പ്രസിഡന്റ് സി . എസ് അജയകുമാർ അധ്യക്ഷത വഹിച്ചു. സംഘാടകസമിതി ചെയർമാൻ എ. നജാം സ്വാഗതം പറഞ്ഞു. രക്തസാക്ഷി പ്രമേയം ഏര്യ ട്രഷറർ ജി സന്തോഷും അനുശോചന പ്രമേയം ഏര്യ വൈസ് പ്രസിഡന്റ് എസ്. സതീഷ് കുമാറും അവതരിപ്പിച്ചു.

കെ.എസ്.കെ.റ്റി.യു അഖിലേന്ത്യാ വർക്കിംഗ് കമ്മിറ്റി അംഗം ഒ.എസ് അംബിക എം.എൽ.എ, സംസ്ഥാന കമ്മറ്റി അംഗം ബി.പി.മുരളി, ജില്ലാ സെക്രട്ടറി കെ ശശാങ്കൻ, ജില്ലാ എക്സിക്യൂട്ടീവ് കമ്മിറ്റി അംഗം അഡ്വ ഷാജഹാൻ, ജില്ലാ കമ്മിറ്റി അംഗം റ്റി .എൻ വിജയൻ, സി.പി.ഐ എം ആറ്റിങ്ങൽ ഏര്യ സെക്രട്ടറി അഡ്വ. എസ് ലെലിൻ, ഏര്യാകമ്മിറ്റി അംഗങ്ങളായ പ്രശോഭന, സുൽഫിക്കർ, സതീഷ് ശർമ്മ, ഏര്യ സെക്രട്ടറി ആർ രാജു എന്നിവർ സംസാരിച്ചു. പുതിയ സെക്രട്ടറി ആർ രാജു, പ്രസിഡന്റ് സി.എസ് അജയകുമാർ എന്നിവരെ തെരഞ്ഞെടുത്തു.

‘പവിഴ ദ്വീപിലെ അറ്റിങ്ങല്‍ക്കാര്‍’ ഓണാഘോഷം സംഘടിപ്പിച്ചു

by Midhun HP News | Oct 14, 2023 | Latest News, ജില്ലാ വാർത്ത

ബഹ്റൈനിലെ ആറ്റിങ്ങല്‍ക്കാരുടെ കൂട്ടായ്മായായ ‘പവിഴ ദ്വീപിലെ അറ്റിങ്ങല്‍ക്കാര്‍’ ഇന്ത്യന്‍ ഡിലൈറ്റ് ഹോട്ടലില്‍ ഓണാഘോഷം സംഘടിപ്പിച്ചു. ഓണപ്പാട്ട്, സുന്ദരിക്ക് പൊട്ടുതൊടല്‍, കസേരകളി, കരോക്കെ ഗാനമേള എന്നിവ അരങ്ങേറി. വിഭവ സമൃദ്ധമായ സദ്യയോടെ ആഘോഷങ്ങള്‍ക്ക് സമാപനമായി.

തസസ സംഘടിപ്പിക്കുന്ന മൂന്നാമത് അഖിലകേരള വടംവലി മത്സരം ഇന്ന്

by Midhun HP News | Oct 14, 2023 | Latest News, ജില്ലാ വാർത്ത

ആറ്റിങ്ങൽ മയക്കുമരുന്നിനെതിരെ യുവാക്കളെ ബോധവത്കരിക്കാൻ തച്ചൂർക്കുന്ന് സാംസ്കാരിക സമിതി(തസസ) മൂന്നാമത് അഖിലകേരള വടംവലി മത്സരം സംഘടിപ്പിക്കുന്നു. ഇന്ന്‌ വൈകുന്നേരം ആറ്റിങ്ങൽ തച്ചൂർക്കുന്ന് ജംഗ്ഷനിൽ നഗരസഭ ചെയർപേഴ്സൺ അഡ്വ.എസ് കുമാരി മത്സരങ്ങളുടെ ഉദ്ഘാടനം നിർവഹിക്കും. പൊതുജനങ്ങൾക്ക് ഇരുന്ന് മത്സരം വീക്ഷിക്കുന്നതിനായി പ്രത്യേകം ഗ്യാലറിയും സംഘാടകസമിതി തയ്യാറാക്കിയിട്ടുണ്ട്. ഒരു ടീംമിൽ നിന്നും പങ്കെടുക്കുന്നവരുടെ പരമാവധി ഭാരം 480 കിലോഗ്രാം ആണ്. 500 രൂപയാണ് ടീമിന്റെ രജിസ്ട്രേഷൻ ഫീസ്. മത്സരത്തിൽ 38 ടീമുകൾ പങ്കെടുക്കും മത്സരങ്ങളിൽ പങ്കെടുത്ത് വിജയിക്കുന്ന ആദ്യ 16 ടീമുകൾക്ക് സമ്മാനങ്ങൾ നൽകും.

എൻ ആർ ഇ ജി വർക്കേഴ്സ് യൂണിയൻ പ്രതിഷേധ ധർണ്ണ സംഘടിപ്പിച്ചു

by Midhun HP News | Oct 13, 2023 | Latest News, ജില്ലാ വാർത്ത

തൊഴിലുറപ്പ് പദ്ധതിയെ തകർക്കാൻ ശ്രമിക്കുന്ന കേന്ദ്രസർക്കാർ നയത്തിന് എതിരെ അഖിലേന്ത്യാ വ്യാപകമായി എൻ ആർ ഇ ജി വർക്കേഴ്സ് യൂണിയൻ പ്രതിഷേധം സംഘടിപ്പിച്ചു. പദ്ധതി വിഹിതം വെട്ടി കുറച്ചും, അനാവശ്യ നിയമങ്ങൾ അടിച്ചേൽപ്പിച്ചും പദ്ധതി യെ തകർക്കാനുള്ള ശ്രമങ്ങളാണ് നടന്നുകൊണ്ടിരിക്കുന്നത്. ഇതിന് എതിരെയാണ് തൊഴിലാളികൾ ദേശ വ്യാപകമായി സമരം സംഘടിപ്പിച്ചത്.

ഇതിന്റെ ഭാഗമായി എൻ ആർ ഇ ജി വർക്കേഴ്സ് യൂണിയൻ ചിറയിൻകീഴിൽ സംഘടിപ്പിച്ച ധർണ്ണ യൂണിയൻ ഏരിയ സെക്രട്ടറി എസ് പ്രവീൺ ചന്ദ്ര ഉദ്ഘാടനം ചെയ്തു. യൂണിയൻ ജില്ലാ കമ്മിറ്റി അംഗം ആർ. സരിത, സിപിഐഎം ലോക്കൽ സെക്രട്ടറി രവീന്ദ്രൻ, യൂണിയൻ സെക്രട്ടറി സജിത്ത് ഉമ്മർ, പ്രസിഡന്റ്‌ സൗമ്യ, ട്രഷറർ അനീഷ്, ഹീസമോൻ, അജി തോപ്പിൽ എന്നിവർ പങ്കെടുത്തു.

ഹൈവേ നിർമാണത്തിനിടെ തടസ്സപ്പെട്ട മണമ്പൂർ-പുത്തൻകോട് പ്രദേശത്തെ  ശുദ്ധജലവിതരണം ഉടൻ പുനസ്ഥാപിക്കും

by Midhun HP News | Oct 13, 2023 | Latest News, ജില്ലാ വാർത്ത

കല്ലമ്പലം: സൗഹൃദ റസിഡൻസ് അസോസിയേഷൻ പ്രവർത്തകരുടെ നിരന്തര ശ്രമഫലമായി മണമ്പൂർ പഞ്ചായത്ത് അഞ്ചാം വാർഡിലെ പുന്നവിള പ്രദേശത്തു പുതിയ ഹൈവേ  നിർമാണം മൂലം 6 മാസമായി 83 വീടുകളിലെ കുടിവെള്ള വിതരണം തടസ്സപ്പെട്ടിരുന്നത് പരിഹരിക്കുവാൻ തുടക്കമായി.

പൈപ്പ്‌ലൈൻ പ്രശ്നത്തിന് ശാശ്വത പരിഹാരത്തിന്  വേണ്ടി നാഷണൽ ഹൈവേ ഉദ്യോഗസ്ഥർ, വർക്കല വാട്ടർ അതോറിറ്റി അസിസ്റ്റന്റ് എക്സിക്യൂട്ടീവ് എൻജിനീയർ, അസിസ്റ്റന്റ് എഞ്ചിനീയർ തുടങ്ങിയ ഉദ്യോഗസ്ഥരെ സ്ഥലത്തെത്തിച്ച് പ്രദേശത്തെ ജനങ്ങൾ അനുഭവിക്കുന്ന ബുദ്ധിമുട്ടുകൾ നേരിട്ട് ബോധ്യപ്പെടുത്തുവാൻ സൗഹൃദ അസോസിയേഷൻ പ്രവർത്തകർക്ക് കഴിഞ്ഞു. വിഷയത്തിന് എത്രയും പെട്ടെന്ന് പരിഹാരമുണ്ടാകുമെന്ന് വാട്ടർ അതോറിറ്റി ഉദ്യോഗസ്ഥരും ഹൈവേ കോൺട്രാക്ടർ എഞ്ചിനീയറും ഉറപ്പു നൽകിയിട്ടുണ്ട്.