പള്ളിപ്പുറത്ത് ഉണ്ടായ അപകടത്തിൽ മരണപ്പെട്ടവരുടെ വീട് സന്ദർശിച്ച് മുൻ എം എൽ എ സത്യൻ

by Midhun HP News | May 21, 2023 | Latest News, കേരളം, ജില്ലാ വാർത്ത

കഴിഞ്ഞദിവസം പള്ളിപ്പുറത്ത് ഉണ്ടായ അപകടത്തിൽ മൂന്നുപേർ മരണപ്പെട്ട മണമ്പൂർ കാരൂർകോണം നിവാസികളായിട്ടുള്ള സുനിൽ, ശോഭ എന്നിവരുടെ വീടുകളിൽ പട്ടികജാതി ക്ഷേമസമിതി സംസ്ഥാന വൈസ് പ്രസിഡന്റും ആറ്റിങ്ങൽ മുൻ എം എൽ എ യുമായ അഡ്വ ബി സത്യൻ സന്ദർശിച്ചു. സിപിഐഎം വർക്കല ഏരിയ കമ്മിറ്റി അംഗം, പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ വി സുധീർ ഒപ്പമുണ്ടായിരുന്നു. അത്യന്ത്യം ദാരുണമായ സംഭവമായിരുന്നുവെന്നും ഈ കുടുംബങ്ങളെ സഹായിക്കാൻ സർക്കാർ തയ്യാറാകുമെന്ന് പ്രതീക്ഷിക്കുന്നുവെന്നും സത്യൻ പറഞ്ഞു.

സിഐടിയുവിൻ്റെ നേതൃത്വത്തിൽ സിസ്റ്റർ ലിനി അനുസ്മരണം നടത്തി

by Midhun HP News | May 21, 2023 | Latest News, കേരളം, ജില്ലാ വാർത്ത

എച്ച് ഡി എസ് എംപ്ലോയിസ് യൂണിയൻ സി ഐ ടി യു വിൻ്റെ നേതൃത്വത്തിൽ സിസ്റ്റർ ലിനി അനുസ്മരണവും, നിരാലംബരായ രോഗികൾക്ക് വസ്ത്രങ്ങളുടെ വിതരണവും ചെയ്തു. എച്ച് ഡി എസ്എംപ്ലോയീസ് യൂണിയൻ ആദ്യമായി ജില്ലയിലെഏറ്റവും നല്ല ആരോഗ്യ പ്രവർത്തകക്ക് ഏർപ്പെടുത്തിയ സിസ്റ്റർ ലിനിയുടെ പേരിലുള്ള പുരസ്ക്കാര വിതരണവും നടന്നു.

തിരു: മെഡിക്കൽ കോളേജ് ആശുപത്രിയിൽ ചികിത്സകഴിഞ്ഞും അവിടെ തന്നെ തുടരുന്നവരായ നിരാലംബരായ രോഗികളെ പരിചരിക്കുന്നതിന് – 15-ാം വാർഡ് കേന്ദ്രീകരിച്ച് പ്രവർത്തിക്കുന്ന ഡ്രസ്സ് ബാങ്കിൻ്റെ നടത്തിപ്പിൻ്റെ മുഖ്യചുമതലക്കാരിയും അവരുടെ പരിചരണ പ്രവർത്തനങ്ങൾക്ക് നേതൃത്വം നൽകിവരുന്ന സീനിയർനേഴ്സിഗ് ഓഫീസർ സിസ്റ്റർ എച്ച്,
ഷാനിഫയ്ക്ക്, യൂണിയൻ ജില്ലാപ്രസിഡന്റ് അഡ്വ.ബി സത്യൻ പുരസ്ക്കാരം സമർപ്പിച്ചു.

മെഡിക്കൽ കോളേജ് ആശുപത്രിയങ്കണത്തിൽ നടന്ന ചടങ്ങിൽ യൂണിറ്റ് പ്രസിഡന്റ് വി.എസ് ജോയിലാൽ അദ്ധ്യക്ഷനായി. സെക്രട്ടറി വി.എസ് ശങ്കർ സ്വാഗതം പറഞ്ഞു. യൂണിയൻ സംസ്ഥാന ജനറൽ സെക്രട്ടറി കെ.സുനിൽകുമാർ, ജില്ലാസെക്രട്ടറി എസ്, സുജിത്ത്കുമാർ, സംസ്ഥാന ട്രഷറർ ഗിരിജ കെ.ജി.എൻ.എ ജില്ലാ സെക്രട്ടറി സുഷമ, എന്നിവർ പങ്കെടുത്തു.

പഠനോപകരണ വിതരണവും പച്ചക്കറി വിത്തുകളുടെ വിതരണവും നടത്തി

by Midhun HP News | May 21, 2023 | Latest News, കേരളം, ജില്ലാ വാർത്ത

ആറ്റിങ്ങല്‍ എൽ എം എസ് റസിഡന്റ്സ് അസോസിയേഷന്റെ നേതൃത്വത്തില്‍ പഠനോ പകരണ വിതരണവും പച്ചക്കറി വിത്തുകളുടെ വിതരണവും നടത്തി. എൽ എം എസ് റസിഡന്‍സിനകത്തുള്ള എൽ കെ ജി മുതല്‍ പി ജി വരെ പഠിക്കുന്ന വിദ്യാര്‍ഥികള്‍ക്കാണ് പഠനോപകരണങ്ങള്‍ വിതരണം ചെയ്തത്. എൽ എം എസ് ആർ എ യിലെ മുഴുവന്‍ വീടുകളിലും പച്ചക്കറി വിത്തുകള്‍ വിതരണം ചെയ്തു. ചടങ്ങില്‍ വാര്‍ഡ്
കൗണ്‍സിലര്‍ എസ് ശാന്തകുമാരി ഉദ്ഘാടനം ചെയ്തു.

ആറ്റിങ്ങലീന്റെ ജനകീയ ഡോക്ടര്‍ പി. രാധാകൃഷ്ണന്‍ നായർ പഠനോപകരണ വിതരണവും വിത്തുകള്‍ വിതരണ പദ്ധതിയുടെ ഉദ്ഘാടനവും നടത്തി. കുടാതെ എൽ എം എസ് എൽ പി എസ്സിലെ വിദ്യാര്‍ഥികള്‍ക്ക് ആർ എ യുടെ വകയായി വാങ്ങി നല്‍കിയ പഠനോപകരണ വിതരണവും നടന്നു. എൽ എം എസ് ആർ എ പ്രസിഡന്റ് സി. പ്രതാപചന്ദ്രന്‍ അധ്യക്ഷത വഹിച്ചു. സെക്രട്ടറി അഖിലേഷ് വി സി സ്വാഗതവും ട്രഷറര്‍ ദിനേശ് ബാബു ജി നന്ദി യും രേഖപ്പെടുത്തി

പിറന്നാൾ ദിനത്തിൽ മോഹൻലാലിന് സമ്മാനമായി കിയ ഇവി6

by Midhun HP News | May 21, 2023 | Latest News, കേരളം, ജില്ലാ വാർത്ത

പിറന്നാൾ ദിനത്തിൽ മോഹൻലാലിന് 72 ലക്ഷം രൂപയുടെ ആഡംബര കാർ സമ്മാനിച്ച് ഹെഡ്ജ് ഉടമ അലക്‌സ് കെ ബാബു. ഇന്ന് ഉച്ചയോടെയാണ് കിയ ഷോറൂം അധികൃതർ താരത്തിന്റെ വീട്ടിലെത്തി കാർ സമ്മാനിച്ചത്. മോഹൻലാലിനും ഭാര്യ സുചിത്രയ്ക്കുമൊപ്പം കാർ ഏറ്റുവാങ്ങുമ്പോൾ മേജർ രവി, ഷിബു ബേബി ജോൺ എന്നിവരും ഉണ്ടായിരുന്നു.
ജൂൺ 2ന് പുറത്തിറങ്ങാനിരിയ്ക്കുന്ന കിയ ഇവി6 എന്ന പുത്തൻ മോഡലാണ് അലക്‌സ് പ്രിയ സുഹൃത്തിന് സമ്മാനിച്ചിരിക്കുന്നത്. 3.5 സെക്കൻഡിൽ 100 കി.മി സ്പീഡ് കൈവരിക്കാൻ സാധിക്കുന്ന വാഹനത്തിന്റെ പവൻ 323 ബിഎച്ച്പിയാണ്. ഇലക്ട്രിക് വാഹനമായ കിയ ഇവി6ന് 19 മിനിറ്റിൽ 80% ചാർജ് കയറും.

ചൂടിന് ശമനമില്ല; 4 ഡിഗ്രി സെൽഷ്യസ് വരെ താപനില ഉയരാൻ സാധ്യത

by Midhun HP News | May 21, 2023 | Latest News, കേരളം, ജില്ലാ വാർത്ത

തിരുവനന്തപുരം: സംസ്ഥാനത്ത് ചൂടിന് ശമനമില്ല. ഈ ദിവസങ്ങളിൽ സംസ്ഥാനത്ത് സാധാരണയെക്കാൾ 2 ഡിഗ്രി സെൽഷ്യസ് മുതൽ 4 ഡിഗ്രി സെൽഷ്യസ് വരെ താപനില ഉയരാൻ സാധ്യതയുണ്ട്. ഒറ്റപ്പെട്ടയിടങ്ങളിൽ ഇടിയോട് കൂടിയ മഴ കിട്ടും. പ്രത്യേകിച്ച് ഒരു ജില്ലയിലും മഴ മുന്നറിയിപ്പില്ല. അതേമയം, കാലവർഷം തെക്കൻ ബംഗാൾ ഉൾക്കടലിലും ആൻഡമാൻ കടലിലും നിക്കോബാർ ദ്വീപ് സമൂഹങ്ങളിലും കൂടുതലിടങ്ങളിലേക്കും വ്യാപിക്കുകയാണ്.

സംസ്ഥാനത്ത് വേനൽ ചൂട് കൂടുന്ന സാഹചര്യത്തിൽ സംസ്ഥാന ദുരന്ത നിവാരണ അതോറിറ്റി ജാഗ്രത നിർദേശം പുറപ്പെടുവിച്ചു. ഇത് പ്രകാരം പകൽ സമയത്ത് ജനം വെയിൽ കൊള്ളുന്നത് ഒഴിവാക്കണം. പകൽ 11 നും മൂന്ന് മണിക്കും ഇടയിൽ വെയിൽ കൊള്ളുന്നത് സൂര്യാഘാതമേൽക്കാൻ കാരണമായേക്കും എന്നതിനാലാണിത്.

ബസിലെ നഗ്നതാ പ്രദർശനം; പ്രതി അറസ്റ്റിൽ

by Midhun HP News | May 20, 2023 | Latest News, കേരളം, ജില്ലാ വാർത്ത

കെഎസ്ആർടിസി ബസിൽ യുവതിയ്ക്കു നേരെ നഗ്നത പ്രദർശിപ്പിക്കുകയും അശ്ലീല
പ്രവൃത്തിയിലേർപ്പെടുകയും ചെയ്ത തമിഴ്നാട് മധുര സ്വദേശി സെൽവയെ (25)
തമ്പാനൂർ പൊലീസ് അറസ്റ്റ് ചെയ്തു. ഇന്നലെ രാത്രി 8.15 നാണു തിരുവനന്തപുരത്തേക്കുള്ള യാത്രയിൽ മരപ്പാലത്തു വച്ചു വർക്കല സ്വദേശിനിയായ 26 കാരിയായ യുവ ഡോക്ടർക്കു നേരേയായിരുന്നു നഗ്നതാ പ്രദർശനം. മൂന്നു പേർക്ക് ഇരിക്കാവുന്ന സീറ്റിലാണു യുവതി ഇരുന്നത്. വശത്തായി ഇരിക്കുന്നയാളുടെ കൈ അനങ്ങുന്നതായി യുവതിയുടെ ശ്രദ്ധയിൽപ്പെട്ടു. അശ്ലീല പ്രവൃത്തി ചെയ്യുകയാണെന്നു മനസ്സിലാക്കിയ യുവതി
തിരിഞ്ഞിരുന്നപ്പോൾ പ്രതി യുവതിയുടെ കാൽമുട്ടിനു മുകളിൽ സ്പർശിക്കുകയും
നേരെ തിരി‍ഞ്ഞിരുന്നു ലൈംഗിക പ്രവൃത്തി ചെയ്യുകയുമായിരുന്നുവെന്നു പൊലീസ്
പറഞ്ഞു.

യുവതി ഉടനെ കണ്ടക്ടറെയും മറ്റു യാത്രക്കാരെയും വിവരം അറിയിച്ചു. പാളയത്തു വച്ചു പുറത്തേക്കിറങ്ങി രക്ഷപ്പെടാൻ ശ്രമിച്ച ഇയാളെ കണ്ടക്ടറും യാത്രക്കാരും കൂടി തടഞ്ഞുവച്ചു. തുടർന്നു തമ്പാനൂരിൽ വച്ചു പൊലീസിനു കൈമാറുകയുമായിരുന്നു. വീട്ടിലേക്കു ട്രെയിനിൽ പോകുന്നതിനായി തമ്പാനൂർ റെയിൽവേ സ്റ്റേഷനിൽ എത്തുന്നതിനായാണു യുവതി ബസിൽ കയറിയത്. പ്രതി അതിനു മുൻപേ ബസിൽ കയറിയതാണെന്നു യാത്രക്കാർ പറഞ്ഞു. യുവതിയുടെ മൊഴി പൊലീസ് വിശദമായി എടുത്തു. തമ്പാനൂർ പൊലീസ് പ്രതിയെ മെഡിക്കൽ പരിശോധനയ്ക്കു ഹാജരാക്കിയ ശേഷം അറസ്റ്റ് രേഖപ്പെടുത്തി.

തിരുവനന്തപുരം നഗരത്തിൽ പട്ടം എൽഐസിക്കു സമീപത്തെ വെജിറ്റേറിയൻ ഹോട്ടലിലെ ജീവനക്കാരനാണു സെൽവ. അമിതമായി മദ്യപിച്ചു ജോലിയ്ക്ക് എത്തിയതിനെ തുടർന്നു ബുധനാഴ്ച ഇയാളെ ജോലിയിൽ നിന്നു പിരിച്ചുവിട്ടിരുന്നതായി ഹോട്ടൽ ഉടമ അറിയിച്ചു.