പത്തനംതിട്ട: പത്തനംതിട്ട തൂമ്പാക്കുളത്ത് സ്കൂൾ കുട്ടികളുമായി പോയ ഓട്ടോറിക്ഷ മറിഞ്ഞുണ്ടായ അപകടത്തിൽ ഒരു വിദ്യാർത്ഥി മരിച്ചു. കരുമാൻതോട് ശ്രീനാരായണ സ്കൂൾ വിദ്യാർത്ഥിയായ എട്ട് വയസുകാരി ആദിലക്ഷ്മിയാണ് മരിച്ചത്. അപകടത്തിൽ ഡ്രൈവർക്ക് ഗുരുതരപരിക്കേറ്റു. പാമ്പിനെ കണ്ട് വെട്ടിച്ചതിനെ തുടർന്ന് ഓട്ടോറിക്ഷ തോട്ടിലേക്ക് മറിയുകയായിരുന്നു.
ഡല്ഹി: ബാങ്ക് അക്കൗണ്ട് ഇല്ലാത്തവര്ക്കും ഇനി യുപിഐ ഇടപാട് നടത്താം. ഇതിന്റെ ഭാഗമായി നാഷണല് പേയ്മെന്റ് കോര്പ്പറേഷന് ഓഫ് ഇന്ത്യയുടെ (എന്പിസിഐ) പൂര്ണ ഉടമസ്ഥതയിലുള്ള ഉപസ്ഥാപനമായ എന്പിസിഐ ഭീം സര്വീസസ് ലിമിറ്റഡ് ഭീം പേയ്മെന്റ് ആപ്പില് യുപിഐ സര്ക്കിള് ഫുള് ഡെലിഗേഷന് അവതരിപ്പിച്ചു. ഈ പുതിയ ഫീച്ചര് അനുസരിച്ച് മുന്കൂട്ടി നിശ്ചയിച്ച പ്രതിമാസ ചെലവ് പരിധിക്കുള്ളില് അവരുടെ അക്കൗണ്ടില് നിന്ന് യുപിഐ പേയ്മെന്റുകള് നടത്താന് മറ്റുള്ളവരെ അധികാരപ്പെടുത്താന് സാധിക്കും.
യുപിഐ ഇടപാട് നടത്താന് പരിചയക്കുറവുള്ള മുതിര്ന്നവര്ക്ക് ബന്ധുക്കളെയോ സുഹൃത്തുക്കളെയോ ഇതിനായി ചുമതലപ്പെടുത്താന് കഴിയുന്ന തരത്തിലാണ് ഫീച്ചര്. കുട്ടികളുടെ ദൈനംദിന ആവശ്യങ്ങള്ക്കും വിദ്യാഭ്യാസ ചെലവുകള്ക്കുമായി ചെറിയ തുക നല്കാന് മാതാപിതാക്കള്ക്ക് ഈ സംവിധാനം ഉപയോഗിക്കാന് സാധിക്കും.ഇടപാട് പരിധി പ്രതിമാസം 15,000 രൂപയാണ്. അഞ്ച് വര്ഷംവരെ കാലാവധിയും നിശ്ചയിക്കാം. പ്രതിമാസ പരിധി നിശ്ചയിച്ചിട്ടുള്ളതിനാല് സാമ്പത്തിക സുരക്ഷ ഉറപ്പാക്കാനും കഴിയുന്നു.
മുതിര്ന്ന പൗരന്മാര്, ചെറുകിട വ്യാപരമേഖലയിലുള്ളവര്, ഡിജിറ്റല് ഇടപാടുകളില് പരിചയക്കുറവുള്ളവര് എന്നിവരെ ശാക്തീകരിക്കുകയാണ് ലക്ഷ്യം. യുപിഐ സര്ക്കിള് ഫുള് ഡെലിഗേഷന് ഉപയോഗിച്ച്, ഒരു ഉപയോക്താവിന് അവരുടെ അക്കൗണ്ടില് നിന്ന് നേരിട്ട് യുപിഐ ഇടപാടുകള് നടത്താന് മറ്റൊരാളെ അധികാരപ്പെടുത്താന് കഴിയും. സാമ്പത്തിക സുരക്ഷയുടെ ഭാഗമായാണ് പ്രതിമാസ പരിധി 15,000 രൂപയായി നിശ്ചയിച്ചിരിക്കുന്നത്. ഇതിന് മുകളില് ഇടപാട് നടത്താന് രണ്ടാമത്തെയാള്ക്ക് സാധിക്കില്ല.
ഇത് വലിയ തുക നഷ്ടപ്പെടുന്ന സാഹചര്യം ഒഴിവാക്കുന്നു. എല്ലാ ഇടപാടുകളുടെയും വ്യക്തമായ മേല്നോട്ടം നിലനിര്ത്തിക്കൊണ്ട് കുടുംബങ്ങള്, ആശ്രിതര് അല്ലെങ്കില് ജീവനക്കാര്ക്കിടയില് സുഗമമായ ദൈനംദിന ഡിജിറ്റല് പേയ്മെന്റുകള് ഇത് പ്രാപ്തമാക്കുന്നു. പൂര്ണ്ണ ഡെലിഗേഷനോടുകൂടിയ യുപിഐ സര്ക്കിള് വഴി രണ്ടാമത്തെയാള്ക്ക് സ്വന്തം ബാങ്ക്-ലിങ്ക്ഡ് യുപിഐ ഐഡിയോ ബാങ്ക് അക്കൗണ്ടോ ആവശ്യമില്ലാതെ തന്നെ ഡിജിറ്റല് പേയ്മെന്റുകള് നടത്താന് സാധിക്കും.
ഹയർ സെക്കൻഡറി, നോൺ–വൊക്കേഷണൽ അധ്യാപക നിയമനത്തിനായുള്ള സംസ്ഥാനതല യോഗ്യതാ നിർണയ പരീക്ഷയായ സെറ്റ് (State Eligibility Test – SET) ന് അപേക്ഷ സമർപ്പിക്കുന്നതിനുള്ള അവസാന തീയതി നീട്ടി. ഡിസംബർ 10 വൈകിട്ട് 5 മണി വരെ അപേക്ഷകൾ ഓൺലൈൻ ആയി സമർപ്പിക്കാം. നവംബർ 28 വരെയായിരുന്ന സമയ പരിധിയാണ് നീട്ടി നൽകിയത്.
ഓൺലൈൻ രജിസ്ട്രേഷൻ പൂർത്തിയാക്കിയ ശേഷം അപേക്ഷയിലെ വിവരങ്ങളിൽ ഏതെങ്കിലും തിരുത്തൽ ആവശ്യമുണ്ടെങ്കിൽ ഉദ്യോഗാർത്ഥികൾക്ക് ഡിസംബർ 11, 12, 13 തീയതികളിൽ വിവരങ്ങൾ പരിഷ്കരിക്കാനുള്ള സൗകര്യമുണ്ട്. വ്യക്തിഗത വിവരങ്ങൾ, വിദ്യാഭ്യാസ വിവരങ്ങൾ, ഫോട്ടോ, ഒപ്പ് അപ്ലോഡുകൾ എന്നിവയിൽ ഇപ്രകാരം മാറ്റങ്ങൾ വരുത്താം.
നോൺ ക്രീമിലെയർ വിഭാഗത്തിൽപ്പെടുന്ന ഉദ്യോഗാർത്ഥികൾ നോൺക്രീമിലെയർ സർട്ടിഫിക്കറ്റിന്റെ അസൽ ( 2024 ഒക്ടോബർ 30നും 2025 ഡിസംബർ 13നും ഇടയിൽ ലഭിച്ചതായിരിക്കണം) സെറ്റ് പരീക്ഷ പാസാകുന്ന പക്ഷം ഹാജരാക്കണം. ഈ യോഗ്യതാ പരീക്ഷ അടുത്ത അധ്യാപക നിയമനങ്ങളിൽ നിർണായകമായതിനാൽ ഉദ്യോഗാർത്ഥികൾ ആവശ്യമായ എല്ലാ രേഖകളും നിശ്ചിത സമയത്തിനകം തയ്യാറാക്കണമെന്ന് അധികൃതർ അറിയിച്ചു.
വയനാട്: കണിയാമ്പറ്റയിൽ വൃദ്ധദമ്പതികളുടെ കൈ തല്ലിയൊടിച്ച് അയൽവാസി. കോഴി കൃഷിയിടത്തിൽ കയറിയെന്ന് ആരോപിച്ചാണ് ദമ്പതികൾക്ക് നേരെ ആക്രമണം നടത്തിയത്. കണിയാമ്പറ്റ സ്വദേശികളായ ലാൻസി തോമസ്, അമ്മിണി എന്നിവർക്കാണ് പരിക്കേറ്റിരിക്കുന്നത്. ലാൻസിയുടെ ഇരുകൈകളും അമ്മിണിയുടെ വലത് കൈയും ഒടിഞ്ഞു. ഇരുമ്പ് വടികൊണ്ട് ആക്രമിച്ചതിന് അയൽക്കാരൻ തോമസ് വൈദ്യർക്കെതിരെ പൊലീസ് കേസ് എടുത്തു.
ഇരുമ്പ് വടിയുമായി വീട്ടിലേക്ക് അതിക്രമിച്ചു കയറി ഇരുവര്ക്കും നേരെ ആക്രമണം നടത്തുകയായിരുന്നു. ആദ്യം ലാൻസിയെ ആണ് ആക്രമിച്ചത്. അടി കൈകൊണ്ട് തടഞ്ഞപ്പോഴാണ് കൈയൊടിഞ്ഞത്. അമ്മിണിയെ ആക്രമിക്കുന്നത് തടഞ്ഞപ്പോള് ലാൻസിയുടെ രണ്ടാമത്തെ കയ്യും ഒടിഞ്ഞു. അമ്മിണിയുടെ തലയ്ക്കും കൈയ്ക്കും കാലിനും പരിക്കറ്റിട്ടുണ്ട്.
പൊലീസ് സംഭവത്തിൽ കേസെടുത്തിട്ടുണ്ട്. തോമസ് വൈദ്യനെ കണ്ടെത്താൻ കഴിഞ്ഞിട്ടില്ലെന്നാണ് പൊലീസ് വ്യക്തമാക്കുന്നത്. ഇയാള്ക്ക് മറ്റെന്തെങ്കിലും ക്രിമിനൽ പശ്ചാത്തലമുണ്ടോ എന്നും പരിശോധിക്കുന്നുണ്ട്. പരിക്കേറ്റ അമ്മിണിയെയും ലാൻസിയെയും മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
ഗുവാഹത്തി: ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയിലെ സമ്പൂര്ണ തോല്വിക്ക് പിന്നാലെ പ്രതികരിച്ച് ഇന്ത്യന് പരിശീലകന് ഗൗതം ഗംഭീര്. താന് ഇന്ത്യന് ടീമിന്റെ പരിശീലക സ്ഥാനത്ത് തുടരാന് അര്ഹനാണോ അല്ലയോ എന്ന് തീരുമാനിക്കേണ്ടത് ബിസിസിഐ ആണെന്നു ഗംഭീര് വാര്ത്താ സമ്മേളനത്തില് പറഞ്ഞു. തന്റെ പരിശീലക കാലയളവില് ടീം നേടിയ വിജയം ചൂണ്ടിക്കാട്ടിയ ഗംഭീര് ഇനി ഭാവി തീരുമാനിക്കേണ്ടത് ബിസിസിഐയാണെന്നും ഗൗതം ഗംഭീര് പറഞ്ഞു.
‘എന്റെ ഭാവി തീരുമാനിക്കേണ്ടത് ബിസിസിഐയാണ്. പക്ഷേ ഇംഗ്ലണ്ടില് നിങ്ങള്ക്ക് മികച്ച ഫലം നല്കിയതും ചാംപ്യന്സ് ട്രോഫി ജയിച്ചപ്പോള് പരിശീലകനായിരുന്നതും ഞാന് തന്നെയാണ്,’ ചാംപ്യന്സ് ട്രോഫിയില് ഇന്ത്യയുടെ കിരീട നേട്ടത്തെയും ഈ വര്ഷം ആദ്യം ഇംഗ്ലണ്ടിനെതിരെ അവരുടെ സ്വന്തം മൈതാനത്ത് നേടിയ 2-2 സമനിലയും ചൂണ്ടിക്കാട്ടി ഗംഭീര് പത്രസമ്മേളനത്തില് പറഞ്ഞു.
‘കുറ്റം എല്ലാവരിലും ഉണ്ട്, അത് എന്നില് നിന്നാണ് ആരംഭിക്കുന്നത്,’ തോല്വിക്ക് ശേഷമുള്ള ആദ്യ പ്രതികരണത്തില് അദ്ദേഹം സമ്മതിച്ചു. നമ്മള് നന്നായി കളിക്കേണ്ടതുണ്ട്. 95/1 എന്ന നിലയില് നിന്ന് 122/7 വരെ എത്തിയത് ഒട്ടും അംഗീകരിക്കാന് കഴിയാത്തതാണ്. ഒരു വ്യക്തിയെയോ, ഏതെങ്കിലും പ്രത്യേക ഷോട്ടിനെയോ കുറ്റപ്പെടുത്തുന്നതില് കാര്യമില്ല. വീഴചകള് എല്ലാവര്ക്കും സംഭവിച്ചിട്ടുണ്ട്.’ ഗംഭീര് പറഞ്ഞു.
ഗംഭീറിന് കീഴില്, ഇന്ത്യ 18 ടെസ്റ്റുകള് കളിച്ചപ്പോള് 10 എണ്ണത്തിലും തോറ്റു, കഴിഞ്ഞ വര്ഷം ന്യൂസിലന്ഡിനെതിരെയും ഇപ്പോള് ഇന്ത്യയില് രണ്ട് മത്സരങ്ങളിലും തോറ്റു. ഗുവാഹത്തിയില് ഇന്നത്തെ തോല്വി. റണ്സിന്റെ അടിസ്ഥാനനത്തിലുള്ള ഇന്ത്യയുടെ ഏറ്റവും വലിയ തോല്വിയാണ്.
‘ടെസ്റ്റ് ക്രിക്കറ്റ് കളിക്കാന് ഏറ്റവും മികച്ചതും കഴിവുള്ളതുമായ കളിക്കാരുടെ ആവശ്യമില്ല. നമുക്ക് വേണ്ടത് പരിമിതമായ കഴിവുകളുള്ള എന്നാല് നന്നായി കളിക്കുന്ന ടെസ്റ്റ് താരങ്ങളെയാണ് ആവശ്യം’ ഗംഭീര് പറഞ്ഞു. ടീമില് ഇടയ്ക്കിടെയുള്ള മാറ്റങ്ങള്ക്കും പരമ്പരാഗത ഫോര്മാറ്റിലെ സ്പെഷ്യലിസ്റ്റുകളേക്കാള് ഓള്റൗണ്ടര്മാരില് കൂടുതല് ശ്രദ്ധ കേന്ദ്രീകരിക്കാനുള്ള ഗംഭീര് തീരുമാനം ഏറെ വിമര്ശനങ്ങള്ക്കിയാക്കിയിരുന്നു.
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ ധനലക്ഷ്മി ലോട്ടറി ഫലം പ്രഖ്യാപിച്ചു. DV 740744 (MOOVATTUPUZHA) എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ DZ 414708 എന്ന നമ്പറിലുള്ള ടിക്കറ്റിനാണ്. DV 871682 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.in
ല് ഫലം ലഭ്യമാകും.
Consolation Prize Rs.5,000/-
(Remaining all series)
DN 740744
DO 740744
DP 740744
DR 740744
DS 740744
DT 740744
DU 740744
DW 740744
DX 740744
DY 740744
DZ 740744
4th Prize Rs.5,000/-
(Last four digits to be drawn 19 times)
0338 0559 2423 2524 3227 3290 3631 4187 4318 4522 5440 6250 7228 7923 7943 8758 8765 9249 9780
5th Prize Rs.2,000/-
(Last four digits to be drawn 6 times)
4114 4570 5130 5231 7975 9403
6th Prize Rs.1,000/-
(Last four digits to be drawn 25 times)
0060 0583 0765 2211 2858 3009 3195 3311 3348 3969 4045 5097 5329 5721 6557 6637 6873 7145 7726 8122 8204 8540 9314 9840 9975
7th Prize Rs.500/-
(Last four digits to be drawn 76 times)
0102 0380 0434 0504 0537 0613 0933 1105 1173 1520 1589 1597 1618 1705 1743 1840 1898 1913 1920 2038 2198 3067 3303 3723 3749 3770 3861 3945 3983 4011 4076 4151 4158 4217 4516 4569 4582 4781 4852 4859 5049 5057 5139 5209 5430 5469 5557 5618 5834 5981 6029 6206 6323 6349 6420 6628 6728 7437 7748 7759 7789 7913 8041 8103 8202 8275 8314 8361 8385 8783 8813 9338 9470 9554 9606 9916
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
Recent Comments