കോരാണി സനൽ (65) അന്തരിച്ചു
ആറ്റിങ്ങൽ: കോരാണി കടയിൽ വീട്ടിൽ സനിൽകുമാർ (കോരാണി സനിൽ) (65)അന്തരിച്ചു. ആറ്റിങ്ങൽ ചുടുകാട് ഗ്രീൻ വില്ല എന്ന വീട്ടിൽ വാടകയ്ക്ക് താമസിച്ചു വരുകയായിരുന്നു. ആറ്റിങ്ങൽ കെ എച്ച് ആർ എ സെക്രട്ടറിയായിരുന്നു.
3 പേര്‍ സ്‌കൂട്ടറില്‍ പോയതുകൊണ്ട് ഇടിക്കാമോ ? പ്രതികളുടെ ജാമ്യാപേക്ഷയില്‍ വിധി ഇന്ന്
കൊച്ചി: നെടുമ്പാശേരിയില്‍ ആഡംബരകാര്‍ സ്‌കൂട്ടറിനു പിന്നിലിടിച്ച് മൂന്ന് പേര്‍ കൊല്ലപ്പെട്ട കേസില്‍ പ്രതികളുടെ ജാമ്യാപേക്ഷയില്‍ കോടതി ഇന്ന് (ശനിയാഴ്ച്ച) വിധി പറയും. കേസില്‍ ഒന്നാം പ്രതി സുഹൈല്‍ സജീവ് മദ്യപിച്ചെന്ന് അറിഞ്ഞിട്ടും വാഹനമോടിക്കാന്‍ പ്രേരിപ്പിച്ച കുറ്റത്തിന് അറസ്റ്റിലായ 2,3,4 പ്രതികളായ നിനവ്, ജോയല്‍, അമീര്‍ എന്നിവരുടെ ജാമ്യാപേക്ഷയാണ് അങ്കമാലി മജിസ്‌ട്രേറ്റ് കോടതി പരിഗണിച്ചത്. ഇതില്‍ ഇന്ന് കോടതി വിധി പറയും.
23 വയസ്സില്‍ താഴെയുള്ള പ്രതികള്‍ക്ക് മദ്യം വിളമ്പിയതിന് ബാറുകളുടെ ലൈസന്‍സ് റദ്ദാക്കാതിരിക്കാതിരിക്കാന്‍ 7 ദിവസത്തിനകം തീരുമാനമെടുക്കാന്‍ എക്‌സൈസ് കമ്മീഷണര്‍ക്ക് ഹൈക്കോടതി നിര്‍ദേശവും നല്‍കി.
മൂന്നു പേര്‍ സ്‌കൂട്ടറില്‍ സഞ്ചരിക്കുകയായിരുന്നു അതുകൊണ്ടാണ് ഇടിച്ചത് എന്നായിരുന്നു ജാമ്യാപേക്ഷ പരിഗണിക്കവേ പ്രതിഭാഗത്തിന്റെ വാദം. എന്നാല്‍ അതുകൊണ്ട് ഇടിക്കാമോ എന്ന് കോടതി ചോദിച്ചു. അവര്‍ സഞ്ചരിച്ചത് നിയമലംഘനമാണെന്ന് പ്രതിഭാഗം വാദിച്ചപ്പോള്‍ അവര്‍ മരിച്ചു പോയില്ലേ ഇനി ഇനി നടപടി എടുക്കാന്‍ കഴിയില്ലെന്ന് കോടതി മറുപടി പറഞ്ഞു. ഇതൊരു സാധാരണ അപകടം മാത്രമാണെന്നാണ് പ്രതിഭാഗത്തിന്റെ വാദം.
എന്നാല്‍ തങ്ങള്‍ക്കെതിരെ വലിയ ഗൂഢാലോചന നടക്കുന്നുണ്ടെന്നും മാധ്യമങ്ങളിലൂടെയും സാമൂഹിക മാധ്യമങ്ങളിലൂടെയും വ്യക്തിഹത്യ നടത്തുകയാണെന്നും ഇതിന്റെ ഭാഗമായാണ് കുറ്റകരമായ നരഹത്യ ഉള്‍പ്പടെയുള്ള വകുപ്പുകള്‍ ചുമത്തിയതെന്നും ഇത് നിലനില്‍ക്കില്ലെന്നും പ്രതിഭാഗം വാദിച്ചു. എന്നാല്‍ ഗുരുതരമായ പ്രാഥമിക തെളിവുകള്‍ പ്രതികള്‍ക്ക് എതിരാണെന്ന് പ്രോസിക്യൂഷന്‍ കോടയില്‍ സമര്‍ത്ഥിച്ചു. പ്രതിയും കൂടെയുള്ളവരും മദ്യപിച്ചതിന് തെളിവുണ്ട്.
അനുവദനീമായതിലും 5.3 ഇരട്ടി മദ്യം ഒന്നാം പ്രതിയായ സുഹൈല്‍ കഴിച്ചിരുന്നു എന്നാണ് പരിശോധനഫലമെന്നും പ്രോസിക്യൂഷന്‍ കോടതിയില്‍ വ്യക്തമാക്കി. അന്വേഷണത്തിന്റെ ഈ സുപ്രധാനഘട്ടത്തില്‍ പ്രതികള്‍ക്ക് ജാമ്യം നല്‍കരുതെന്ന് പ്രോസിക്യൂഷനും മരണമടഞ്ഞവര്‍ക്കുവേണ്ടി ഹാജരായ അഭിഭാഷകരും വാദിച്ചു. തുടര്‍ന്ന് കേസ് വിധി പറയാനായി മാറ്റുകയായിരുന്നു.
മഹാനവമി, വിജയദശമി ദിവസങ്ങളില്‍ തുലാമാസപൂജ; ശബരിമല നട ഇന്ന് തുറക്കും; മുഖ്യമന്ത്രി ദര്‍ശനത്തിനെത്തും
ശബരിമല: തുലാമാസപൂജയ്ക്ക് ശബരിമല അയ്യപ്പ ക്ഷേത്രനട ഇന്ന് തുറക്കും. മുഖ്യമന്ത്രി വിഡി സതീശന്‍, മന്ത്രി കെ മുരളീധരന്‍ എന്നിവര്‍ ശബരിമല ദര്‍ശനത്തിനെത്തും. രാവിലെ 11നു പമ്പയിലെ അവലോകന യോഗത്തിനു ശേഷമാണു ഇരുവരും ശബരിമല ദര്‍ശനം നടത്തുക. രാത്രിയില്‍ സന്നിധാനത്തു തങ്ങിയ ശേഷം നാളെയാകും മലയിറങ്ങുക.
നാളെ വൈകിട്ട് 5നു തന്ത്രി കണ്ഠര് ബ്രഹ്മദത്തന്റെ സാന്നിധ്യത്തില്‍ മേല്‍ശാന്തി ഇ.ഡി.പ്രസാദ് നമ്പൂതിരി നട തുറക്കും. പതിറ്റാണ്ടുകള്‍ക്കു ശേഷമാണു മഹാനവമി, വിജയദശമി ദിവസങ്ങളില്‍ തുലാമാസപൂജ നടക്കുന്നതെന്ന പ്രത്യേകതയും ഇത്തവണയുണ്ട്. 22 വരെ പൂജകള്‍ ഉണ്ടാകും.
നാളെ രാവിലെ 7.30ന് സോപാനത്ത് ശബരിമല മേല്‍ശാന്തിയെയും മാളികപ്പുറം ക്ഷേത്രത്തില്‍ മാളികപ്പുറം മേല്‍ശാന്തിയെയും നറുക്കെടുപ്പിലൂടെ തെരഞ്ഞെടുക്കും. തുലാമാസ പൂജകള്‍ പൂര്‍ത്തിയാക്കി 22ന് രാത്രി പത്തിന് നടയടയ്ക്കും.
ചൊവ്വാഴ്ച വരെ ശക്തമായ മഴ; ഇന്ന് ആറ് ജില്ലകളില്‍ യെല്ലോ അലര്‍ട്ട്
തിരുവനന്തപുരം: കേരളത്തില്‍ അടുത്ത നാലുദിവസം മഴ കനക്കുമെന്ന് കേന്ദ്ര കാലാവസ്ഥാവകുപ്പ്. ലക്ഷദ്വീപിന്റെ വടക്കന്‍ ഭാഗങ്ങള്‍ക്കും സമീപ പ്രദേശങ്ങള്‍ക്കും മുകളിലായി ചക്രവാതച്ചുഴി തുടരുന്നു.തമിഴ്‌നാടിനും തെക്കന്‍ തീരദേശ ആന്ധ്രാപ്രദേശിനും സമീപ പ്രദേശങ്ങള്‍ക്കും മുകളിലായി ചക്രവാതച്ചുഴി സ്ഥിതി ചെയ്യുന്നുണ്ട്.
കേരളത്തില്‍ ഇന്ന് മുതല്‍ 20 വരെയുള്ള ദിവസങ്ങളില്‍ നേരിയതോ മിതമായതോ ആയ മഴയ്ക്ക് സാധ്യത. ഈ ദിവസങ്ങളില്‍ ഒറ്റപ്പെട്ട സ്ഥലങ്ങളില്‍ ശക്തമായ മഴയ്ക്കാണ് സാധ്യത കല്‍പ്പിക്കുന്നത്. ഇന്ന് മുതല്‍ 18, 19, 20 തീയതികളില്‍ ഒറ്റപ്പെട്ട സ്ഥലങ്ങളില്‍ ഇടിമിന്നലോടുകൂടിയ മഴയ്ക്കും മണിക്കൂറില്‍ 30-40 കി.മീ. വരെ വേഗതയില്‍ ശക്തമായ കാറ്റിനും സാധ്യത.
കേന്ദ്ര കാലാവസ്ഥ വകുപ്പിന്റെ അടുത്ത നാല് ദിവസത്തേക്കുള്ള പുതുക്കിയ മഴ സാധ്യത പ്രവചനം
വിവിധ ജില്ലകളില്‍ കേന്ദ്ര കാലാവസ്ഥ വകുപ്പ് മഞ്ഞ അലര്‍ട്ട് പ്രഖ്യാപിച്ചിരിക്കുന്നു.
17/10/2026 : കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം
18/10/2026 : മലപ്പുറം, കോഴിക്കോട്, വയനാട്
19/10/2026 : പത്തനംതിട്ട, ഇടുക്കി, കണ്ണൂര്‍, കാസര്‍കോട്
20/10/2026 : പത്തനംതിട്ട, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം
സ്വകാര്യ ബസ് പണിമുടക്ക്
തിരുവനന്തപുരം: നവംബർ 3 മുതൽ സംസ്ഥാന വ്യാപകമായി സ്വകാര്യ ബസ്സ് സർവ്വീസ് നിർത്തിവച്ച് ബസ്സുടമകൾ പണിമുടക്കുന്നു. വനിതകൾക്ക് സൗജന്യ യാത്ര നൽകുന്ന കെ.എസ്.ആർ.ടി.സി പ്രിയദർശിനി സർവ്വീസ് തങ്ങൾക്ക് വൻ സാമ്പത്തിക നഷ്ടം ഉണ്ടാക്കുന്നു എന്നു തുടങ്ങി നിരവധി ആവശ്യങ്ങൾ ഉന്നയിച്ചു കൊണ്ടാണ് അനിശ്ചിതകാലത്തേയ്ക്കാണ് സമര പ്രഖ്യാപനം.
അഴൂർ ഗവണ്മെന്റ് ഹൈസ്കൂളിലെ പൂർവ്വവിദ്യാർത്ഥികൾ സിസിടിവിയ്കായി തുക നൽകി
അഴൂർ ഗവണ്മെന്റ് ഹൈസ്കൂളിലെ പൂർവ്വവിദ്യാർത്ഥികൾ 1983 ബാച്ച് ഹയർ സെക്കന്ററി സ്കൂളിൽ സിസിടിവി വെക്കുന്ന ഫണ്ടിലേക്ക് 10000/- രൂപ സ്കൂൾ പ്രിൻസിപ്പൽ ഷീലയ്ക്കു ഗ്രുപ്പ് അഡ്മിൻ ഷാനവാസ്‌ കൈമാറി. ചടങ്ങിൽ പിടിഎ പ്രസിഡന്റ്അനി, രാജശേഖരൻ, സാബു, സുദർശനൻ, ലീലാകുമാരി എന്നിവർ പങ്കെടുത്തു.
Recent Comments