ദേശീയ ബാല തരംഗത്തിൻ്റെ ആഭിമുഖ്യത്തിൽ ആറ്റിങ്ങലിൽ നടന്ന മാത്യദിന പരിപാടി ദേശീയ ബാല തരംഗം ചെയർമാൻ അഡ്വ.ശരത്ചന്ദ്രപ്രസാദ് (മുൻ എം എൽ എ) ഉദ്ഘാടനം ചെയ്തു. ഡി സി സി മെമ്പർമാരായ പി.വി. ജോയ്, തോട്ടവാരം ഉണ്ണികൃഷണൻ, ‘ബ്ലോക്ക് ജനറൽ സെക്രറട്ടറി’ ഷാജി, മണ്ഡലം വൈസ് പ്രസിഡൻ്റ് പരക്കുടി ബാബു, മോഹനൻ എന്നിവർ പങ്കെടുത്തു.
കണ്ണൂർ: 32 അടി താഴ്ച്ചയുള്ള കിണറ്റിൽ നിന്ന് പൂച്ചയെ അതി സാഹസികമായി രക്ഷിച്ച് ഇരിട്ടി ഫയർ ഫോഴ്സ്. കണ്ണൂർ ജില്ലയുടെ മലയോര പ്രദേശമായ ഇരിക്കൂർ ബ്ളാത്തൂരിൽ ആണ് സംഭവം. ബ്ളാത്തൂർ ഇല്ലത്തടത്ത് മുസ്തഫയുടെ വീട്ടു കിണറ്റിലാണ് പൂച്ച വീണത്. വീട്ടുകാരും അയൽവാസികളും ചേർന്ന് പൂച്ചയെ പുറത്തെടുക്കാൻ നടത്തിയ ശ്രമം വിഫലമായി.
ഇതേ തുടർന്ന് നാട്ടുകാർ ഫയർ ഫോഴ്സിനെ വിവരമറിയിച്ചു. ഉടൻ തന്നെ ഇരിട്ടി ഫയർ ഫോഴ്സ് സ്ഥലത്ത് എത്തി. 32 അടി താഴ്ച്ചയുള്ള കിണറിൽ വെള്ളം കുറവായിരുന്നു. ഇതു രക്ഷാപ്രവർത്തനം എളുപ്പമാക്കി. ഫയർ ആൻഡ് റസ്ക്യൂ ഓഫീസർ അരുൺ കുമാർ ഏണിവെച്ചു കിണറ്റിലേക്ക് ഇറങ്ങി. കിണറിന്റെ പടവിൽ പതുങ്ങിയിരുന്ന പൂച്ചയെ സുരക്ഷിതമായി പുറത്തെടുത്തു. രക്ഷാപ്രവർത്തനത്തിൽ സീനിയർ ഫയർ ആൻഡ് റസ്ക്യൂ , ഓഫീസർ കെ വി വിജേഷ്, ജസ്റ്റിൻ ജയിംസ്, ഹോം ഗാർഡുമാരായ രമേഷ്,സരീഷ് എന്നിവരും പങ്കെടുത്തു.
കേരളത്തിലെ മുഖ്യമന്ത്രിയെ പ്രഖ്യാപിക്കുന്നതിൽ അനിശ്ചിതത്വം തുടരുന്നു. സംസ്ഥാന കോൺഗ്രസിലെ പോര് അടങ്ങിയ ശേഷം പ്രഖ്യാപനം മതിയെന്ന തീരുമാനത്തിലാണ് ഹൈക്കമാൻഡ്. അച്ചടക്ക ലംഘനം നടക്കുന്നുണ്ടോ എന്നറിയാൻ സൂക്ഷ്മ നിരീക്ഷണം തുടരുകയാണ്. കർണാടകയിലേക്ക് പോയ മല്ലികാർജുൻ ഖാർഗെ ഇന്ന് ഡൽഹിയിൽ തിരിച്ചെത്തിയ ശേഷം സോണിയ അടക്കമുള്ള മുതിർന്ന നേതാക്കളുമായി ചർച്ച നടത്തിയേക്കും.സോണിയാഗാന്ധിയുമായി കൂടി ചർച്ച നടത്തിയശേഷമാകും അന്തിമ പ്രഖ്യാപനം ഉണ്ടാകുക എന്നാണ് സൂചന.
കൊച്ചി: ഐസ്എല്ലില് കേരള ബ്ലാസ്റ്റേഴ്സിനു ഹാട്രിക്ക് ജയം. കൊച്ചി ജവഹര്ലാല് നെഹ്റു സ്റ്റേഡിയത്തില് പട്ടികയിലെ അവസാന സ്ഥാനക്കാരായ മുഹമ്മദന് എസ്സിയെ ബ്ലാസ്റ്റേഴ്സ് 3-1നു വീഴ്ത്തി. സീസണില് ടീമിന്റെ നാലാം വിജയമാണിത്. അപരാജിതരായി തുടരെ അഞ്ച് മത്സരങ്ങളും ബ്ലാസ്റ്റേഴ്സ് പൂര്ത്തിയാക്കി. ജയത്തോടെ പോയിന്റ് പട്ടികയില് ബ്ലാസ്റ്റേഴ്സ് എട്ടാം സ്ഥാനത്ത്.
ഫ്രാന്സിസ്കോ ഫ്യുല്ലസിയര്, വിക്ടര് ബെര്തോമ്യു, ശ്രീക്കുട്ടന് എംഎസ് എന്നിവര് നേടിയ ഗോളുകളാണ് ജയം നിര്ണയിച്ചത്. ഒരു ഗോളിനു പിന്നില് നിന്ന ശേഷമാണ് ബ്ലാസ്റ്റേഴ്സ് മൂന്ന് ഗോളുകള് അടിച്ചു കയറ്റി വിജയം പിടിച്ചത്.
കളിയുടെ 42ാം മിനിറ്റില് റോയ് മഹിതോഷ് നേടിയ ഗോളിലാണ് മുഹമ്മദന് മുന്നിലെത്തിയത്. രണ്ട് മിനിറ്റിനുള്ളില് തന്നെ കൊമ്പന്മാര് വമ്പു കാണിച്ചു. 44ാം മിനിറ്റില് ഫ്യുല്ലസിയര് സമനില സമ്മാനിച്ചു. രണ്ടാം പകുതിയിലാണ് ശേഷിച്ച രണ്ട് ഗോളുകള് വന്നത്. 59ല് ബെര്തോമ്യുവും 74ല് ശ്രീക്കുട്ടനും പട്ടിക തികച്ചു.
കൊച്ചി: പരാതി നല്കാനായി പൊലീസ് സ്റ്റേഷനിലെത്തിയ യുവതിയോട് ലൈംഗികാതിക്രമം നടത്തിയെന്ന പരാതിയില് എസ്ഐക്കെക്ക് സസ്പെന്ഷന്. എളമക്കര പൊലീസ് സ്റ്റേഷനിലെ ഗ്രേഡ് എഎസ് ഐ മുജീബ് റഹ്മാനെയാണ് സസ്പെന്ഡ് ചെയ്തത്.
പരാതി നല്കാനെത്തിയ യുവതിയോട് ഇയാള് മോശമായി പെരുമാറുകയും ലൈംഗിക ഉദ്ദേശത്തോടുകൂടി സമീപിക്കുകയും ചെയ്തുവെന്നാണ് പരാതി. ആവശ്യങ്ങള്ക്ക് വഴങ്ങിയില്ലെങ്കില് ലഹരിക്കേസില് കുടുക്കുമെന്ന് ഇയാള് ഭീഷണിപ്പെടുത്തിയതായും പരാതിയിലുണ്ട്. പത്തനംതിട്ടയിലെ ഡോക്ടറെ മയക്കുമരുന്ന് കേസില് കുടുക്കുമെന്ന് പറഞ്ഞ് അവരുടെ കൈയില് നിന്ന് ഇയാള് ഒന്നര ലക്ഷം രൂപ കൈക്കൂലി വാങ്ങിയ കേസിലും പ്രതിയാണ് മുജീബ് റഹ്മാന്
കേസെടുത്തതിന് പിന്നാലെ ഇയാള് ഒളിവില് പോയിരിക്കുകയാണ്. ഇയാള്ക്കായി തിരച്ചില് ആരംഭിച്ചതായി പൊലീസ് അറിയിച്ചു. സംഭവത്തെക്കുറിച്ച് ഉന്നത പൊലീസ് ഉദ്യോഗസ്ഥരുടെ നേതൃത്വത്തില് വിശദമായ അന്വേഷണം നടന്നുവരികയാണെന്നും പൊലീസ് വ്യക്തമാക്കി.
ചെന്നൈ: തമിഴ് രാഷ്ട്രീയത്തിലെ പുതിയ വിപ്ലവത്തിന് തുടക്കം കുറിച്ചുകൊണ്ട് തമിഴക വെട്രി കഴകം അധ്യക്ഷന് സി. ജോസഫ് വിജയ് തമിഴ്നാട് മുഖ്യമന്ത്രിയായി അധികാരമേറ്റിരിക്കുകയാണ്. വിജയ്യുടെ തെരഞ്ഞെടുപ്പ് പ്രചാരണ വേളയില് വിജയ്ക്കൊപ്പം തന്നെ ശ്രദ്ധിക്കപ്പെട്ടൊരാളുണ്ട്.
താരത്തിന്റെ പേഴ്സണല് ബോഡിഗാര്ഡും മലയാളിയുമായ നയീം മൂസ. തെരഞ്ഞെടുപ്പ് പ്രചരണ സമയത്ത് ജനക്കൂട്ടത്തിനിടയില് വിജയെ അതീവ ജാഗ്രതയോടെ സംരക്ഷിക്കുന്ന നയീമിന്റെ ദൃശ്യങ്ങള് വൈറലായിരുന്നു.
വിജയ്യുടെ പ്രചരണവാഹനത്തില് അദ്ദേഹത്തിനൊപ്പം തന്നെ നിഴല് പോലെ നിന്നു നയീം. ആരാധകര് വിജയ്ക്കുനേരെ ആരാധനയോടെ വലിച്ചെറിയുന്ന പൂമാലകള് പിടിച്ചെടുത്ത് മാറ്റിവെച്ചും, താരത്തിനെ വാഹനത്തിലേക്ക് കയറാന് സഹായിച്ചും നയീം ശ്രദ്ധപിടിച്ചുപറ്റി.
കന്യാകുമാരിയിലെ പ്രചരണ റാലിക്കിടെ വിജയ് സൈക്കിളുമായി കറങ്ങിയപ്പോള്, താരത്തിന് സുരക്ഷയൊരുക്കുന്നതിലും നയീം മുന്നിലുണ്ടായിരുന്നു.മുന്പ് താരം പങ്കെടുത്ത പൊതുപരിപാടികളിലും ഷൂട്ടിങ് സെറ്റുകളിലുമെല്ലാം ബോഡിഗാര്ഡായി ഒപ്പമുണ്ടായിരുന്നതും ഈ മലയാളി തന്നെയാണ്. ഇന്സ്റ്റാഗ്രാമില് 3 ലക്ഷത്തിന് മുകളില് ഫോഴോവേഴ്സും നയീം മൂസയ്ക്കുണ്ട്. വര്ഷങ്ങള്ക്കു മുമ്പ് ജോലി തേടി ദുബായിലേക്ക് പോയപ്പോഴാണ് ബോഡി ബില്ഡിങ്ങിനോടും സുരക്ഷാരംഗത്തോടും നയീമിന് താത്പര്യം വളര്ന്നത്. പിന്നീട് അതിനെ ഒരു കരിയറാക്കി മാറ്റണമെന്ന ലക്ഷ്യത്തോടെ 2004ല് ജെന്ഡര് സെക്യൂരിറ്റി എന്ന സുരക്ഷാ ഏജന്സി ആരംഭിച്ചു. ദുബായ് ആസ്ഥാനമായി തുടങ്ങിയ സ്ഥാപനം പിന്നീട് ഇന്ത്യയിലേക്കും വ്യാപിച്ചു. തമിഴ്നാട് തെരഞ്ഞെടുപ്പ് പ്രചാരണകാലത്താണ് അദ്ദേഹം കൂടുതല് ജനശ്രദ്ധ നേടിയത്. ദുബായില് തന്നെയാണ് നയീമിന്റെ സ്ഥിരതാമസം.
Recent Comments