ആൾ കേരള ധോണി ഫാൻസ് അസോസിയേഷൻ മേലാറ്റിങ്ങൽ എൽ പി എസ്സിന് കുടകൾ, ബാഗുകൾ മറ്റ് പഠന സാമഗ്രികൾ സമ്മാനിച്ചു. ചടങ്ങിൽ മൂന്നാം വാർഡ് വികസന സമിതിയുടെ ആഭിമുഖ്യത്തിൽ അസോസിയേഷൻ ഭാരവാഹികൾ, പൃഥ്വിവി, കൃഷ്ണാനന്ദ്, അഡ്വ. ജോബിൻ എന്നിവർ നേതൃത്വം നൽകി. വാർഡ് കൗൺസിലർ ദീപ രാജേഷ്, അദ്ധ്യാപികമാർ, പി ടി എ പ്രസിഡൻറ് എന്നിവർ പങ്കെടുത്തു.
കൊല്ലമ്പുഴ ആവണിപുരം മഹാവിഷ്ണുസ്വാമി ക്ഷേത്രത്തിൽ കർക്കിടക വാവ് ബലിതർപ്പണത്തിനായ് ഒരുക്കങ്ങൾ പൂർത്തിയായി. ക്ഷേത്രത്തിനോട് ചേർന്ന കൊല്ലമ്പുഴ കടവിലാണ് ബലിതർപ്പണം നടത്തുന്നത്. ഈ ഭാഗത്ത് വാമനപുരം നദി കിഴക്കോട്ട് ഒഴുകുകയാണ്. കൂടാതെ മഹാവിഷ്ണുവിന്റെ പടിക്കൽ ബലിതർപ്പണം നടത്തുന്നത് ശ്രേഷ്ഠമത്രെ. കൊല്ലമ്പുഴ കടവിൽ 17 – 07-2023 തിങ്കൾ രാവിലെ 4 മണിയ്ക്ക് ബലിതർപ്പണ ചടങ്ങുകൾ ആരംഭിയ്ക്കും. ക്ഷേത്രത്തിൽ അന്നേ ദിവസം തിലഹവനം നടത്തുന്നതിനുള്ള സൗകര്യവും ഉണ്ടായിരിക്കുന്നതാണ്.
വിശദ വിവരങ്ങൾക്ക്: 8089413299,8075899035
ആറ്റിങ്ങൽ: ആറ്റിങ്ങൽ കെഎസ്ആർടിസിക്ക് സമീപത്തുള്ള ആശാ ലോഡ്ജിൽ
കഞ്ചാവും എം ഡി എം എ -യുമായി യുവാവ് പിടിയിൽ. ചിറയിൻകീഴ്, കൂന്തള്ളൂർ സ്വദേശി ശിവശക്തി വീട്ടിൽ അമൽ രാജു (23) ആണ് അറസ്റിലായത്. ആറ്റിങ്ങൽ എസ് ഐ അഭിലാഷും സംഘവും സ്ഥലത്തെത്തി നടത്തിയ പരിശോധനയിൽ ആണ് 27.23 gm കഞ്ചാവും, 0.58 gm എം ഡി എം എയും കണ്ടെടുത്തത്.
സാമ്പത്തിക തട്ടിപ്പുകേസിൽ സഹകരണ ബാങ്ക് മാനേജർ ഇൻചാർജ് അറസ്റ്റിൽ. ചിറയിൻകീഴ് സ്വദേശി അജയ്കുമാറിനെയാണ് പൊലീസ് അറസ്റ്റ് ചെയ്തത്. 1.62 കോടി രൂപയുടെ സാമ്പത്തിക ക്രമക്കേട് നടത്തിയതായാണ് ഇയാൾക്കെതിരെയുള്ള കേസ്. മാസങ്ങൾക്ക് മുൻപ് സസ്പെൻഷനിൽ ആയി ഒളിവിൽ കഴിയവേ ആണ് അജയകുമാറിനെ അറസ്റ്റ് ചെയ്തത്.
തിരുവനന്തപുരം കിഴുവിലം സർവീസ് സഹകരണ ബാങ്കിലാണ് വൻ തുകയുടെ തിരിമറി നടന്നത്. 2022 ഏപ്രിൽ മുതൽ കഴിഞ്ഞ മാർച്ച് വരെ ഈ ബാങ്കിൽ മാനേജർ ഇൻചാർജായി നോക്കിവന്ന സമയത്താണ് ക്രമക്കേട് നടന്നത്. ഇലക്ട്രോണിക് രേഖകളടക്കം കൃത്രിമം കാണിച്ചായിരുന്നു സാമ്പത്തിക തട്ടിപ്പ് നടത്തിയത്. ബാങ്കിലെ നിക്ഷേപകരുടെ സ്ഥിരനിക്ഷേപ സർട്ടിഫിക്കറ്റിന്റെ മാതൃകയിൽ വ്യാജ രേഖകളുണ്ടാക്കുകയും വ്യാജ ഒപ്പിടൽ ലോൺ അനുവദിച്ചതാണ് ഇയാൾ ലക്ഷങ്ങൾ തട്ടിയെടുക്കുകയും ചെയ്തത്.
ചിറയിൻകീഴ് പൊലീസ് സ്റ്റേഷനിൽ ബാങ്ക് സെക്രട്ടറി നൽകിയ പരാതിയുടെ അടിസ്ഥാനത്തിലാണ് നടപടി. തിരുവനന്തപുരം റൂറൽ പൊലീസാണ് അജയ്കുമാറിനെ അറസ്റ്റ് ചെയ്തത്. അജയകുമാറിനെ ചോദ്യം ചെയ്തു വരുമ്പോൾ തട്ടിപ്പിന്റെ കൂടുതൽ വിവരങ്ങൾ ലഭിയ്ക്കുമെന്നാണ് പോലീസ് പറയുന്നത്.
ആറ്റിങ്ങൽ സർഗ്ഗ ആർട്സ് & സ്പോർട്സ് ക്ലബ്ബിന്റെ ആഭിമുഖ്യത്തിൽ വേങ്ങോട് കട്ട്യാട് വി എസ് കളരി സംഘത്തിലെ കളരി ഗുരുക്കൾ ഷിജി വി എസിന്റെ നേതൃത്വത്തിൽ ആറ്റിങ്ങൽ വീരളം ദ്വാരക ആഡിറ്റോറിയത്തിൽ നടന്നു വരുന്ന കളരിപയറ്റ് പരിശീലനത്തിലെ കുട്ടികൾക്കുള്ള കച്ചക്കെട്ട് ( ആയുധ പരിശീലനം) ചടങ്ങ്, കഴിഞ്ഞ ദിവസം നിലവിളക്ക് കൊളുത്തി മോഹനൻ നായർ (ദ്വാരക) നിർവഹിച്ചു.
സർഗ്ഗ പ്രസിഡന്റ് ശശിധരൻ നായർ, സെക്രട്ടറി സുരേഷ് ബാബു, ഗുരുക്കൾ ഷിജി, അയ്യപ്പൻ കലാസാഹിതി, ടൗൺ യു പി എസ്സ് എച്ച് എം അജികുമാർ, മുൻ എച്ച് എം രാധാകൃഷ്ണൻ, ബാബുകുമാർ ( സെനിത്), സുജിത് എസ്സ്, ഷീബ, അൻസിയ എന്നിവർ പങ്കെടുത്തു.
സ്ത്രീ സുരക്ഷയ്ക്ക് പ്രാധാന്യം നൽകി നടത്തി വരുന്ന പരിശീലന ക്ലാസ്സിൽ പെൺകുട്ടികളും ആൺകുട്ടികളും മുതിർന്ന സ്ത്രീകളും ഉൾപ്പെടെ 50 ഓളം പേർ പരിശീലനം നടത്തി വരുന്നു. ക്ലാസുകൾ തിങ്കൾ, വെള്ളി ദിവസങ്ങളിൽ വൈകുന്നേരം ദ്വാരക ഓഡിറ്റോറിയത്തിൽ വച്ചാണ് നടത്തി വരുന്നത്.
കൂടുതൽ വിവരങ്ങൾക്ക് ബന്ധപ്പെടുക:
സുരേഷ് ബാബു – 9846171092
ഷിജി വി എസ്സ് – 98952 86306
കടയുടെ മുൻവശം വെയ്സ്റ് കൊണ്ടിടുന്നത് പറഞ്ഞുവിലക്കിയതിലുള്ള
വിരോധം കാരണം കടയിൽകയറി കടയുടമയെയും ജോലിക്കാരനെയും ആക്രമിച്ച
കേസിലെ പ്രതിയെ പള്ളിക്കൽ പൊലീസ് അറസ്റ്റ് ചെയ്തു. 14.07.2023 തീയതി
പള്ളിക്കൽ ജംഗ്ഷനിലുള്ള ഓർക്കിഡ് ഫ്ലവർ മർച്ചന്റ് എന്ന കടയിൽ അതിക്രമിച്ചുകയറി കടനടത്തുന്ന ഉണ്ണികൃഷ്ണനെയും ജോലിക്കാരനായ പ്രദീഷിനെയും കത്തി കൊണ്ട് ദേഹോപദ്രവം ചെയ്ത പള്ളിക്കൽ മുക്കംകോട് സ്വദേശി വാഴവിള വീട്ടിൽ കൈസു എന്ന് വിളിക്കുന്ന കൈസുദീൻ(61) ആണ് അറസ്റ്റിലായത് .
പരിക്കേറ്റ പരാതിക്കാരൻ ആശുപത്രിയിൽ ചികിൽസ തേടി. പള്ളിക്കൽ സി. ഐ. ശ്രീജേഷ്, എസ്. ഐ. സഹിൽ.എം, സുനിൽ, എ എസ് ഐ മനോജ്, എസ് സി പി ഒ ബിനു, മഹേഷ് എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Recent Comments