തിരുവനന്തപുരം ജില്ലാ സ്പോർട്സ് കൗൺസിലിന്റെ ആഭിമുഖ്യത്തിൽ ആറ്റിങ്ങൽ ശ്രീപാദം സ്പോർട്സ് അക്കാദമിയിലെ വിദ്യാർത്ഥികൾക്കായി സംഘടിപ്പിച്ച ലഹരി വിമുക്ത ക്യാമ്പയിൻ ഒ.എസ്.അംബിക എം എൽ എ ഉദ്ഘാടനം ചെയ്തു. ആറ്റിങ്ങൽ മുനിസിപ്പൽ ചെയർപേഴ്സൺ അഡ്വ.എസ്.കുമാരി, ആറ്റിങ്ങൽ എക്സൈസ് സർക്കിൾ ഇൻസ്പെക്ടർ ഷിബു, ജില്ലാ സ്പോർട്സ് കൗൺസിൽ പ്രസിഡൻ്റ് എസ്.എസ്.സുധീർ, ജില്ലാ സ്പോർട്സ് ഓഫീസർ സതീഷ്, ജി.വിദ്യാധരൻ പിള്ള, ഷോബി തുടങ്ങിയവർ സംസാരിച്ചു.
കൊച്ചി: എറണാകുളത്ത് സുഹൃത്തിന്റെ വീട്ടിൽ നിന്ന് 10 പവൻ സ്വർണം മോഷ്ടിച്ച പൊലീസുകാരൻ അറസ്റ്റിൽ. ഞാറക്കൽ സ്വദേശി നടേശന്റെ വീട്ടിലാണ് കവർച്ച നടന്നത്. സിറ്റി എ ആർ ക്യാമ്പിലെ അമൽ ദേവാണ് കേസില് അറസ്റ്റിലായത്. പരാതിക്കാരന്റെ മകന്റെ ഭാര്യയുടെ സ്വർണമാണ് പ്രതി കവർച്ച ചെയ്തത്. പ്രതിയായ പൊലീസുകാരന് കുറ്റം സമ്മതിച്ചിട്ടുണ്ട് എന്നാണ് അറിയുന്നത്. ഇയാളെ ഇന്ന് കോടതിയിൽ ഹാജരാക്കും.
വക്കം: വക്കത്ത് ഇറങ്ങുകടവിൽ നാല് വയസ്സ്കാരനെ വീടിനുള്ളിൽ കടന്ന് നായ ആക്രമിച്ച് പരിക്കേൽപ്പിച്ചു. വക്കം ഗ്രാമ പഞ്ചായത്തിലെ പന്ത്രാണ്ടാം വാർഡിൽ ഇറങ്ങുകടവ് വാടയിൽ വീട്ടിൽ അനൂപ് -അശ്വതി ദമ്പതികളുടെ മകൻ ആദിത്യൻ(4) നാണ് ഇന്നലെ വൈകിട്ട് അഞ്ച് മണിയോടെ വീടിനുള്ളിൽ കടന്ന് നായ ആക്രമിച്ചു പരിക്കേൽപ്പിച്ചത്. വൈകിട്ടോടെ വീടിനു മുന്നിൽ അനുജനോടൊപ്പം കളിച്ചുകൊണ്ടുനിന്ന ആദിത്യനെ പുറമേ നിന്നെത്തിയ നായ ആക്രമിക്കുകയായിരുന്നു. നായ കുരച്ചുകൊണ്ട് പാഞ്ഞുവരുന്നത് കണ്ട് രണ്ടുപേരും വീടിനുള്ളിലേയ്ക്ക് നിലവിളിച്ചുകൊണ്ട് ഓടി രക്ഷപ്പെടാൻ ശ്രമിച്ചെങ്കിലും നായ പിന്തുടർന്ന് ആദിത്യനെ കടിച്ചു പരുക്കേൽപ്പിയ്ക്കുകയായിരുന്നു.
തുടർന്ന് കുട്ടികളുടെ നിലവിളികേട്ട് ഓടിയെത്തിയ സമീപവാസികളാണ് നായയിൽ നിന്ന് ആദിത്യനെ രക്ഷപ്പെടുത്തിയത്. കൈയ്യും കാലുമടക്കം ദേഹമാസകലം സാരമായ മുറിവേറ്റ കുട്ടിയെ ഉടൻ തന്നെ വക്കം ഗവണ്മെന്റ് റൂറൽ ഹെൽത്ത് സെന്ററിലും തുടർന്ന് ചിറയിൻകീഴ് താലൂക്ക് ആശുപത്രിയിലും എത്തിച്ചെങ്കിലും രണ്ടിടത്തും ചികിത്സയ്ക്ക് ആവിശ്യമായ മെഡിസിനോ വാക്സിനോ ഉണ്ടായിരുന്നില്ല. തുടർന്ന് കുട്ടിയെ തിരുവനന്തപുരം മെഡിക്കൽ കോളേജിൽ എത്തിക്കുകയായിരുന്നു.
അടുത്തിടെയായി പ്രദേശത്ത് തെരുവ് നായ ശല്യം അതിരൂക്ഷമാണെന്ന് നാട്ടുകാർ പറയുന്നു. കായലുവാരം കേന്ദ്രീകരിച്ച് പൗൾട്രിഫോമുകളിൽ നിന്നും അറവ്ശാലകളിൽ നിന്നും വൻതോതിൽ മാംസ അവശിഷ്ടങ്ങൾ ഈ മേഖലയിൽ നിക്ഷേപിക്കുന്നത് പതിവായതാണ് ഈ മേഖലയിൽ നായശല്യം അതിരൂക്ഷമാകുവാനുള്ള പ്രധാന കാരണമെന്ന് നാട്ടുകാർ പറയുന്നു. മാംസമാലിന്യം ഭക്ഷിയ്ക്കുവാൻ കൂട്ടായ് എത്തുന്ന തെരുവ് നായ്ക്കളെ പേടിച്ച് പുറത്തിറങ്ങാൻ കഴിയാത്ത അവസ്ഥയിലാണ് പ്രദേശവാസികൾ
തിരുവനന്തപുരം ജില്ല ഇലക്ട്രിക്കൽ ആൻഡ് ഇലക്ട്രോണിക് സൊസൈറ്റി എന്ന സ്ഥാപനം പ്രതി ആരംഭിച്ച് മറ്റു പ്രതികളുമായി ചേർന്ന് നിരവധി നിക്ഷേപകരിൽ നിന്നും
എഫ് ഡി ഡിപ്പോസിറ്റ്, പിഗ്മി കളക്ഷൻസ്, എം ഡി എസ് എന്നിവ സ്വീകരിച്ച് തട്ടിപ്പ് നടത്തി.
2013 മുതൽ 2020 വരെ നിരവധി പേർക്ക് സൊസൈറ്റിയിൽ ജോലി വാഗ്ദാനം നൽകിയും എഫ് ഡി നിക്ഷേപങ്ങൾ സ്വീകരിച്ചും മൂന്നു മുതൽ ആറു മാസം വരെ ജോലിക്ക് നിയോഗിച്ചും ശമ്പളം കൊടുക്കാതെയും സൊസൈറ്റി രജിസ്ട്രാറുടെ മാനദണ്ഡങ്ങളൊന്നും പാലിക്കാതെയും നിക്ഷേപകരുടെ മൂന്നു കോടിയോളം രൂപ ചതിച്ചു അപഹരിച്ചെടുക്കുകയായിരുന്നു. ഫോർട്ട് പോലീസ് സ്റ്റേഷൻ ക്രൈം കേസിലെ മൂന്നാം പ്രതിയായ മുട്ടത്തറ വില്ലേജിൽ സോഡാ മുരളി എന്നുവിളിക്കുന്ന 61 വയസ്സുള്ള മുരളിയെ തിരുവനന്തപുരം സിറ്റി ബ്രാഞ്ച് അസിസ്റ്റൻറ് കമ്മീഷണർ ബി. അനിൽകുമാറിന്റെ നേതൃത്വത്തിൽ അറസ്റ്റ് ചെയ്തു.
ആലംകോട് – കല്ലമ്പലം ദേശീയപാതയിലെ അപകടകരമായ ഡിവൈഡർ മാറ്റണമെന്നാവശ്യപ്പെട്ടുകൊണ്ട് ഇന്നലെ രാത്രിയോടെ യൂത്ത് കോൺഗ്രസ് പ്രതിഷേധം നടത്തി. അശാസ്ത്രീയമായ ഡിവൈഡർ നിർമാണത്തിൽ നിരവധി വാഹനങ്ങളാണ് അപടത്തിൽപ്പെട്ടിട്ടുള്ളതെന്നും അടിയന്തരമായി ഇതിനൊരു പരിഹാരം കാണണമെന്നാവശ്യപ്പെട്ടുകൊണ്ടായിരുന്നു പ്രതിഷേധം.
റബർ ബോർഡിന്റേയും പനപ്പാംകുന്ന്, പോങ്ങനാട് റബർ ഉൽപ്പാദക സംഘങ്ങളുടേയും സംയുക്ത ആഭിമുഖ്യത്തിൽ “ജണ്ടർ ബഡ്ജറ്റിംഗ് പ്രോവിമൻ ട്രൈനിംഗ് പ്രോഗ്രാം ഇൻ റബർ ടാപ്പിംഗ്” എന്ന പദ്ധതി പ്രകാരം നടത്തിയ എട്ടു ദിവസത്തെ റബർ ടാപ്പിംഗ് പരിശീലന ക്ലാസിന്റെ സമാപന സമ്മേളനവും സർട്ടിഫിക്കറ്റ് വിതരണവും പഠിതാക്കൾക്കുള്ള സൗജന്യ ടൂൾ കിറ്റ് വിതരണവും റബർ ബോർഡ് ഡെപ്യൂട്ടി പ്രൊഡക്ഷൻ കമ്മീഷണർ നിർമ്മലാ ജോർജ് നിർവഹിച്ചു.
കെ.വിജയൻ, ആർ പി എസ് പ്രസിഡന്റ് പി.രാമകൃഷ്ണക്കുറുപ്പ്, കിളിമാനൂർ ഫീൽഡ്
ഓഫീസർ ദീപസുകുമാർ, ടാപ്പിംങ് ഡെമോൺസ്ട്രേറ്റർ ആർ.എസ്. ബൈജു,
പി.കൃഷ്ണൻകുട്ടി നായർ, ബേബി ഗിരിജ, ജൂബിലി, ഉഷ എന്നിവർ പരിപാടിയിൽ സംസാരിച്ചു.
Recent Comments