by Midhun HP News | Aug 17, 2026 | Latest News, ജില്ലാ വാർത്ത
വേങ്ങോട്: ഇന്ത്യൻ സ്വാതന്ത്യത്തിൻ്റെ 80-ാം വാർഷികാഘോഷങ്ങളുടെ ഭാഗമായി വേങ്ങോട് മണ്ഡലം കോൺഗ്രസ്സ് കമ്മിറ്റിയുടെ ആഭിമുഖ്യത്തിൽ വേങ്ങോട് ജംഗ്ഷനിൽ പ്രസിഡൻ്റ് എം.ആർ. ഷാനവാസ് ദേശീയ പതാക ഉയർത്തി സ്വാതന്ത്യ ദിന സന്ദേശം നൽകി ഉദ്ഘാടനം ചെയ്തു.
പോത്തൻകോട് പഞ്ചായത്ത് യു.ഡി.എഫ്. ചെയർമാൻ ആർ.എസ്. വിനോദ് മണി ആമുഖ പ്രഭാഷണം നടത്തി. ബ്ലോക്ക് ജനറൽ സെക്രട്ടറി മഞ്ഞമല ബാബു, മണ്ഡലം വൈസ് പ്രസിഡൻ്റ് ശശിധരൻ നായർ, കൊയ്ത്തൂർക്കോണം ഷംനാദ്, ജനറൽ സെകട്ടറിമാരായ കട്ടിയാട് തുളസി, കല്ലുവെട്ടി സജിത്ത്, മുജീബ് കല്ലുവെട്ടി, വേങ്ങോട് മുരളി, ഐ ടി സെൽ കൺവീനറും വാർഡ് പ്രസിഡൻ്റുമായ ഹരീന്ദ്രൻ, ബൂത്ത് പ്രസിഡൻ്റുമാരായ നാരായണൻ നായർ, സജി കുടവൂർ, മണ്ഡലം ഭാരവാഹി വേങ്ങോട് തുളസി, ഐ എൻ ടി യു സി നേതാവ് വേങ്ങോട് ത്യാഗരാജൻ, മുതിർന്ന കോൺഗ്രസ്സ് നേതാവ് അസനാർ പിള്ള തുടങ്ങിയവർ നേതൃത്വം നൽകി.
by Midhun HP News | Aug 17, 2026 | Latest News, ജില്ലാ വാർത്ത
അഞ്ചുതെങ്ങ് കൃഷിഭവൻ്റെ നേതൃത്വത്തിൽ കർഷകദിനാചരണം സംഘടിപ്പിച്ചു. അഞ്ചുതെങ്ങ് ഗ്രാമ പഞ്ചായത്ത് പ്രഡിഡന്റ് ഷിൻസി ഐവിൻ നിർവ്വഹിച്ചു. മികച്ച മുതിർന്ന കർഷകൻ ദേവരാജ്, മികച്ച ജൈവ കർഷകൻ ഫാദർ ഷിൻ കല്ലുങ്കൽ എസ്. ജെ, മികച്ച വനിതാ കർഷക പ്രസന്ന ആർ, മികച്ച ക്ഷീര കർഷകൻ പ്രസന്നൻ പി, മികച്ച എസ് സി വിഭാഗം കർഷകൻ മോഹനൻ, മികച്ച വിദ്യാർത്ഥി കർഷകൻ മാസ്റ്റർ അഭിനവ് വി ആർ, മികച്ച കർഷക തൊഴിലാളി രജിലു ആർ എന്നിവരെ മൊമെന്റോയും പൊന്നാടയും നൽകി ആദരിച്ചു.
ചടങ്ങിന് വികസന സ്റ്റാന്റിങ് കമ്മറ്റി ചേർമാൻ ആലീസ് ഔസേഫ് അധ്യക്ഷയായി. കൃഷി ഓഫീസർ ശ്യാമ പി ചന്ദ്രൻ സ്വാഗതവും ശ്രീരാമൻ, ആരോഗ്യ സ്റ്റാന്റിങ് കമ്മറ്റി ചേർപേഴ്സൺ ജയ ശ്രീ രാമൻ ആശംസകളും നേർന്നു.
by Midhun HP News | Aug 17, 2026 | Latest News, ജില്ലാ വാർത്ത
വേങ്ങോട്: സ്വാതന്ത്യദിനാഘോഷത്തിൻ്റെ ഭാഗമായി വേങ്ങോട് മണ്ഡലം കോൺഗ്രസ്സ് കമ്മിറ്റിയുടെ ആഭിമുഖ്യത്തിൽ സ്വാതന്ത്യദിന സ്മൃതി സംഗമം നടത്തി. മണ്ഡലം പ്രസിഡൻ്റ് എം.ആർ. ഷാനവാസിൻ്റെ അദ്ധ്യക്ഷതയിൽ ഡി സി സി ജനറൽ സെക്രട്ടറി വെമ്പായം അനിൽ ഉദ്ഘാടനം ചെയ്തു. ഡി സി സി ജനറൽ സെക്രട്ടറി ഡോ.കൊയ്ത്തൂർക്കോണം സുന്ദരൻ മുഖ്യ പ്രഭാഷണം നടത്തി.
യു.ഡി. എഫ് പോത്തൻകോട് പഞ്ചായത്ത് ചെയർമാൻ ആർ.എസ്. വിനോദ് മണി, യൂത്ത് കോൺഗ്രസ്സ് സംസ്ഥാന സെക്രട്ടറി അഡ്വ.എസ് .കെ അഭിജിത്ത്, മുൻ കോൺഗ്രസ്സ് മണ്ഡലം പ്രസിഡൻ്റ് സാഗർ ഖാൻ തുടങ്ങിയവർ സംസാരിച്ചു. ബ്ലോക്ക് കോൺഗ്രസ്സ് എക്സിക്യുട്ടീവ് മെമ്പർ മുംതാസ് ബീഗം, മണ്ഡലം വൈസ് പ്രസിഡൻ്റ് എ ഷംനാദ്, ജനറൽ സെക്രട്ടറിമാരായ സജിത്ത് കല്ലുവെട്ടി, വേങ്ങോട് തുളസി, നൂപുരം ചന്ദ്രൻ, മഞ്ഞമല ഷാജി, കുന്നുകാട് ഷാജി, കുന്നുകാട് സലിം , വേങ്ങോട് ഷറഫ്, അഷറഫ്, ബൂത്ത് പ്രസിഡൻ്റുമാരായ നാരായണൻ നായർ, ഐ ടി സെൽ കൺവീനറും വാർഡ് പ്രസിഡൻ്റുമായ ഹരീന്ദ്രൻ തുടങ്ങിയവർ നേതൃത്വം നൽകി.
by Midhun HP News | Aug 17, 2026 | Latest News, ജില്ലാ വാർത്ത
എസ്.എൻ.ഡി.പി അഞ്ചുതെങ്ങ് ശാഖയുടെ നേതൃത്വത്തിൽ ഭക്ഷ്യ ധാന്യം വിതരണം ചെയ്തു. എസ്.എൻ.ഡി.പി അഞ്ചുതെങ്ങ് ശാഖ നമ്പർ 719 ന്റെ നേതൃത്വത്തിലാണ് ഭക്ഷ്യ ധാന്യം വിതരണം ചെയ്തത്.
എസ്.എൻ.ഡി.പി ചിറയിൻകീഴ് യൂണിയൻ പ്രസിഡന്റ് പേരുങ്ങുഴി ശ്രീകുമാർ വിതരണോത്ഘാടനം നിർവ്വഹിച്ചു. ചടങ്ങിൽ യൂണിയൻ വൈസ് പ്രസിഡന്റ് പ്രദീപ് സഭവിള, എസ്.എൻ.ഡി.പി അഞ്ചുതെങ്ങ് ശാഖ പ്രസിഡന്റ് ചാറ്റർജ്ജി, സെക്രട്ടറി മിനി ജയൻ, സാമൂഹ്യ പ്രവർത്തകനായ അഞ്ചുതെങ്ങ് സജൻ തുടങ്ങിയവർ പങ്കെടുത്തു.
by Midhun HP News | Aug 17, 2026 | Latest News, ജില്ലാ വാർത്ത
ആറ്റിങ്ങൽ: വക്കം നടരാജൻ സ്മാരക ഗ്രന്ഥശാലയുടെ ആഭിമുഖ്യത്തിൽ സ്വാതന്ത്ര്യ ദിനം ആഘോഷിച്ചു. ഇന്ത്യൻ സ്വാതന്ത്ര്യ സമരം എന്ന വിഷയത്തെ ആസ്പദമാക്കി എൻ.എസ് അനിൽ നയിച്ച പ്രശ്നോത്തരി മത്സരം നടന്നു.
ഒന്നാസ്ഥാനം എസ് വൈഷ്ണവ് ദേവിനും രണ്ടാം സ്ഥാനം അഭിനവ് ശേഖറിനും മൂന്നാം സ്ഥാനം കൃപക്കും ലഭിച്ചു. സമാപനസമ്മളനം പ്രശസ്ത തിരക്കഥാകൃത്തും നോവലിസ്റ്റുമായ ആര്യ ഭുവനേന്ദ്രൻ ഉദ്ഘാടനം ചെയ്തു. ഗ്രന്ഥശാല പ്രസിഡൻ്റ് അഡ്വ എസ് ലെനിൻ അധ്യക്ഷത വഹിച്ചു.
സാഹിത്യകാരൻ കെ രാമചന്ദ്രൻ, സ്കൂൾ ഹെഡ്മാസ്റ്റർ കെ അനിൽകുമാർ, ജില്ലാ ലൈബ്രറി കൗൺസിൽ അംഗം എൻ സുരേഷ്, ഗ്രന്ഥശാല എക്സിക്യൂട്ടീവ് കമ്മിറ്റി അംഗങ്ങളായ എസ് സതീഷ് കുമാർ, അഡ്വ. എൻ മോഹനൻ നായർ എന്നിവർ സംസാരിച്ചു.
പ്രശ്നോത്തിരി മത്സരത്തിൽ ഒന്നാം സ്ഥാനം നേടിയ കുട്ടിക്ക് കെ എം വേലായുധൻ മെമ്മോറിയൽ എവർ റോളിംഗ് ട്രോഫിയും 3001/ രൂപയുടെ ക്യാഷ് അവാർഡും, രണ്ടാം സ്ഥാനം ലഭിച്ച കുട്ടിക്ക് 2001/രൂപയുടെ ക്യാഷ് അവാർഡും മൂന്നാം സ്ഥാനം ലഭിച്ച കുട്ടിക്ക് 1001/രൂപയുടെ ക്യാഷ് അവാർഡും നൽകി. തുടർന്ന് പ്രശസ്ത കവി കെ ദിവാകരൻ സ്വന്തം കവിതകളും അവതരിപ്പിച്ചു. യോഗത്തിന് ഗ്രന്ഥശാല സെക്രട്ടറി എം മുരളീധരൻ സ്വാഗതവും എക്സിക്യൂട്ടീവ് കമ്മിറ്റി അംഗം കെ മീനാകുമാരി നന്ദിയും പറഞ്ഞു.
by Midhun HP News | Aug 17, 2026 | Latest News, ജില്ലാ വാർത്ത
തിരുവനന്തപുരം: കേരളത്തിലെ പിഎസ്സി പരീക്ഷാക്രമക്കേടിൽ ഗവർണർ രാജേന്ദ്ര ആർലേക്കർ ഇടപെടൽ ശക്തമാക്കുന്നു. പരീക്ഷാക്രമക്കേടുമായി ബന്ധപ്പെട്ട് നൂറോളം പരാതികൾ ഉയർന്ന സാഹചര്യത്തിൽ രാഷ്ട്രപതിക്ക് റിപ്പോർട്ട് നൽകുന്നതിനുള്ള നീക്കമാണ് ഗവർണർ നടത്തുന്നത്.
പിഎസ്സി ഭരണഘടനാ സ്ഥാപനമായതിനാൽ അതിനെതിരായ നടപടികളുടെ നിയമസാധ്യത സംബന്ധിച്ചാണ് ഗവർണർ നിയമോപദേശം തേടിയതെന്നാണ് ലോക്ഭവൻ വൃത്തങ്ങൾ പറയുന്നത്. രാഷ്ട്രപതി വിഷയം സുപ്രീംകോടതിയുടെ അന്വേഷണത്തിന് റഫർ ചെയ്താൽ പിഎസ്സി ചെയർമാനെയും അംഗങ്ങളെയും സസ്പെൻഡ് ചെയ്യാൻ ഗവർണർക്ക് കഴിയുമോയെന്നതടക്കമുള്ള കാര്യങ്ങളാണ് പരിശോധിക്കുന്നത്.
സുപ്രീംകോടതിയുടെ അന്വേഷണ റിപ്പോർട്ടിന്റെ അടിസ്ഥാനത്തിൽ രാഷ്ട്രപതിക്ക് പിഎസ്സിയെ പിരിച്ചുവിടാൻ ഭരണഘടനാപരമായി സാധിക്കുമോയെന്നും ഗവർണർ പരിശോധിക്കുന്നുണ്ട്. നിലവിലെ സർക്കാർ നടപടികളിലും ക്രൈംബ്രാഞ്ചിന്റെ പ്രത്യേക അന്വേഷണത്തിലും ഗവർണർ തൃപ്തനല്ലെന്നാണ് ലോക്ഭവൻ വൃത്തങ്ങളുടെ വിശദീകരണം.
രണ്ടുമാസമായി വിവാദം തുടരുന്ന സാഹചര്യത്തിലും കേസിൽ കാര്യമായ വഴിത്തിരിവുണ്ടായിട്ടില്ലെന്നാണ് രാജ്ഭവന്റെ വിലയിരുത്തൽ. പരീക്ഷാക്രമക്കേടുമായി ബന്ധപ്പെട്ട് നൂറോളം പരാതികൾ ലഭിച്ചിട്ടുണ്ടെങ്കിലും നിലവിൽ പരീക്ഷാത്തട്ടിപ്പുമായി ബന്ധപ്പെട്ട ഒരു കേസിലാണ് അന്വേഷണം കേന്ദ്രീകരിച്ചിരിക്കുന്നത്. മറ്റു പരാതികൾ പരിശോധിച്ചുവരികയാണെന്നും തെളിവുകളുടെ അടിസ്ഥാനത്തിൽ തുടർനടപടി സ്വീകരിക്കുമെന്നുമാണ് അന്വേഷണസംഘത്തിന്റെ നിലപാട്.
അതിനിടെ ചരിത്രത്തിലാദ്യമായി പോലീസ് പിഎസ്സിയുടെ പരീക്ഷാവിഭാഗത്തിലെത്തി രേഖകൾ പരിശോധിച്ചതും കേസിൽ നിർണായക നീക്കമായിരുന്നു. എന്നാൽ ഇതുവരെ സമഗ്രമായ നടപടിയുണ്ടാകാത്ത സാഹചര്യത്തിലാണ് ഗവർണർ നേരിട്ട് ഇടപെടൽ ശക്തമാക്കുന്നത്.
Recent Comments