by Midhun HP News | Dec 4, 2024 | Latest News, ജില്ലാ വാർത്ത
തിരുവനന്തപുരം: കേരളത്തിന്റെ ഹെലി ടൂറിസം നയത്തിന് തത്വത്തില് അംഗീകാരം നല്കി മന്ത്രിസഭായോഗം. സംസ്ഥാനത്തിന്റെ വിവിധഭാഗങ്ങളിലുള്ള വിനോദസഞ്ചാര കേന്ദ്രങ്ങളിലേക്ക് കുറഞ്ഞ സമയത്തിനുള്ളില് എത്തിച്ചേരുന്നതിനുള്ള ഹെലികോപ്റ്റര് സര്വ്വീസ് നെറ്റ് വര്ക്ക് സൃഷ്ടിക്കുകയാണ് ലക്ഷ്യം. ഹെലി പോര്ട്ട്സ്, ഹെലി സ്റ്റേഷന്സ്, ഹെലിപാഡ്സ് തുടങ്ങിയവയ്ക്ക് ആവശ്യമായ അടിസ്ഥാന സൗകര്യങ്ങളെക്കുറിച്ചും പോളിസിയില് വ്യക്തത വരുത്തിയിട്ടുണ്ട്. കേരളത്തിന്റെ ഹെലി ടൂറിസം പദ്ധതിക്ക് ഉണര്വ്വേകുവാന് ഹെലിടൂറിസം നയ രൂപീകരണത്തിലൂടെ സാധിക്കും. കൂടുതല് സംരംഭകര് ഹെലിടൂറിസം മേഖലയിലേക്ക് കടന്നുവരുന്നതിന് ഇത് സഹായകരമാകുമെന്നും മന്ത്രിസഭായോഗം വിലയിരുത്തി. മറ്റു മന്ത്രിസഭായോഗ തീരുമാനങ്ങള് ചുവടെ:
ആരോഗ്യ വകുപ്പില് 44 തസ്തികകള്
ആരോഗ്യവകുപ്പിനു കീഴിലുള്ള സ്ഥാപനങ്ങളില് വിവിധ ജില്ലകളിലായി 30 ജൂനിയര് ഹെല്ത്ത് ഇന്സ്പെക്ടര് ഗ്രേഡ് 2 തസ്തികകള് സൃഷ്ടിക്കും. ഡ്രഗ്സ് കണ്ട്രോള് വകുപ്പിനു കീഴിലെ കോന്നി ഡ്രഗ്സ് ടെസ്റ്റിംഗ് ലബോറട്ടറിയില് 14 അധിക തസ്തികകള് സൃഷ്ടിക്കും.
എല്പി സ്കൂള് അസിസ്റ്റന്റ് തസ്തിക
ഏരിയാ ഇന്സെന്റീവ് പ്രോഗ്രാം പ്രകാരം ആരംഭിച്ച വയനാട്, പനമരം, ക്രസന്റ് പബ്ലിക്ക് സ്കൂളില് രണ്ട് എല്പി സ്കൂള് അസിസ്റ്റന്റ് തസ്തികകള് സൃഷ്ടിക്കും. ഷൗക്കത്ത്, ഷാനിജ എന്നിവര്ക്ക് 17.02.2017 മുതല് നിയമന അംഗീകാരം നല്കും.
കാലാവധി ദീര്ഘിപ്പിച്ചു
കേരള നഗര നയ കമ്മീഷന്റെ കാലാവധി 2025 മാര്ച്ച് 31 വരെ ദീര്ഘിപ്പിച്ചു നല്കും.
സ്ഥിരപ്പെടുത്തും
സംസ്ഥാനത്തെ ദാരിദ്ര്യ ലഘൂകരണ വിഭാഗങ്ങളില് ദിവസവേതനാടിസ്ഥാനത്തില് ജോലി ചെയ്യുന്ന 5 കംപ്യൂട്ടര് ഓപ്പറേറ്റര്മാരെ സൂപ്പര് ന്യൂമററി തസ്തിക സൃഷ്ടിച്ച് സ്ഥിരപ്പെടുത്തും. കോടതി നിര്ദേശപ്രകാരമാണിത്.
സ്മാര്ട്ട്സിറ്റി; ശുപാര്ശ അംഗീകരിച്ചു
സ്മാര്ട്ട്സിറ്റി കൊച്ചി പദ്ധതിയുമായി ബന്ധപ്പെട്ട പ്രശ്നങ്ങള് പരിഹരിക്കുന്നതിന് ചീഫ് സെക്രട്ടറി അദ്ധ്യക്ഷയായ സമിതിയുടെ ശുപാര്ശ അംഗീകരിച്ചു. ടീകോമുമായി ചര്ച്ചകള് നടത്തി പരസ്പര ധാരണയോടെ പിന്മാറ്റനയം രൂപകല്പ്പന ചെയ്യും. ടീകോമിനു നല്കേണ്ട നഷ്ടപരിഹാര തുക കണക്കാക്കുന്നതിന് ഇന്റിപെന്ഡന്റ് ഇവാല്യുവേറ്ററെ നിയോഗിക്കും. ഇതുസംബന്ധിച്ച ശുപാര്ശ സര്ക്കാരിന് സമര്പ്പിക്കുന്നതിന് ഐടി മിഷന് ഡയറക്ടര്, ഇന്ഫോപാര്ക്ക് സിഇഒ, ഒകെഐഎച്ച് (ഓവര്സീസ് കേരളൈറ്റ്സ് ഇന്വെസ്റ്റ്മെന്റ് ആന്ഡ് ഹോള്ഡിംഗ് ലിമിറ്റഡ്) എംഡി ഡോ. ബാജൂ ജോര്ജ് എന്നിവരടങ്ങുന്ന കമ്മിറ്റിയെ ചുമതലപ്പെടുത്തും.
by Midhun HP News | Dec 4, 2024 | Latest News, ദേശീയ വാർത്ത
ന്യൂഡല്ഹി: ഡിസംബര് മാസത്തില് രാജ്യത്ത് മൊത്തം 17 ദിവസം ബാങ്കുകള് പ്രവര്ത്തിക്കില്ല. പ്രാദേശിക, ദേശീയ അവധികള് അടക്കമാണിത്. സംസ്ഥാനാടിസ്ഥാനത്തില് ബാങ്കുകളുടെ അവധി ദിനങ്ങളില് വ്യത്യാസമുണ്ടാകും. കേരളത്തില് ഞായറാഴ്ചകള്, രണ്ടാമത്തെ ശനിയാഴ്ചയും നാലാമത്തെ ശനിയാഴ്ചയും ക്രിസ്മസും അടക്കം എട്ടുദിവസം മാത്രമാണ് ബാങ്കിന് അവധിയുള്ളൂ. ഡിസംബര് 1 ഞായറാഴ്ച കടന്നുപോയി.
അവധി സമയത്തും ഓണ്ലൈന് ഇടപാടുകള് നടത്താന് സാധിക്കുമെന്നത് ഇടപാടുകാര്ക്ക് ആശ്വാസമാണ്. റിസര്വ് ബാങ്ക് ഓഫ് ഇന്ത്യ പുറത്തിറക്കുന്ന ഹോളിഡേ കലണ്ടര് അനുസരിച്ചാണ് നവംബര് മാസത്തില് മൊത്തം 17 ബാങ്ക് അവധികള് വരുന്നത്. അവധിയും അവധി ബാധകമാകുന്ന സംസ്ഥാനങ്ങളുടെയും പട്ടിക താഴെ:
ഡിസംബര് 1: ഞായറാഴ്ച
ഡിസംബര് 3: ഗോവയില് അവധി ( Feast of St. Francis Xavier)
ഡിസംബര് 8: ഞായറാഴ്ച
ഡിസംബര് 12: മേഘാലയയില് അവധി ( Pa-Togan Nengminja Sangma)
ഡിസംബര് 14: രണ്ടാം ശനിയാഴ്ച
ഡിസംബര് 15: ഞായറാഴ്ച
ഡിസംബര് 18: മേഘാലയയില് അവധി (Death Anniversary of U SoSo Tham)
ഡിസംബര് 19: ഗോവയില് അവധി ( Goa Liberation Day )
ഡിസംബര് 22: ഞായറാഴ്ച
ഡിസംബര് 24: മേഘാലയ, മിസോറാം, നാഗാലാന്ഡ് എന്നി സംസ്ഥാനങ്ങളില് അവധി ( ക്രിസ്മസ്)
ഡിസംബര് 25: ഇന്ത്യ മുഴുവന് അവധി ( ക്രിസ്മസ്)
ഡിസംബര് 26: മേഘാലയ, മിസോറാം, നാഗാലാന്ഡ് എന്നി സംസ്ഥാനങ്ങളില് അവധി ( ക്രിസ്മസ് ആഘോഷം)
ഡിസംബര് 27: നാഗാലാന്ഡില് അവധി ( ക്രിസ്മസ് ആഘോഷം)
ഡിസംബര് 28: നാലാം ശനിയാഴ്ച
ഡിസംബര് 29: ഞായറാഴ്ച
ഡിസംബര് 30: മേഘാലയയില് അവധി (U Kiang Nangbah )
by Midhun HP News | Dec 4, 2024 | Latest News, കേരളം
കൊട്ടാരക്കര വാളകം മേഴ്സി കോളേജിൽ നഴ്സിംഗ് പ്രവേശനത്തിൽ മെറിറ്റ് അട്ടിമറിക്കാൻ നടത്തിയത് വൻ ഗൂഢാലോചന എന്ന സൂചന. മാനേജ്മെന്റ് അഡ്മിഷൻ നടത്തിയത് തെളിഞ്ഞിട്ടും ആരോഗ്യ വകുപ്പ് നടപടിയെടുത്തില്ല. ട്വന്റിഫോർ വാർത്ത പുറത്ത് വിട്ട ശേഷം ആണ് മെറിറ്റ് അട്ടിമറിച്ചു എന്ന വിവരം അറിഞ്ഞതെന്ന് നേഴ്സിങ് കൗൺസിൽ അംഗം.
സ്വകാര്യ നഴ്സിംഗ് മാനേജ്മെൻ്റായ മേഴ്സി കൊളേജിൽ 30 ബിഎസ്സി നഴ്സിംഗ് സീറ്റ് അനുവദിക്കാൻ നടത്തിയത് നീക്കം ദുരൂഹമാണ്. നവംബർ 30 ന് നഴ്സിങ് അഡ്മിഷൻ അവസാനിക്കാൻ ഇരിക്കെ 27 ന് രാത്രിയാണ് നഴ്സിംഗ് കൗൺസിൽ സീറ്റ് അനുവദിച്ചത്. ഇതിൽ 15 സീറ്റിൽ അഡ്മിഷൻ നടത്തേണ്ടത് മെരിറ്റിൽ നിന്നാണ്. ഇതിനായി സർക്കാർ എൽബിഎസിന് നിർദ്ദേശം നൽകണം. നഴ്സിങ് അഡ്മിഷൻ അവസാനിച്ച 30 ന് ശേഷവും എൽബിഎസിന് അറിയിപ്പ് ലഭിച്ചില്ല.
മാനേജ്മെൻറ് മുഴുവൻ സീറ്റിലും സ്വന്തം നിലയിൽ അഡ്മിഷൻ നടത്താൻ അധികൃതർ സൗകര്യമൊരുക്കി നൽകി. വിവരം 24 പുറത്ത് വിട്ടിട്ടും ആരോഗ്യ വകുപ്പ് മൗനം തുടരുകയാണ്. ഇപ്പോഴാണ് വിഷയം അറിഞ്ഞതെന്ന് നെഴ്സിംഗ് കൗൺസിൽ അംഗം ഉഷ പറയുന്നു. അന്വേഷണം ആവശ്യപ്പെട്ട് കെഎസ്യുയും മുസ്ലീം ലീഗും രംഗത്തെത്തി. കൂടാതെ വടശ്ശേരിക്കര ശ്രീ അയ്യപ്പ കൊളേജിൽ മുഴുവൻ സീറ്റിലും മെരിറ്റിൽ അഡ്മിഷൻ നടത്താനായിരുന്നു സർക്കാർ നിർദേശം. എന്നാൽ ഫീസ് റെഗുലേറ്ററി കമ്മിറ്റി ഈ നിർദ്ദേദേശം അട്ടിമറിച്ച് 22 സീറ്റ് മാനേജ്മെന്റിന് നൽകിയിരുന്നു. യുഡിഎഫ് യോഗം ചേർന്ന് അന്വേഷണം ആവശ്യപ്പെടുമെന്ന് എം കെ മുനീർ പറഞ്ഞു.
by Midhun HP News | Dec 4, 2024 | Latest News, കേരളം
തൃശ്ശൂർ: പാസ്പോർട്ടിന് അപേക്ഷിച്ചവരെ ലക്ഷ്യമിട്ട് നടക്കുന്ന പുതിയ തട്ടിപ്പിനെതിരെ ജാഗ്രതാ നിർദേശവുമായി പൊലീസ്. പലതരം വാഗ്ദാനങ്ങളുമായി നിങ്ങളെ തേടിയെത്തുന്ന മെസേജുകളും അവയിലെ ലിങ്കുകളും സൂക്ഷിക്കണമെന്ന് തൃശ്ശൂർ സിറ്റി പൊലീസ് സാമൂഹിക മാധ്യമങ്ങളിലൂടെ പ്രസിദ്ധീകരിച്ച അറിയിപ്പിൽ മുന്നറിയിപ്പ് നൽകുന്നു. സേവനങ്ങൾക്കായി ഔദ്യോഗിക സംവിധാനങ്ങളെ മാത്രം ആശ്രയിക്കുന്നതാണ് എപ്പോഴും സുരക്ഷിതം.
ഈ ലിങ്കിൽ ക്ലിക്ക് ചെയാൽ പാസ്പോർട്ട് പെട്ടെന്നും തന്നെ വീട്ടിലെത്തും എന്നതു പോലുള്ള വാഗ്ദാനങ്ങളുമായാണ് ഇത്തരം തട്ടിപ്പ് സന്ദേശങ്ങൾ എത്തുന്നത്. എന്നാൽ ഇത്തരം സന്ദേശങ്ങളെ പൂർണമായും അവഗണിക്കണം. പാസ്പോർട്ടുമായി ബന്ധപെട്ട ഏത് പ്രവർത്തനത്തിനും പാസ്പോർട്ട് ഓഫീസുമായി ബന്ധപെടുകയാണ് വേണ്ടതെന്ന് പൊലീസ് പുറത്തിറക്കിയ അറിയിപ്പിൽ പറയുന്നു. അല്ലെങ്കിൽ ഔദ്യോഗിക പാസ്പോർട്ട് സേവാ വെബ്സൈറ്റോ ഔദ്യോഗിക മൊബൈൽ ആപ്ലിക്കേഷനോ ഉപയോഗിക്കുാം.
by Midhun HP News | Dec 4, 2024 | Latest News, ജില്ലാ വാർത്ത
കൊച്ചി: ശബരിമല സന്നിധാനത്തും പമ്പയിലും സമരങ്ങള് വിലക്കി ഹൈക്കോടതി. ഡോളി തൊഴിലാളി സമരം പോലെയുള്ളത് ആവര്ത്തിക്കരുതെന്ന് ഹൈക്കോടതി നിര്ദേശിച്ചു. സമരങ്ങള് ഭക്തരുടെ ആരാധനാവകാശത്തെ ബാധിക്കുമെന്നും ദേവസ്വം ബെഞ്ച് വ്യക്തമാക്കി. ജസ്റ്റിസുമാരായ അനില് കെ നരേന്ദ്രന്, എസ് മുരളീകൃഷ്ണ എന്നിവരടങ്ങുന്ന ബെഞ്ചിന്റേതാണ് നിര്ദേശം.
ഡോളി ജീവനക്കാര്ക്ക് എന്തെങ്കിലും പരാതിയുണ്ടെങ്കില് അത് മണ്ഡലകാലം തുടങ്ങുന്നതിന് മുമ്പ് ബന്ധപ്പെട്ടവരെ അറിയിക്കുകയാണ് വേണ്ടതെന്ന് കോടതി ചൂണ്ടികാട്ടി. ശബരിമലയില് പ്രീപെയ്ഡ് ഡോളി സര്വ്വീസ് തുടങ്ങിയതില് പ്രതിഷേധിച്ച് തൊഴിലാളികള് 11 മണിക്കൂര് പണി മുടക്കിയിരുന്നു. തുടര്ന്ന്, ശബരിമല എഡിഎമ്മുമായി നടത്തിയ ചര്ച്ചയിലാണ് സമരം പിന്വലിച്ചത്.
ഡോളി സര്വ്വീസിന് തുക നിശ്ചയിച്ചിട്ടുണ്ട്. പലരും ദിവസങ്ങളും ആഴ്ച്ചകളും എടുത്താണ് ശബരിമലയില് വരുന്നത്. ചിലര് കടംവാങ്ങിയും മറ്റും വരുന്നുണ്ട്. പ്രായമായവരും നടക്കാന് പ്രയാസമുള്ളവരും രോഗികളും വരുമ്പോള് ഡോളി സര്വ്വീസ് കിട്ടിയില്ലെങ്കില് എന്തുചെയ്യുമെന്ന് കോടതി ചോദിച്ചു. തീര്ത്ഥാടകരെ കൊണ്ടുപോകില്ലെന്ന് പറയുന്നതോ ഇറക്കി വിടുന്നതോ അനുവദിക്കാന് സാധിക്കില്ല. തീര്ത്ഥാടകര്ക്ക് എന്തെങ്കിലും സംഭവിച്ചാല് ആര് ഉത്തരവാദിത്തം ഏറ്റെടുക്കുമെന്നും കോടതി ചോദിച്ചു. ശബരിമലയുമായി ബന്ധപ്പെട്ട ഒരുകൂട്ടം ഹര്ജികള് പരിഗണിക്കവെയാണ് ഹൈക്കോടതിയുടെ നടപടി.
by Midhun HP News | Dec 4, 2024 | Latest News, കേരളം
തിരുവനന്തപുരം: ഈ വര്ഷത്തെ പൂജ ബമ്പര് ഒന്നാം സമ്മാനമായ 12 കോടി jc 325526 എന്ന നമ്പറിന്. ഒരു കോടി രൂപ വീതം അഞ്ച് പേര്ക്കാണ് രണ്ടാം സമ്മാനം. 10 ലക്ഷം രൂപ മൂന്നാം സമ്മാനവും മൂന്ന് ലക്ഷവും രണ്ട് ലക്ഷവും വീതം നാലും അഞ്ചും സമ്മാനങ്ങളുമാണ് പൂജ ബമ്പറിലൂടെ ഭാഗ്യാന്വേഷകര്ക്ക് ലഭിക്കുക.
JA, JB, JC, JD, JE എന്നിങ്ങനെ അഞ്ചു സീരീസുകളിലായാണ് പൂജ ബമ്പര് ടിക്കറ്റകള് വിപണിയിലെത്തിച്ചത്. ഈ വര്ഷത്തെ പൂജ ബമ്പര് ലോട്ടറിയില് 37 ലക്ഷത്തിലധികം ടിക്കറ്റുകളാണ് ഭാഗ്യക്കുറി വകുപ്പ് വിറ്റഴിച്ചത്. ഏറ്റവും കൂടുതല് ടിക്കറ്റുകള് വിറ്റുപോയത് പാലക്കാട് ജില്ലയിലാണ്. ഈ വര്ഷത്തെ ഏറ്റവും അവസാനത്തെ ബമ്പര് ലോട്ടറിയാണ് പൂജ ബമ്പര്. പൂജ ബമ്പര് ടിക്കറ്റ് വില 300 രൂപയാണ്.
Recent Comments