by Midhun HP News | Oct 8, 2022 | Latest News, കേരളം, ജില്ലാ വാർത്ത
ലഹരിമുക്ത കേരളം “ഞങ്ങളും കൂടെയുണ്ട്” എന്ന മുദ്രാവാക്യമുയർത്തി സാംസ്കാരിക വേദിയും, വൈ.എം.സി മൂതലയും സംയുക്തമായി സംഘടിപ്പിച്ച സാംസ്കാരിക സന്ധ്യ വർക്കല എം.എൽ.എ അഡ്വ:വി.ജോയി ഉദ്ഘാടനം ചെയ്തു. പള്ളിക്കൽ ഗ്രാമ പഞ്ചായത്ത് പ്രസിഡന്റ് എം.ഹസീനയുടെ അദ്ധ്യക്ഷതയിൽ കൂടിയ യോഗത്തിൽ വർക്കല എക്സൈസ് സർക്കിൾ ഇൻസ്പെക്ടർ പി.എസ്.ഹരികുമാർ ലഹരി വിരുദ്ധ പ്രതിജ്ഞ ചൊല്ലി കൊടുത്തു. ഗ്രാമപഞ്ചായത്ത് വൈസ് പ്രസിഡന്റ് എം.മാധവൻകുട്ടി, വികസനകാര്യ സ്റ്റാൻഡിംഗ് കമ്മിറ്റി ചെയർപെഴ്സൺ എസ്സ്. ഷീബ എന്നിവർ പങ്കെടുത്തു. ഇക്കഴിഞ്ഞ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികളെ അനുമോദിച്ചു. യോഗത്തിന് സാംസ്കാരിക വേദി ഭാരവാഹികളായ യു.സന്തോഷ്കുമാർ സ്വാഗതവും, എം. നജീബ് നന്ദിയും രേഖപ്പെടുത്തി. തുടർന്ന് തിരുവനന്തപുരം യാമി മ്യൂസിക് ബാന്റ് അവതരിപ്പിച്ച മ്യൂസിക് ഫ്യൂഷനും അരങ്ങേറി.
by Midhun HP News | Oct 8, 2022 | Latest News, കേരളം, ജില്ലാ വാർത്ത
പിരപ്പൻ കോട് പ്ലാവിള വീട്ടിൽ ഷിബു (35) മകൾ അലംകൃത (4) എന്നിവർക്കാണ് അപകടത്തിൽ പരിക്കേറ്റത്. ഷിബു മരണപെട്ടു. മകൾ അലംകൃത ഗുരുതര പരുക്കുകളോടെ ആശുപത്രിയിലാണ്. രാവിലെ 6.20ന് വെഞ്ഞാറമൂട് മുസ്ലിം പള്ളിക്ക് സമീപമാണ് അപകടമുണ്ടായത്. രോഗിയുമായി ഇടുക്കിയിൽ പോയി മടങ്ങിവരുന്ന സമയത്താണ് ആംബുലൻസ് അപകടം ഉണ്ടാക്കിയത്. റോഡിന് ഒരു വശത്തേക്ക് ബൈക്ക് നിർത്തി ഇറങ്ങാൻ നേരത്താണ് ആംബുലൻസ് അപകടമുണ്ടാക്കിയത്. ആംബുലൻസ് ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക നിഗമനം. തിരുവനന്തപുരം മെഡിക്കൽ കോളേജ് എംപ്ലോയീസ് ക്രെഡിറ്റ് യൂണിയനു കീഴിലുള്ള ആംബുലൻസ് ആണ്.
by Midhun HP News | Oct 8, 2022 | Latest News, കേരളം, ജില്ലാ വാർത്ത
നിലയ്ക്കാമുക്ക് കേന്ദ്രീകരിച്ചു “നിലാവ് “എന്ന പേരിൽ കലാ സാംസ്കാരിക സംഘടന രൂപീകരിച്ചു. സംഘടനയുടെ ഔപചാരികമായ ഉദ്ഘാടനം ദേശീയ അവാർഡ് ജേതാക്കളായ ഡോക്ടർ വക്കം സജീവും ഡോക്ടർ മധു ഗോപിനാഥും ചേർന്ന് ഭദ്രദീപം കൊളുത്തി നിർവഹിച്ചു. പ്രസ്തുത ചടങ്ങിൽ നാടക കലാകാരൻ വക്കം സുധിയേയും നാടകപ്രവർത്തകൻ വെട്ടത്തു വ്യാസനെയും ആദരിച്ചു. ഉദ്ഘാടനച്ചടങ്ങിൽ ഷിബു കടക്കാവൂർ, ആർ. പ്രദീപ്, ബീനാ രാജീവ്‌, അരുൺ വക്കം, അനിൽ ദത്ത്, എ കെ നൗഷാദ് എന്നിവരും സംബന്ധിച്ചു. തുടർന്ന് തിരുവനന്തപുരം സംഘചേതനയുടെ ചക്രം എന്ന നാടകം അരങ്ങേറി.
by Midhun HP News | Oct 7, 2022 | Latest News, കേരളം, ജില്ലാ വാർത്ത
ആറ്റിങ്ങൽ: ആറ്റിങ്ങലിൽ കെഎസ്ആർടിസി ബസ്സിനുള്ളിൽ നിന്ന് യുവതിയുടെ സ്വർണം കവർന്ന കോയമ്പത്തൂർ സ്വദേശിനിയെ യാത്രക്കാർ പിടികൂടി പോലീസിൽ ഏൽപ്പിച്ചു. വെമ്പായം സ്വദേശിനിയായ ഷീജയുടെ മാല പൊട്ടിച്ചെടുക്കാൻ ശ്രമിച്ച കോയമ്പത്തൂർ സ്വദേശിനി മഹാലക്ഷ്മിയെ ആണ് അറസ്റ്റ് ചെയ്തത്. ഇന്ന് വൈകുന്നേരം 6 മണിയോടെ തിരുവനന്തപുരത്ത് നിന്നും കൊല്ലം ഭാഗത്തേക്കു പോയ സൂപ്പർ ഫാസ്റ്റ് ബസ്സിലാണ് സംഭവം.
സ്ത്രീ ബഹളം വച്ചതിനെ തുടർന്ന് യാത്രക്കാർ ഇടപെടുകയായിരുന്നു. സംശയം തോന്നിയ മഹാലക്ഷ്മിയെ ബസ്സിലെ മറ്റ് യാത്രക്കാർ പരിശോധിക്കുകയും ആ സമയം ഇവർ ബസ്സിനുള്ളിൽ മാല വലിച്ചെറിയുകയുമായിരുന്നു. ആറ്റിങ്ങൽ പോലീസ് സ്ഥലത്തെത്തി നടപടികൾ ആരംഭിച്ചു.
by Midhun HP News | Oct 7, 2022 | Latest News, കേരളം, ജില്ലാ വാർത്ത
കൊച്ചി: വിഴിഞ്ഞം സമരപന്തൽ പൊളിക്കണം എന്ന് സമരക്കാർക്ക് ഹൈക്കോടതി നിർദ്ദേശം നല്‍കി. അദാനി ഗ്രൂപ്പ് നൽകിയ കോടതിയലക്ഷ്യ ഹർജിയിൽ ആണ് സിംഗിൾ ബെഞ്ച് നിർദ്ദേശം. സമരക്കാർക്ക് നേരത്തെ നോട്ടീസ് നൽകിയതായി സർക്കാർ അറിയിച്ചു. പന്തൽ പൊളിക്കാതെ തുറമുഖ നിർമാണ സ്ഥലത്തേക്ക് വാഹനം പോകാനാകില്ലെന്ന് അദാനിയും കരാർ കമ്പനിയും അറിയിച്ചിരുന്നു. പോലീസ് നിസ്സഹായരെന്നു അദാനിയുടെ അഭിഭാഷകന്‍ കോടതിയില്‍ വ്യക്തമാക്കി.
by Midhun HP News | Oct 7, 2022 | Latest News, Uncategorized, കേരളം, ജില്ലാ വാർത്ത
മുദാക്കൽ ഗ്രാമപഞ്ചായത്തിലെ വഴിവിളക്കുകൾ കത്താത്തതിൽ പ്രതിഷേധിച്ച് കോൺഗ്രസ്‌ ഇടയ്ക്കോട് മണ്ഡലം കമ്മിറ്റിയുടെ നേതൃത്വത്തിൽ പഞ്ചായത്ത് സെക്രട്ടറിയെ ഉപരോധിച്ചു. ഉപരോധസമരത്തെ തുടർന്ന് സെക്രട്ടറി പത്തു ദിവസത്തിനകം തെരിവ് വിളക്കുകൾ കത്തിച്ചു നൽകാം എന്ന് ഉറപ്പ് നൽകിയതിന്റെ അടിസ്ഥാനത്തിൽ ഉപരോധസമരം അവസാനിപ്പിച്ചു. സമരത്തിന് മണ്ഡലം പ്രസിഡന്റ് ശരുൺകുമാർ നേതൃത്വം നൽകി. മണ്ഡലം കമ്മിറ്റി ഭാരവാഹികളായ കെ. ആർ അഭയൻ, വി ടി സുഷമ്മ ദേവി, വിജയൻ കോരാണി, ലാൽകോരാണി, നിഖിൽ കോരാണി, ഷിബു പാണൻചേരി, കൃഷ്ണപിള്ള, ലിഷു, സുജീവ്, അശോകൻ, പ്രദീപ് കൊച്ചുപരുത്തി, അനൂപ്ഊരുപ്പൊയ്ക, സുലൈമാൻ, ദിലീപ്, നിതിൻ പാലോട്, സുധാകരൻ, പുഷ്ക്കരൻ, തുടങ്ങിയവർ സമരത്തിൽ പങ്കെടുത്തു.
Recent Comments