by Midhun HP News | May 19, 2025 | Latest News, കേരളം
തൃപ്പൂണിത്തുറ: തൃപ്പൂണിത്തുറ പെരീക്കാട് വീടിന് തീയിട്ടതിനുശേഷം ഗൃഹനാഥന് തൂങ്ങിമരിച്ച നിലയില്.എരൂര് വെസ്റ്റ് പെരിക്കാട് ചക്കാലപ്പറമ്പില് പ്രകാശന് (59) ആണ് മരിച്ചത്. ചെറിയ പൊള്ളലേറ്റ മകന് കരുണ് (16) ആശുപത്രിയില് പ്രവേശിപ്പിച്ചു.
ഇന്ന് പുലര്ച്ചെ 5 ഓടെയാണ് താമസിച്ചിരുന്ന വാടക വീടിന് ഇയാള് തീവച്ചത്. വീടിനകത്തുണ്ടായിരുന്ന കട്ടിലിനും കിടക്കയ്ക്കും മറ്റും തീപിടിച്ച ഉടനെ അയല്ക്കാരെത്തി തീകെടുത്തുകയായിരുന്നു. ഈ സമയം പ്രകാശന് പുറത്ത് മരത്തില് തൂങ്ങുകയായിരുന്നു. തീപിടിച്ച വീടിനോട് തൊട്ടുചേര്ന്ന് തന്നെയുള്ള മറ്റു വീടുകളിലേയ്ക്ക് തീ പടരാതെ കെടുത്തിയതിനാല് വന് അപകടം ഒഴിവായി. ഇയാളുടെ ഭാര്യ രാജേശ്വരി വഴക്കിനെ തുടര്ന്ന് വീട്ടില്നിന്നും മാറിയാണ് താമസിക്കുന്നത്. ആത്മഹത്യയുടെ കാരണം വ്യക്തമായിട്ടില്ല.
കഴിഞ്ഞ ഒരു വര്ഷത്തോളമായി വാടക വീട്ടില് താമസിച്ചുവരികയായിരുന്നു പ്രകാശന്. സംഭവത്തില് പൊലീസ് അന്വേഷണം ആരംഭിച്ചു. ഹില്പാലസ് പൊലീസ് സ്ഥലത്തെത്തി മേല് നടപടികള്ക്ക് ശേഷം പ്രകാശന്റെ മൃതദേഹം ആശുപത്രി മോര്ച്ചറിയിലേക്ക് മാറ്റും.
by Midhun HP News | May 19, 2025 | Latest News, കേരളം
തിരുവനന്തപുരം: വൈകുന്നേരം നാലുമണിക്ക് ശേഷം ഇ-വാഹനങ്ങള് ചാര്ജ് ചെയ്യുന്നതിനുള്ള നിരക്ക് കുത്തനെ കൂട്ടി കെഎസ്ഇബി. സംസ്ഥാനത്തെ കെഎസ്ഇബിയുടെ 63 ചാര്ജിങ് സ്റ്റേഷനുകള്ക്കാണ് പുതിയ നിരക്ക് ബാധകമാകുക.
കേന്ദ്രസര്ക്കാരിന്റെ മാര്ഗനിര്ദേശപ്രകാരമുള്ള സര്വീസ് ചാര്ജുകൂടി ഈടാക്കാന് തീരുമാനിച്ചതോടെ സ്വകാര്യ ചാര്ജിങ് സ്റ്റേഷനുകളിലെ നിരക്കിനെ അപേക്ഷിച്ച് കൂടുതല് തുകയാണ് ഇവിടങ്ങളില് നല്കേണ്ടിവരുക.
രാവിലെ ഒന്പതുമുതല് വൈകുന്നേരം നാലുവരെയുള്ള സൗരോര്ജ മണിക്കൂറുകളില് നിരക്ക് 30 ശതമാനം കുറയ്ക്കാനും വൈകുന്നേരം നാലുമുതല് രാവിലെ ഒന്പതുവരെ 30 ശതമാനം കൂട്ടാനും വൈദ്യുതി റെഗുലേറ്ററി കമ്മിഷന് അനുവാദം നല്കിരുന്നു. രാത്രിയില് ചാര്ജിങ്ങിന് വൈദ്യുതി ഉപയോഗിക്കുന്നത് കുറയ്ക്കാനും പകല് ലഭ്യമാകുന്ന സൗരോര്ജം പരമാവധി പ്രയോജനപ്പെടുത്താനുമാണ് നീക്കം.
ഇതുവരെ പകലും രാത്രിയും കെഎസ്ഇബി സ്റ്റേഷനുകളില് നിരക്ക് തുല്യമായിരുന്നു. കേന്ദ്ര ഊര്ജമന്ത്രാലയം സര്വീ സ് ചാര്ജ് ഏകീകരിക്കുകയും വിവിധവിഭാഗങ്ങളില് പരമാവധി പരിധി നിശ്ചയിക്കുകയും ചെയ്തിട്ടുണ്ട്. യൂണിറ്റിന് മൂന്നുമുതല് 13 വരെയാണ് പരമാവധി സര്വീസ് ചാര്ജ്. സ്വകാര്യ സ്റ്റേഷനുകള് ഇതില് ഇളവുനല്കി മത്സര ബുദ്ധിയോടെ പ്രവര്ത്തിക്കുമ്പോഴാണ് കെഎസ്ഉബി നീക്കം.
പുതിയനിരക്ക് – രാവിലെ ഒന്പതു മുതല് വൈകുന്നേരം നാലുവരെ (18 ശതമനാനം ജിഎസ്ടി ഉള്പ്പെടെ ഒരുയൂണിറ്റിന്)
എസി സ്റ്റോ ചാര്ജിങ് – 10.08 രൂപ
ഡിസി ഫാസ്റ്റ് ചാര്ജിങ് – 19.47 രൂപ
വൈകുന്നേരം നാലുമുതല് രാവിലെ ഒന്പതുവരെ
എസി സ്റ്റോ – 16.79 രൂപ
ഡിസി ഫാസ്റ്റ് – 27.41 രൂപ
by Midhun HP News | May 19, 2025 | Latest News, ജില്ലാ വാർത്ത, മരണം
കല്ലമ്പലം: ചെമ്മരുതി സാഫല്യയിൽ ശ്രീകുമാരി അമ്മ ജെ (65) അന്തരിച്ചു.
ഭർത്താവ്: ആർ രവീന്ദ്രൻ ഉണ്ണിത്താൻ (എൻ.എസ്.എസ് ചിറയിൻകീഴ് താലൂക്ക് യൂണിയൻ മെമ്പർ).
മക്കൾ: ആർ.എസ് പ്രവീൺ (സൗത്ത് ഇന്ത്യൻ ബാങ്ക്, കൊടുവഴനൂർ), ആർ.എസ് മാലിനി.
മരുമക്കൾ: വി.ആർ വാരിജ (അധ്യാപിക, ശിവറാം എൻ.എസ്.എസ് എച്ച്.എസ്.എസ് കരിക്കോട്).ആർ.വി ജിജിൻ രാജ്.(എയർപ്പോർട്ട്, തിരുവനന്തപുരം).
സഞ്ചയനം വ്യാഴാഴ്ച രാവിലെ എട്ട് മണിക്ക്.
by admin | May 19, 2025 | Latest News, കേരളം
തിരുവനന്തപുരം: സംസ്ഥാനത്ത് ഇന്ന് നാല് ജില്ലകളില് ഓറഞ്ച് അലര്ട്ട്. കാസര്കോട്, കണ്ണൂര്, വയനാട്, കോഴിക്കോട് ജില്ലകളിലാണ് യെല്ലോ മുന്നറിയിപ്പുള്ളത്. ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. മണിക്കൂറില് 115 മുതല് 204.5 മില്ലിമീറ്റര് മഴയാണ് പ്രവചിക്കുന്നത്.
അതേസമയം തിരുവനന്തപുരം, കൊല്ലം, പത്തനംതിട്ട ജില്ലകള് ഒഴികെയുള്ള ജില്ലകളില് ഇന്ന് യെല്ലോ അലര്ട്ടാണുള്ളത്. ഒറ്റപ്പെട്ട ശക്തമായ മഴ മുന്നറിയിപ്പാണുള്ളത്. മണിക്കൂര് 64.5 മുതല് 115.5 മില്ലിമീറ്റര് മഴയാണ് പ്രവചിക്കുന്നത്.
അടുത്ത മണിക്കൂറില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് ഇടത്തരം മഴയ്ക്കു സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
by admin | May 19, 2025 | Latest News, ദേശീയ വാർത്ത
കോഴിക്കോട്: കോഴിക്കോട് ബസ് സ്റ്റാന്ഡിന് സമീപം ഷോപ്പിങ് കോംപ്ലക്സില് ഉണ്ടായ വന് തീപിടിത്തത്തില് കോടികളുടെ നഷ്ടം. 75 കോടിയിലധികം രൂപയുടെ നഷ്ടമുണ്ടായെന്നാണ് പ്രാഥമിക നിഗമനം. കാലിക്കറ്റ് ടെക്സ്റ്റൈല്സ് എന്ന സ്ഥാപനത്തിന്റെ ഗോഡൗണ് പൂര്ണമായും കത്തി നശിച്ചിരുന്നു. കെട്ടിടത്തിലെ മരുന്ന് ഗോഡൗണിനും തീപിടിത്തത്തില് നാശം സംഭവിച്ചിരുന്നു.
ഇന്നലെ വൈകീട്ട് നാലരയോടെയുണ്ടായ വ്യാപാര കെട്ടിടത്തിലെ തീപിടിത്തം രാത്രി 11 മണിയോടെ നിയന്ത്രണ വിധേയമാക്കിയത്. ആശങ്കകളുടെ മണിക്കൂറുകള്ക്ക് ശേഷം മണ്ണുമാന്തിയന്ത്രം ഉള്പ്പെടെ എത്തിച്ച് കെട്ടിടത്തിന്റെ ചില്ലുള്പ്പെടെ തകര്ത്താണ് ഫയര് ഫോഴ്സ് ഉദ്യോഗസ്ഥര് തീപിടിത്തം നിയന്ത്രണ വിധേയമാക്കിയത്.
തീപിടിത്തമുണ്ടായ കെട്ടിടത്തില് ഇന്ന് ഫയര് ഫോഴ്സ് വിഗ്ധ പരിശോധന നടത്തും. ജില്ലാ ഫയര് ഓഫീസറുടെ നേതൃത്വത്തിലാണ് പരിശോധന. അതിനിടെ തീപിടിത്തം ഉണ്ടായ കെട്ടിടം ഭാഗികമായി തുറന്നു നല്കി. തീപിടിത്തത്തില് വിശദമായ അന്വേഷണം നടക്കുമെന്ന് കോഴിക്കോട് മേയര് ബീന ഫിലിപ്പ് അറിയിച്ചു. ഇന്ന് കോര്പറേഷന് തലത്തില് സ്റ്റിയറിങ്ങ് കമ്മിറ്റി ചേര്ന്ന് സംഭവം വിലയിരുന്നു. തീപിടിത്തിന്റെ കാരണം വിശദമായി പരിശോധിക്കും എന്നും മേയര് അറിയിച്ചു.
തീപിടിത്തത്തില് സര്ക്കാര് ഇന്നലെ തന്നെ അന്വേഷണം പ്രഖ്യാപിച്ചിരുന്നു. രണ്ട് ദിവസത്തിനകം റിപ്പോര്ട്ട് സമര്പ്പിക്കണമെന്നാണ് ജില്ലാ കളക്ടര്ക്ക് ചീഫ് സെക്രട്ടറിയുടെ നിര്ദേശം. തീപിടിത്തത്തിന്റെ കാരണം അന്വേഷിക്കുമെന്ന് കോഴിക്കോട് കലക്ടര് സ്നേഹില് കുമാര് മാധ്യമങ്ങളോട് പ്രതികരിച്ചികരിച്ചിരുന്നു. ഫയര്ഫോഴ്സ് എത്താന് വൈകിയോ എന്നുള്പ്പെടെ പരിശോധിക്കുമെന്നും ജില്ലാ കളക്ടര് സ്നേഹില് കുമാര് പറഞ്ഞിരുന്നു. നഗരത്തിലുണ്ടായിരുന്ന ഏക ഫയര് സ്റ്റേഷനായ ബീച്ച് ഫയര് സ്റ്റേഷന് ഒഴിവാക്കിയത് നഗരത്തില് തീപിടിത്തം തടയുന്നതില് പ്രതിസന്ധിയുണ്ടാക്കി എന്ന് ആക്ഷേപം ഉയര്ന്നിരുന്നു.
by Midhun HP News | May 18, 2025 | Latest News, കേരളം
ഇന്ത്യൻ റയിൽ ഗതാഗതത്തിൽ വലിയ വിപ്ലവമായിരുന്നു വന്ദേഭാരത് ട്രെയിനുകളുടെ വരവ്. രാജ്യത്തെ പ്രധാന നഗരങ്ങളെ തമ്മിൽ ബന്ധിപ്പിച്ച് സർവീസ് നടത്തുന്ന അതിവേഗ വന്ദേഭാരത് ട്രെയിനുകൾ ജനങ്ങളും വളരെ വേഗം ഏറ്റെടുക്കുകയായിരുന്നു. ഇപ്പോഴിതാ, വന്ദേഭാരതിനോട് കിടപിടിക്കുന്ന അമൃത് ഭാരത് എക്സ്പ്രസിന് പുതിയ പതിപ്പ് വരുന്നു എന്ന റിപ്പോർട്ടുകളാണ് പുറത്തുവരുന്നത്.
അമൃത് ഭാരത്-2.2 എന്ന പുതിയ പതിപ്പാണ് പുതിയ വേഗക്കുതിപ്പിന് തയ്യാറെടുക്കുന്നത്. അമൃത് ഭാരത്-1.0, അമൃത് ഭാരത്-2 എന്നിവയ്ക്കുശേഷമുള്ള പതിപ്പാണിത്. ചെന്നൈ ഇൻറഗ്രൽ കോച്ച് ഫാക്ടറിയിലും കപൂർത്തലയിലെ റെയിൽ കോച്ച് ഫാക്ടറിയിലുമാണ് അമൃത് ഭാരത്-2.2 ട്രെയിനിന്റെ നിർമാണം.
Recent Comments