by Midhun HP News | Dec 14, 2024 | Latest News, കേരളം
പത്തനംതിട്ട: പത്തനംതിട്ട ജില്ലയില് അച്ചന്കോവില് നദിയില് ജലനിരപ്പ് അപകടകരമായി തുടരുന്ന സാഹച്യത്തില് നദിയുടെ കരയിലുള്ളവര്ക്ക് ജാഗ്രതാ നിര്ദേശം. സംസ്ഥാന ജലസേചന വകുപ്പിന്റെ കല്ലേലി, കോന്നി ജിഡി സ്റ്റേഷനുകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
നദിയുടെ കരയില് താമസിക്കുന്നവര് യാതൊരു കാരണവശാലും നദികളില് ഇറങ്ങാനോ നദി മുറിച്ചു കടക്കാനോ പാടില്ല. തീരത്തോട് ചേര്ന്ന് താമസിക്കുന്നവര് ജാഗ്രത പാലിാ്ാണം. അധികൃതരുടെ നിര്ദേശാനുസരണം അപകട മേഖലകളില് നിന്ന് മാറിത്താമസിക്കാന് തയ്യാറാവണമെന്നും കേരള ദുരന്ത നിവാരണ അതോറിറ്റി അറിയിച്ചു.
തെന്മല ഡാമിന്റെ ഷട്ടറുകള് തുറന്നു. കല്ലടയാറിന്റെ തീരപ്രദേശങ്ങളില് താമസിക്കുന്നവര്ക്ക് ജാഗ്രതാ നിര്ദേശം നല്കി. തെന്മല ഡാമിലെ ജലനിരപ്പ് റൂള് കര്വിന് അനുസ്യതമായി ക്രമീകരിക്കേണ്ടത് അത്യാവശ്യമാണെന്ന് കെഎസ്ഡിഎംഎ അറിയിച്ചു. ഇന്ന് രാവിലെ 11 മണി മുതല് ഡാമിന്റെ മൂന്നു ഷട്ടറുകള് 60 സെന്റീമീറ്റര് പടിപടിയായി ഉയര്ത്തി അധിക ജലം കല്ലടയാറ്റിലേക്ക് ഒഴുക്കി വിടുകയാണ്. ഡാമിന്റെ ഷട്ടറുകള് ഉയര്ത്തിയ സാഹചര്യത്തില് കല്ലടയാറിന്റെ തീരപ്രദേശങ്ങളില് താമസിക്കുന്നവര് ജാഗ്രത പാലിക്കണമെന്ന് മുന്നറിയിപ്പുണ്ട്.
by Midhun HP News | Dec 14, 2024 | Latest News, കേരളം
തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ ജില്ലകളിലാണ് അലര്ട്ട് പ്രഖ്യാപിച്ചത്. ബംഗാള് ഉള്ക്കടലില് വീണ്ടും ന്യൂനമര്ദ്ദ സാധ്യത കണക്കിലെടുത്ത് കേരളതീരത്ത് ഇന്ന് മത്സ്യബന്ധനത്തിന് വിലക്കേര്പ്പെടുത്തിയിട്ടുണ്ട്.
തെക്കന് ആന്ഡമാന് കടലിനു മുകളില് ചക്രവാദ ചുഴി രൂപപ്പെട്ടു. നാളെയോടെ ന്യുന മര്ദ്ദമായി മാറി തുടര്ന്ന് ശക്തി പ്രാപിച്ചു 48 മണിക്കൂറില് തമിഴ്നാട് തീരത്തേക്ക് നീങ്ങാന് സാധ്യതയുണ്ട്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
കേരളത്തില് അടുത്ത 5 ദിവസം ഒറ്റപ്പെട്ട ഇടിമിന്നലോടു കൂടിയ നേരിയ / ഇടത്തരം മഴയ്ക്ക് സാധ്യത. ഒറ്റപ്പെട്ട സ്ഥലങ്ങളില് ഡിസംബര് 18നും ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. ഇടുക്കി, തൃശ്ശൂര്, പാലക്കാട്, മലപ്പുറം ജില്ലകളില് 18 ന് യെല്ലോ അലര്ട്ടാണുള്ളത്.
by Midhun HP News | Dec 14, 2024 | Latest News, ജില്ലാ വാർത്ത
ആറ്റിങ്ങൽ : പൊതുപരീക്ഷകളുടെ വിശ്വാസ്യത ഇല്ലാതാക്കുന്ന തരത്തിൽ ചോദ്യപേപ്പർ ചോരുന്നത് കേരളത്തിലെ പൊതു വിദ്യാഭ്യാസത്തെ തകർക്കാനുള്ള ആസൂത്രിത നീക്കത്തിന്റെ ഭാഗമാണെന്ന് കേരള പ്രദേശ് സ്കൂൾ ടീച്ചേഴ്സ് അസോസിയേഷൻ ആറ്റിങ്ങൽ ടൗൺ ബ്രാഞ്ച് സമ്മേളനം ആരോപിച്ചു. കുറ്റക്കാർക്കെതിരെ അടിയന്തര നടപടി സ്വീകരിക്കണമെന്ന് സമ്മേളനം ആവശ്യപ്പെട്ടു. അധ്യയനവർഷം അവസാനിക്കാറായിട്ടും മാറിയ പാഠപുസ്തകങ്ങളുടെ അധ്യാപക സഹായികൾ ഇതുവരെ തയ്യാറാക്കി വിതരണം ചെയ്യാൻ കഴിയാത്തത് വിദ്യാഭ്യാസ വകുപ്പിന്റെ വീഴ്ചയാണ്. ജില്ലാ ജോയിന്റ് സെക്രട്ടറി സി.എസ്. വിനോദ് സമ്മേളനം ഉദ്ഘാടനം ചെയ്തു. പി. രാജേഷ് അധ്യക്ഷത വഹിച്ച യോഗത്തിൽ സംസ്ഥാന എക്സിക്യൂട്ടീവ് കമ്മിറ്റി അംഗം എൻ. സാബു, ആറ്റിങ്ങൽ വിദ്യാഭ്യാസ ജില്ലാ സെക്രട്ടറി ടി.യു. സഞ്ജീവ്, ആറ്റിങ്ങൽ ഉപജില്ല സെക്രട്ടറി ആർ.എ. അനീഷ്, ജൂലി പി.എസ്. എന്നിവർ സംസാരിച്ചു. പുതിയ ഭാരവാഹികളായി ഡി.സി. വിനോദ് (പ്രസിഡന്റ്), എസ്.എസ്. ആശാറാണി, ആർ. ലേഖ (ട്രഷറർ) എന്നിവരെ തെരഞ്ഞെടുത്തു.
by Midhun HP News | Dec 14, 2024 | Latest News, കേരളം
പത്തംതിട്ട: മദ്യപിച്ച് ബഹളം വച്ചതിനെ തുടർന്നു ശബരിമല ഡ്യൂട്ടിക്കെത്തിയ എസ്ഐയെ തിരിച്ചയച്ചു. എംഎസ്പി ക്യാമ്പിലെ എസ്ഐ പത്മകുമാറിനെയാണ് തിരിച്ചയച്ചത്. പത്തനംതിട്ട നിലയ്ക്കലാണ് സംഭവം. പരാതിയെ തുടർന്നു എസ്ഐയെ വൈദ്യ പരിശോധനയ്ക്ക് വിധേയനാക്കി. പരിശോധനയിൽ ഉദ്യോഗസ്ഥൻ മദ്യപിച്ചതായി കണ്ടെത്തി.
ഇന്നലെ രാത്രി 12 മണിയോടെയാണ് സംഭവം. ഉദ്യോഗസ്ഥനെതിരെ വകുപ്പുതല നടപടിയുണ്ടായേക്കും.
മദ്യപിച്ചെത്തിയ ഒരാൾ ബഹളമുണ്ടാക്കുന്നുവെന്ന് ഇന്നലെ രാത്രിയോടെ ഹോട്ടലുകാരാണ് പൊലീസ് ഉദ്യോഗസ്ഥരെ വിളിച്ചറിയിച്ചത്. തുടർന്നു പൊലീസെത്തി എസ്ഐയെ കസ്റ്റഡിയിൽ എടുത്തു. പിന്നാലെയാണ് പിടികൂടിയ ആൾ പൊലീസാണെന്നു മനസിലായത്.
വൈദ്യ പരിശോധനയിൽ മദ്യപിച്ചതായി തെളിഞ്ഞതോടെയാണ് ഇയാളെ രാത്രി തന്നെ ഡ്യൂട്ടിയിൽ നിന്നു ഒഴിവാക്കി മടക്കി അയച്ചത്. സംഭവത്തെക്കുറിച്ച് ഡിജിപിക്ക് റിപ്പോർട്ട് നൽകി.
by Midhun HP News | Dec 14, 2024 | Latest News, കേരളം
തിരുവനന്തപുരം: പ്ലസ് വണ്, പത്താം ക്ലാസ് അര്ധ വാര്ഷിക പരീക്ഷകളുടെ ചോദ്യങ്ങള് ചോര്ന്ന സംഭവത്തില് ഡിജിപിക്കു പരാതി നല്കിയതായി വിദ്യാഭ്യാസ മന്ത്രി വി ശിവന്കുട്ടി. കുറ്റവാളികള്ക്കെതിരെ കര്ശന നടപടിയുണ്ടാകുമെന്ന് വിദ്യാഭ്യാസ മന്ത്രി വാര്ത്താ സമ്മേളനത്തില് അറിയിച്ചു. പ്ലസ്വണ് കണക്ക് പരീക്ഷയുടെയും പത്താം ക്ലാസ് ഇംഗ്ലീഷ് പരീക്ഷയുടെയും ചോദ്യങ്ങളാണ് ചോര്ന്നത്.
യൂട്യൂബ് ചാനലുകളില് ചോദ്യപേപ്പര് വന്നത് അതീവ ഗൗരവമുള്ള വിഷയമാണ്. കുറ്റവാളികളെ കണ്ടെത്തി നിയമത്തിനു മുന്നില് കൊണ്ടുവരും. പരീക്ഷാ നടത്തിപ്പില് സര്ക്കാര് ഒരു വിട്ടുവീഴ്ചയ്ക്കും തയ്യാറല്ല. ചോദ്യചോര്ച്ച പരിശോധിക്കാന് വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരുടെ യോഗം ചേരും. തയ്യാറാക്കുന്നവരും വിതരണം ചെയ്യുന്നവരും അറിയാതെ ചോദ്യപേപ്പര് പുറത്തുപോകില്ലെന്ന് മന്ത്രി പറഞ്ഞു.
ചോദ്യം ചോര്ന്ന പരീക്ഷകള് റദ്ദാക്കുന്ന കാര്യത്തില് പിന്നീട് തീരുമാനമെടുക്കുമെന്ന് മന്ത്രി പറഞ്ഞു.
സ്വകാര്യ ഓണ്ലൈന് ട്യൂഷന് പ്ലാറ്റ്ഫോമിന്റെ യൂട്യൂബ് ചാനലിലാണ് പരീക്ഷയുടെ തലേന്ന് ചോദ്യങ്ങളുടെ മാതൃക പുറത്തുവന്നത്. വ്യാഴാഴ്ചയായിരുന്നു പ്ലസ് വണ് കണക്ക് പരീക്ഷ. പരീക്ഷയ്ക്കുവന്ന 23 മാര്ക്കിന്റെ ചോദ്യങ്ങള് ബുധനാഴ്ച രാത്രി സ്വകാര്യ ഓണ്ലൈന് ട്യൂഷന് പ്ലാറ്റ്ഫോമിലൂടെയാണ് പുറത്തുവന്നത്.
by Midhun HP News | Dec 14, 2024 | Latest News, കായികം
ബ്രിസ്ബെയ്ന്: ഇന്ത്യയും ഓസ്ട്രേലിയയും തമ്മിലുള്ള മൂന്നാം ക്രിക്കറ്റ് ടെസ്റ്റിന്റെ ഒന്നാം ദിനം മഴ കൊണ്ടു പോയി. 13.2 ഓവര് മാത്രമാണ് ഇന്ന് കളി നടന്നത്. മഴ നില്ക്കാത്ത സാഹചര്യത്തില് ആദ്യ ദിനത്തെ കളി ഉപേക്ഷിച്ചു.
ടോസ് നേടി ഇന്ത്യ ബൗളിങ് തിരഞ്ഞെടുക്കുകയായിരുന്നു. 13.2 ഓവറില് ഓസ്ട്രേലിയ വിക്കറ്റ് നഷ്ടമില്ലാതെ 28 റണ്സെന്ന നിലയില് നില്ക്കെയാണ് മഴ തുടങ്ങിയത്. പിന്നീട് കളി തുടരാന് കഴിയാത്ത സാഹചര്യമായിരുന്നു.
19 റണ്സുമായി ഉസ്മാന് ഖവാജയും 4 റണ്സുമായി നതാന് മക്സ്വീനിയുമാണ് ക്രീസില്.
കഴിഞ്ഞ കളികളില് നിന്നു വ്യത്യസ്തമായി ഇന്ത്യ രണ്ട് മാറ്റങ്ങളുമായാണ് ഇറങ്ങിയത്. ഹര്ഷിത് റാണയ്ക്ക് പകരം ആകാശ് ദീപും ആര് അശ്വിന് പകരം രവീന്ദ്ര ജഡേജയും ടീമിലെത്തി.
ഓസീസ് നിരയില് പേസര് ജോഷ് ഹെയ്സല്വുഡ് തിരിച്ചെത്തി. ഹെയ്സല്വുഡിന്റെ പകരക്കാരനായി രണ്ടാം ടെസ്റ്റ് കളിച്ച സ്കോട്ട് ബോളണ്ടിനെ അന്തിമ ഇലവനില് നിന്നു ഒഴിവാക്കി.
Recent Comments