by Midhun HP News | Oct 9, 2026 | Latest News, കേരളം
മാസപ്പടി കേസിൽ പ്രതിപക്ഷ നേതാവ് പിണറായി വിജയനും മുൻ മന്ത്രി മുഹമ്മദ് റിയാസിനും തിരിച്ചടി. ഇഡി റിപ്പോർട്ടിന്റെ അടിസ്ഥാനത്തിൽ കേസ് രജിസ്റ്റർ ചെയ്ത് അന്വേഷണം നടത്താൻ കോടതി ഉത്തരവിട്ടു. എഫ്ഐആർ ഇടാനാണ് കോടതിയുടെ നിർദേശം.
മുഖ്യമന്ത്രിയായിരിക്കെ മകൾ വീണ വഴി പിണറായി വിജയൻ 3.28 കോടി രൂപ കൈക്കൂലി വാങ്ങിയെന്നാണ് എൻഫോഴ്സ്മെന്റ് ഡയറക്ടറേറ്റായ ഇ.ഡിയുടെ പ്രധാന കണ്ടെത്തൽ. വിഷയത്തിൽ അഴിമതി നിരോധന നിയമപ്രകാരം കേസെടുത്ത് അന്വേഷണം നടത്തണമെന്ന് ആവശ്യപ്പെട്ട് ഇഡി സംസ്ഥാന പൊലീസ് മേധാവിക്ക് റിപ്പോർട്ട് കൈമാറിയിരുന്നു.
ഈ പശ്ചാത്തലത്തിലാണ് കോടതിയുടെ പുതിയ ഉത്തരവ്. എഫ്ഐആർ രജിസ്റ്റർ ചെയ്യാൻ പ്രാഥമിക അന്വേഷണം ആവശ്യമില്ലെന്ന നിലപാടാണ് ഹരജിക്കാരനും ഇഡിയും കോടതിയിൽ സ്വീകരിച്ചത്.
അതിനിടെ, മുഹമ്മദ് റിയാസ് മന്ത്രിയായിരിക്കെ സമ്പാദിച്ച പണം സുഹൃത്തുക്കൾ മുഖേന വിദേശത്തേക്ക് കടത്തിയെന്ന ആരോപണത്തിലും അന്വേഷണം പുരോഗമിക്കുകയാണ്. ഈ കേസുമായി ബന്ധപ്പെട്ട് റിയാസിന്റെ സുഹൃത്തുക്കൾക്ക് ക്രൈംബ്രാഞ്ചിന്റെ പ്രത്യേക സംഘം ഇതിനോടകം നോട്ടീസ് അയച്ചിട്ടുണ്ട്. കേസിൽ സംസ്ഥാന പൊലീസ് മേധാവിക്ക് ഇഡി നൽകിയ രേഖകൾ കോടതി വിളിച്ചുവരുത്തിയിരുന്നു.
by Midhun HP News | Oct 9, 2026 | Latest News, ജില്ലാ വാർത്ത
മുഖ്യ തിരഞ്ഞെടുപ്പ് കമ്മീഷണർ രാജിവെക്കണം എന്ന് ആവശ്യപ്പെട്ട് സമരം ചെയ്ത ഇന്ത്യൻ പ്രതിപക്ഷ നേതാവ് ശ്രീ രാഹുൽ ഗാന്ധിയെയും, കേരള മുഖ്യമന്ത്രി വി.ഡി സതീശനെയും, മറ്റു നേതാക്കന്മാരെയും അറസ്റ്റ് ചെയ്തതിൽ പ്രതിഷേധിച്ച്കൊണ്ട് രാജ്യവ്യാപകമായി കരിദിനം ആചരിക്കുന്നതിന്റെ ഭാഗമായി ആറ്റിങ്ങൽ ബ്ലോക്ക് കോൺഗ്രസ് കമ്മിറ്റി കച്ചേരി നടയിൽ സംഘടിപ്പിച്ച കരിദിനാചരണ സംഗമം, ബ്ലോക്ക് പ്രസിഡന്റ് ബിഷ്‌ണു ഉദ്ഘാടനം ചെയ്തു.
സംഗമത്തിൽ മണ്ഡലം പ്രസിഡന്റുമാരായ ഇപി സവാദ് ഖാൻ, രഘുറാം, നാരായണൻ, ബ്ലോക്ക് ഭാരവാഹികളായ ആലങ്കോട് അഷറഫ്, ഇല്യാസ്‌, ഒറ്റൂർ പ്രഭാഷ്, തോപ്പുവിള സുഭാഷ്, നാസിം, മനോജ്, അനിൽ വാവറ, ആറ്റിങ്ങൽ, മുൻസിപ്പൽ കൗൺസിലർമാർ, പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു.
by Midhun HP News | Oct 9, 2026 | Latest News, കേരളം
തിരുവനന്തപുരം: വോട്ടര്‍പട്ടിക പുനഃപരിശോധനയ്ക്കും പുതിയ വോട്ടര്‍മാരെ ചേര്‍ക്കാനുമായി സംസ്ഥാന വ്യാപകമായി പ്രത്യേക എന്റോള്‍മെന്റ് ഡ്രൈവ് 15 മുതല്‍ വരെ നടക്കുമെന്ന് മുഖ്യതെരഞ്ഞെടുപ്പ് ഓഫീസര്‍ സി സജിത്ത് ബാബു അറിയിച്ചു. വില്ലേജ് ഓഫീസുകള്‍ കേന്ദ്രീകരിച്ച് പേരുചേര്‍ക്കാനുള്ള ഫോം 6 വിതരണം ഡിജിറ്റല്‍ ഡെസ്‌കുകളും രൂപീകരിക്കും, സിറ്റിസണ്‍ സര്‍വീസ് പോര്‍ട്ടല്‍, വോട്ടര്‍ ഹെല്‍പ് ലൈന്‍ ആപ് എന്നിവയിലൂടെയും അപേക്ഷ നല്‍കാം.
അപേക്ഷയോടൊപ്പം ഫോട്ടോ, വയസ്, മേല്‍വിലാസം, എന്നിവ തെളിയിക്കാനുള്ള അംഗീകൃതരേഖകളില്‍ ഏതെങ്കിലും ഒന്ന് സമര്‍പ്പിക്കണം. ആധാര്‍ സമര്‍പ്പിക്കുന്നവര്‍ മറ്റൊരു രേഖ കൂടി നല്‍കണം. തുടര്‍ന്നുള്ള പരിശോധനയ്ക്കായി ബുത്ത് ലെവല്‍ ഓഫീസര്‍ വീടുകളിലെത്തും.
2025 ജനുവരി ഒന്നിന് നിലവിലുണ്ടായിരുന്നതും നിയമസഭാ തെരഞ്ഞെടുപ്പിന് ശേഷം വന്നതുമായ വോട്ടര്‍പട്ടികകളിലെ പ്രധാന വ്യത്യാസങ്ങള്‍ പരിശോധിക്കാന്‍ ഇലക്ടറല്‍ രജിസ്‌ട്രേഷന്‍ ഓഫീസര്‍മാരോട് നിര്‍ദേശിച്ചിട്ടുണ്ട്. എസ്‌ഐആര്‍ സമയത്ത് തിരികെ ലഭിക്കാത്ത അപേക്ഷകളില്‍ തെരഞ്ഞെടുപ്പിന് ശേഷം പ്രസിദ്ധീകരിച്ച പട്ടികയില്‍ ഉള്‍പ്പെടാത്തവ സംബന്ധിച്ചും പരിശോധന നടത്തും.
യുവവോട്ടര്‍മാരില്‍ അവബോധം ശക്തമാക്കുന്നതിന്റെ ഭാഗമായി കോളജ്, ഹയര്‍സെക്കന്‍ഡറി, സ്‌കൂള്‍ തലങ്ങളില്‍ ക്യാംപസ് ടു ബൂത്ത് എന്ന പേരില്‍ പ്രത്യേക എന്റോള്‍മെന്റ് ഡ്രൈവ് സംഘടിപ്പിക്കും. സ്റ്റ് ഫോര്‍വേഡ്, ഗെറ്റ്കൗണ്ടഡ് എന്ന ടാഗ്‌ലൈനോടെ നവംബര്‍ രണ്ടുമുതല്‍ ഒരാഴ്ചത്തെ പ്രചാരണമാണ് നടക്കുക.
by Midhun HP News | Oct 9, 2026 | Latest News, കായികം
റാഞ്ചി: വെസ്റ്റ് ഇന്‍ഡീസിനെതിരായ ടി20 പരമ്പരയിലെ രണ്ടാം പോരാട്ടത്തിന് ഇന്ത്യ ഇന്ന് റാഞ്ചിയില്‍ കളത്തിലിറങ്ങും. ആദ്യ മത്സരം ജയിച്ച ഇന്ത്യ പരമ്പരയില്‍ 1-0-ന് മുന്നിലാണ്. ആദ്യ ടി20യില്‍ ശ്രേയസ് അയ്യരുടെ തകര്‍പ്പന്‍ സെഞ്ച്വറിയുടെ (43 പന്തില്‍ 102 റണ്‍സ് – 10 ഫോറും 6 സിക്‌സും) കരുത്തിലാണ് ഇന്ത്യ എട്ട് വിക്കറ്റിന്റെ അനായാസ വിജയം സ്വന്തമാക്കിയത്. വിജയത്തുടര്‍ച്ച ലക്ഷ്യമിട്ട് ഇന്ത്യ ഇറങ്ങുമ്പോള്‍, പരമ്പരയിലേക്ക് തിരിച്ചുവരാനാണ് വിന്‍ഡീസിന്റെ ശ്രമം. രാത്രി ഏഴ് മണി മുതലാണ് മത്സരം.
ഇന്ത്യന്‍ ബാറ്റിങ് നിരയില്‍ കാര്യമായ മാറ്റങ്ങള്‍ക്ക് സാധ്യതയില്ല. ഓപ്പണിങ് സ്ലോട്ടില്‍ മലയാളി താരം സഞ്ജു സാംസണും അഭിഷേക് ശര്‍മയും തുടരും. കഴിഞ്ഞ മത്സരങ്ങളില്‍ തിളങ്ങാന്‍ കഴിയാത്ത സഞ്ജുവിന് ഫോമിലേക്ക് മടങ്ങിയെത്തേണ്ടത് അനിവാര്യമാണ്. കൗമാര താരം വൈഭവ് സൂര്യവംശിക്ക് ഇന്ന് അവസരം ലഭിക്കാന്‍ സാധ്യത കുറവാണ്. പരിശീലകന്‍ ഗംഭീറും ടീം മാനേജ്‌മെന്റും ഇക്കാര്യം വ്യക്തമാക്കിയിരുന്നു. ഇഷാന്‍ കിഷന്‍, തിലക് വര്‍മ എന്നിവര്‍ മധ്യനിരയില്‍ കളിക്കും.
ഓള്‍റൗണ്ടര്‍മാരായി അക്‌സര്‍ പട്ടേല്‍, ശിവം ദുബെ, നമന്‍ ധിര്‍ എന്നിവരാണുണ്ടാകുക. കഴിഞ്ഞ മത്സരത്തില്‍ മൂന്ന് വിക്കറ്റുകള്‍ വീഴ്ത്തിയ ഓഫ് സ്പിന്നര്‍ നമന്‍ ധിറിന്റെ പ്രകടനം മാനേജ്മെന്റിന് വലിയ ആശ്വാസമാണ്. ബൗളിങ് നിരയില്‍ പേസര്‍ മായങ്ക് യാദവിന് പകരം പ്രിന്‍സ് യാദവിന് അവസരം നല്‍കിയേക്കും. ചൈനാമാന്‍ സ്പിന്നര്‍ കുല്‍ദീപ് യാദവും ടീമിലുണ്ടാകും.
മറുഭാഗത്ത്, ക്യാപ്റ്റന്‍ ഷായ് ഹോപ്പിന്റെ മികച്ച ഫോം വിന്‍ഡീസിന് ആശ്വാസമാണെങ്കിലും മറ്റ് പ്രമുഖ താരങ്ങള്‍ ഫോമിലാകാത്തത് തിരിച്ചടിയാണ്. എങ്കിലും ഷിമ്രോണ്‍ ഹെറ്റ്‌മെയര്‍, റോവ്മാന്‍ പവല്‍, ഷെര്‍ഫെയ്ന്‍ റുഥര്‍ഫോര്‍ഡ്, റൊമാരിയോ ഷെപ്പേര്‍ഡ് തുടങ്ങി ഒറ്റയ്ക്ക് മത്സരം തിരിച്ചുവിടാന്‍ ശേഷിയുള്ള ടി20 സ്‌പെഷലിസ്റ്റുകള്‍ അവരുടെ നിരയിലുണ്ട്.
2023ന് ശേഷം റാഞ്ചിയില്‍ രാത്രിയില്‍ നടക്കുന്ന ആദ്യ ടി20 മത്സരമാണിത്. പിച്ചിന്റെ മുന്‍കാല ചരിത്രം പരിശോധിച്ചാല്‍ ഇവിടെ ഉയര്‍ന്ന സ്‌കോറുകള്‍ പിറക്കാന്‍ സാധ്യത കുറവാണ്. ഇവിടെ നടന്ന ഏഴ് മത്സരങ്ങളില്‍ നാലിലും രണ്ടാമത് ബാറ്റ് ചെയ്ത ടീമുകളാണ് വിജയിച്ചിട്ടുള്ളത്.
by Midhun HP News | Oct 9, 2026 | Latest News, കേരളം
തിരുവനന്തപുരം: സംസ്ഥാനത്ത് ഇന്നും നാളെയും ശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥ വകുപ്പ്. ശക്തമായ മഴ കണക്കിലെടുത്ത് വിവിധ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. വെള്ളിയാഴ്ച ഒന്‍പത് ജില്ലകളിലാണ് യെല്ലോ അലര്‍ട്ട്.
കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലും ശനിയാഴ്ച പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലും യെല്ലോ അലര്‍ട്ട് പ്രഖ്യാപിച്ചിട്ടുണ്ട്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്‍ത്ഥമാക്കുന്നത്.
ഈ ദിവസങ്ങളില്‍ മഴയ്ക്കൊപ്പം ഇടിമിന്നലിനും മണിക്കൂറില്‍ 40-50 കിലോമീറ്റര്‍ വരെ വേഗത്തില്‍ ശക്തമായ കാറ്റിനും സാധ്യതയുണ്ടെന്നും മുന്നറിയിപ്പില്‍ പറയുന്നു. തെക്കന്‍ കേരള തീരത്തിന് സമീപമുള്ള തെക്കുകിഴക്കന്‍ അറബിക്കടലില്‍, സമുദ്രനിരപ്പില്‍ നിന്ന് 5.8 കിലോമീറ്റര്‍ ഉയരത്തിലാണ് ചക്രവാതച്ചുഴി നിലനില്‍ക്കുന്നത്. വടക്കന്‍ തമിഴ്നാടിന് മുകളില്‍, സമുദ്രനിരപ്പില്‍ നിന്ന് 5.8 കി.മീ. ഉയരത്തില്‍ മറ്റൊരു ചക്രവാതച്ചുഴിയും തുടരുന്നുണ്ട്. മന്നാര്‍ കടലിടുക്കില്‍ നിന്ന് മധ്യ മഹാരാഷ്ട്രയിലേക്ക്, തമിഴ്നാടും കര്‍ണാടകയും വഴി കടന്നുപോകുന്ന, സമുദ്രനിരപ്പില്‍ നിന്ന് 0.9 കി.മീ. ഉയരത്തില്‍ ന്യൂനമര്‍ദ്ദപാത്തിയും സ്ഥിതി ചെയ്യുന്നതായും മുന്നറിയിപ്പില്‍ പറയുന്നു. ഇതിന്റെയെല്ലാം സ്വാധീനഫലമായാണ് സംസ്ഥാനത്ത് മഴ ലഭിക്കുന്നതെന്നും മുന്നറിയിപ്പില്‍ വ്യക്തമാക്കുന്നു.
കള്ളക്കടൽ ജാഗ്രത നിർദേശം
കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം (കാപ്പിൽ മുതൽ പൊഴിയൂർ വരെ) ജില്ലയിലെ തീരങ്ങളിൽ ഇന്ന് രാത്രി 11.30 വരെ 0.9 മുതൽ 1.1 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം (INCOIS) അറിയിച്ചു.
കള്ളക്കടൽ പ്രതിഭാസത്തിന്റെ ഭാഗമായി കന്യാകുമാരി തീരത്ത് ഇന്ന് രാത്രി 11.30 വരെ 0.9 മുതൽ 1.3 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം (INCOIS) അറിയിച്ചു.
by Midhun HP News | Oct 8, 2026 | Latest News, കേരളം
കൊല്ലം: പുനലൂർ പോളിടെക്നിക്കിലെ അധ്യാപകരുടേയും വിദ്യാര്‍ത്ഥിനികളുടേയും ചിത്രങ്ങള്‍ മോര്‍ഫ് ചെയ്ത് അശ്ലീല സൈറ്റുകളില്‍ പ്രചരിപ്പിച്ച കേസിൽ വിദ്യാർത്ഥിക്കെതിരെ പൊലീസ് കേസെടുത്തു. കോളജിലെ അഞ്ചാം സെമസ്റ്റർ വിദ്യാർത്ഥി അച്യുതിനെതിരെയാണ് കേസെടുത്തത്.
പുനലൂർ പോളിടെക്നിക്കിലെ എബിവിപി യൂണിറ്റ് വൈസ് പ്രസിഡന്റാണ് അച്യുത്. അച്യുതിനെതിരെ സഹപാഠികൾ തന്നെയാണ് പ്രിൻസിപ്പലിന് പരാതി നൽകിയത്. പൊലീസിൽ പരാതി നൽകിയ കോളേജ് അധികൃതർ വിദ്യാര്‍ത്ഥിയെ കോളേജിൽ നിന്ന് സസ്പെൻഡ് ചെയ്തിരുന്നു.
അധ്യാപകരുടെയും വിദ്യാർത്ഥികളുടെയും മോർഫ് ചെയ്ത ചിത്രം അശ്ലീല സൈറ്റുകൾക്ക് വിറ്റ് അച്യുത് പണം നേടിയെന്നും ആരോപണമുണ്ട്. സംഭവത്തിൽ വിദ്യാർത്ഥിയുടെ മൊബൈൽ ഫോൺ വിശദ പരിശോധനയ്ക്ക് വിധേയമാക്കുമെന്ന് പൊലീസ് അറിയിച്ചു.
Recent Comments