ആറ്റിങ്ങൽ: കിളിമാനൂരിലെ പഴയകുന്നുമ്മേൽ പഞ്ചായത്ത് വക ബസ്റ്റാൻഡിൽ പോലീസ് എയ്ഡ് പോസ്റ്റ് ഉദ്ഘാടനം ചെയ്തു. ആറ്റിങ്ങൽ എംഎൽഎ ഒ എസ് അംബിക ഉദ്ഘാടനം നിർവഹിച്ചു. പഴയകുന്നുമ്മേൽ പഞ്ചായത്ത് പ്രസിഡന്റ് കെ.രാജേന്ദ്രൻ അധ്യക്ഷനായിരുന്നു. പഞ്ചായത്ത് അംഗങ്ങളായ ശ്യാം നാഥ്, എൻ. സലിൽ, എസ്. സിബി, അജ്മൽ. ചെറുനാരകം കോട് ജോണി, ദീപ, ഗിരിജകുമാരി തുടങ്ങിയവർ പങ്കെടുത്തു.
കോഴിക്കോട്: പ്രശസ്ത മാപ്പിളപ്പാട്ടുകാരിയും ചലച്ചിത്ര പിന്നണി ഗായികയുമായ വിളയില് ഫസീല അന്തരിച്ചു. 63 വയസായിരുന്നു.
കോഴിക്കോട് വെള്ളിപറമ്പിലെ വസതിയില് വച്ചായിരുന്നു അന്ത്യം. മൈലാഞ്ചി, പതിന്നാലാം രാവ്, 1921 തുടങ്ങി നിരവധി സിനിമകളില് പാടിയിട്ടുണ്ട്.
മാപ്പിള ഗാനകലാരത്നം, മഹാകവി മോയിന്കുട്ടി വൈദ്യര് പുരസ്കാരങ്ങള് ലഭിച്ചു. മലപ്പുറം കൊണ്ടോട്ടി വിളയൂരിലാണ് ജനനം. വിളയില് വത്സല എന്ന പേരില് പ്രശസ്തയായി. വിവാഹത്തോടെയാണ് വിളയില് ഫസീല എന്ന് പേര് സ്വീകരിച്ചത്.
‘മുഹമ്മദ് മുസ്തഫ’ എന്ന ചിത്രത്തില്, അബ്ദുറഹ്മാന്റെ രചനയായ ‘അഹദവനായ പെരിയോനേ’ എന്ന ഗാനം എംഎസ് വിശ്വനാഥന്റെ സംഗീതത്തില് ഫസീല ആദ്യമായി പാടി.
സ്വദേശത്തും വിദേശത്തും നിരവധി പരിപാടികള് നടത്തിയിട്ടുണ്ട്. ഹസ്ബീ റബ്ബീ ജല്ലല്ലാഹ്, ഹജ്ജിന്റെ രാവില് ഞാന് കഅ്ബം കിനാവ് കണ്ടു, ആകെലോക കാരണ മുത്തൊളി, ഉടനെ കഴുത്തെന്റെ, ആനെ മദനപ്പൂ, കണ്ണീരില് മുങ്ങി, മണിമഞ്ചലില്, പടപ്പു പടപ്പോട്, റഹ്മാനല്ലാ, ഉമ്മുല് ഖുറാവില്, യത്തീമെന്നെ, മക്കത്ത് പോണോരെ പ്രശസ്ത ഗാനങ്ങളാണ്.
ആറ്റിങ്ങൽ ഐടിഐയിൽ ഒരു കോടി രൂപ ചിലവഴിച്ച് നിർമ്മാണം പൂർത്തിയാക്കിയ കാർപെന്റർ, പ്ലംബർ ട്രേടുകളിലേക്കുള്ള പുതിയ വർക്ക്ഷോപ്പ് മന്ദിരത്തിന്റെ ഉദ്ഘാടനം പൊതു വിദ്യാഭ്യാസ തൊഴിൽ നൈപുണ്യ വകുപ്പ് മന്ത്രി വി. ശിവൻകുട്ടി നിർവഹിച്ചു. ആറ്റിങ്ങൽ നിയോജക മണ്ഡലം എംഎൽഎ ഒ.എസ്. അംബിക അധ്യക്ഷത വഹിച്ചു. വ്യാവസായിക പരിശീലന വകുപ്പ് ഡയറക്ടർ വീണ മാധവൻ ഐഎഎസ് സ്വാഗതം ആശംസിച്ചു.
ആറ്റിങ്ങൽ നഗരസഭ ചെയർപേഴ്സൺ എസ്. കുമാരി, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ഗിരിജ ടീച്ചർ, അഡീഷണൽ ഡയറക്ടർ സുജാത, ഇൻസ്പെക്ടർ ഓഫ് ട്രെയിനിങ് ഷമ്മി ബേക്കർ, പിടിഎ പ്രസിഡന്റ് അയന്തി ശ്രീകുമാർ എന്നിവർ ആശംസകൾ അറിയിച്ചു. ചടങ്ങിൽ ആറ്റിങ്ങൽ ഐടിഐ പ്രിൻസിപ്പാൾ അനിൽകുമാർ നന്ദി രേഖപ്പെടുത്തി.
തിരുവനന്തപുരം: ക്ഷേമ പെൻഷൻ തിങ്കളാഴ്ച മുതൽ വിതരണം ചെയ്യും. മേയ്, ജൂൺ മാസങ്ങളിലെ സാമൂഹിക സുരക്ഷാ പെൻഷനും ക്ഷേമനിധി ബോർഡുകളുടെ പെൻഷനും 14 മുതൽ വിതരണം ചെയ്യാൻ ഉത്തരവായി. 23നു മുൻപ് വിതരണം പൂർത്തിയാക്കും.
രണ്ട് മാസത്തെ പെൻഷൻ ഒന്നിച്ചു നൽകുന്നതിനാൽ 3200 രൂപ ഓണത്തിന് മുൻപ് 57 ലക്ഷം പേരുടെ കൈകളിലെത്തും. സാമ്പത്തിക പ്രതിസന്ധി കാരണം കുടിശ്ശികയായ പെൻഷനിൽ രണ്ട് മാസത്തേത് ഓണം പ്രമാണിച്ചാണ് ഒരുമിച്ച് നൽകുന്നത് 1762 കോടി രൂപയാണ് ഇതിനായി വേണ്ടത്. ഇതിനായി 1000 കോടി രൂപ കടമെടുക്കും. ജൂലൈ മാസത്തെ പെൻഷനാണ് ഇനി കുടിശികയായുള്ളത്.
ആറ്റിങ്ങൽ : കുറക്കട കൈലാത്തുകോണം വിളയിൽ വീട്ടിൽ പരേതനായ ഗോവിന്ദന്റെ ഭാര്യ തങ്കമ്മ (92) അന്തരിച്ചു. മക്കൾ :ഭാരതി, ചന്ദ്രവല്ലി, പ്രസന്ന, ശശികുമാരി ശാന്തകുമാരി, വിക്രമൻ, മോഹനൻ, അശോകൻ, മോളി, സുധ, ഉണ്ണികൃഷ്ണൻ. മരുമക്കൾ :അശോകൻ, വിജയൻ, ശ്യാമള, മല്ലിക, മുരളി, രജനി, പരേതരായ ശിവദാസൻ, ഗംഗാധരൻ വിശാലതൻ, ബിന്ദു, അശോകൻ. മരണാനന്തര ചടങ്ങുകൾ ഓഗസ്റ്റ് 17 വ്യാഴം രാവിലെ 8 30 ന്
കിളിമാനൂർ: അർദ്ധരാത്രി മാലിന്യം തള്ളൽ, വാഹനം നാട്ടുകാർ പിടികൂടി പോലീസിൽ ഏൽപിച്ചു. പോങ്ങനാട് കളത്തറ മുക്കിന് സമീപം ഇന്നലെ രാത്രി 11:30 മണിയോടുകൂടിയാണ് സംഭവം. കോഴി വേസ്റ്റും ഹോട്ടൽ മാലിന്യങ്ങളുമായി എത്തിയ വാഹനം പതിവ് പോലെ ആളൊഴിഞ്ഞ സ്ഥലങ്ങളിൽ നിക്ഷേപിക്കാൻ ശ്രമിക്കവേ നാട്ടുകാർ പിടികൂടി. വാഹനത്തിനെ തടഞ്ഞുനിർത്തി കിളിമാനൂർ പോലീസിന് കൈമാറി. തുടർന്ന് സ്റ്റേഷനിൽ എത്തി പരാതിയും നൽകി. സംഭവത്തിൽ കിളിമാനൂർ പോലീസ് അന്വേഷണം ആരംഭിച്ചു.
Recent Comments