by Midhun HP News | Oct 10, 2026 | Latest News, ജില്ലാ വാർത്ത
തോന്നയ്ക്കൽ: കണിയാപുരം ഉപജില്ലാ ശാസ്ത്രമേളയിൽ മികവ് തെളിയിച്ച് കുട്ടിശാസ്ത്രജ്ഞർ. വിവിധ വിഭാഗങ്ങളിലായി ഏറ്റവും കൂടുതൽ പോയിന്റ് നേടി തോന്നയ്ക്കൽ ഗവൺമെന്റ് ഹയർ സെക്കൻഡറി സ്‌കൂൾ ഓവറോൾ ചാമ്പ്യന്മാരായി.
തോന്നയ്ക്കൽ ഗവ. എച്ച്.എസ്.എസിൽ നടന്ന ശാസ്ത്രമേളയുടെ സമാപന സമ്മേളനം ജില്ലാ പഞ്ചായത്ത് അംഗം മിനി ജയചന്ദ്രൻ ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം നയന
ഷമീർ അധ്യക്ഷത വഹിച്ചു.
വാർഡ് അംഗങ്ങളായ എം.എസ്. ഉദയകുമാരി, എ. ജുമൈല ബീവി, തോന്നയ്ക്കൽ റഷീദ്, കണിയാപുരം ഉപജില്ല പ്രിൻസിപ്പൽ പ്രതിനിധി എ.എ. ബീഗം ഷീജ, പ്രിൻസിപ്പൽ ജെസി ജലാൽ, പ്രഥമാധ്യാപകൻ എസ്. സുജിത്ത്, കണിയാപുരം എ.ഇ.ഒ. ആർ.എസ്. ഹരികൃഷ്‌ണൻ, പി.ടി.എ. പ്രസിഡന്റുമാരായ വി. മധുസൂദനൻ നായർ, ഡി.എസ്. അനീഷ് കുമാർ, എസ്.എം.സി. ചെയർമാൻ ജി. ജയകുമാർ, എം.ജി. അനുപ്രിയ, പ്രോഗ്രാം കമ്മിറ്റി കൺവീനർ എസ്.വി. സുനിൽ കുമാർ, അനില കുമാരി എന്നിവർ സംസാരിച്ചു.
വിവിധ വിഭാഗങ്ങളിൽ വിജയിച്ച സ്കൂളുകൾ
ശാസ്ത്രമേള
എൽ.പി.: ജി.യു.പി.എസ്. പോത്തൻകോട്
യു.പി.: ജി.എച്ച്.എസ്.എസ്. തോന്നയ്ക്കൽ
ഹൈസ്കൂൾ: എൽ.വി.എച്ച്.എസ്. പോത്തൻകോട്
ഹയർ സെക്കൻഡറി: ജി.എച്ച്.എസ്.എസ്. നെടുവേലി
ഗണിതശാസ്ത്രമേള
എൽ.പി., യു.പി.: ജി.യു.പി.എസ്. പാറയ്ക്കൽ
ഹൈസ്കൂൾ: എൽ.വി.എച്ച്.എസ്. പോത്തൻകോട്
ഹയർ സെക്കൻഡറി: എം.വി.എച്ച്.എസ്.എസ്. തുണ്ടത്തിൽ
സാമൂഹ്യശാസ്ത്രമേള
എൽ.പി.: ജി.എൽ.പി.എസ്. പിരപ്പൻകോട്
യു.പി.: സെന്റ്റ് തോമസ് യു.പി.എസ്. പോത്തൻകോട്
ഹൈസ്കൂൾ: എൽ.വി.എച്ച്.എസ്. പോത്തൻകോട്
ഹയർ സെക്കൻഡറി: ജി.എച്ച്.എസ്.എസ്. തോന്നയ്ക്കൽ
പ്രവൃത്തിപരിചയമേള
എൽ.പി.: ജി.എൽ.പി.എസ്. തലയൽ
യു.പി.: ജി.യു.പി.എസ്. കണിയാപുരം
ഹൈസ്കൂൾ: ജി.വി.എച്ച്.എസ്.എസ്. പിരപ്പൻകോട്
ഹയർ സെക്കൻഡറി: എം.വി.എച്ച്.എസ്.എസ്. തുണ്ടത്തിൽ
ഐ.ടി. മേള
യു.പി.: ജി.യു.പി.എസ്. കാട്ടായിക്കോണം
ഹൈസ്കൂൾ: എൽ.വി.എച്ച്.എസ്. പോത്തൻകോട്
ഹയർ സെക്കൻഡറി: ജി.എച്ച്.എസ്.എസ്. നെടുവേലി
by Midhun HP News | Oct 10, 2026 | Latest News, ജില്ലാ വാർത്ത
ബാലസംഘം പച്ചക്കാട് യൂണിറ്റ് സമ്മേളനം പച്ചക്കാട് വച്ച് നടന്നു. സൗപർണികയുടെ അധ്യക്ഷതയിൽ കൂടിയ സമ്മേളനം ബാലസംഘം കിളിമാനൂർ ഏരിയ കോർഡിനേറ്റർ പ്രവീൺ രാജ് ഉദ്ഘാടനം ചെയ്ത് സംസാരിച്ചു. അനഘേന്ദു സ്വാഗതം ആശംസിച്ചു.
കൂടാതെ മനു, അജയൻ, മധു, എസ് മോഹനൻ, മീനു എന്നിവർ സംസാരിച്ചു. ബാലസംഘംപച്ചക്കാട് യൂണിറ്റ് പ്രസിഡന്റായി സൗപർണികയെയും സെക്രട്ടറിയായി അനഘേന്ദുവിനെയും വൈസ് പ്രസിഡണ്ടായി ആർദ്ര, ശ്രീധിൻ ദേവ് എന്നിവരെയും ജോയിൻ സെക്രട്ടറിമാരായി അപർണ്ണ, അഥർവ് പ്രദീപ് എന്നിവരെയും മുഖ്യ ചുമതലക്കാരനായി എസ് മോഹനനെയും കൺവീനറായി തുളസീധരനെയും ജോയിന്റ് കൺവീനർമാരായി രാധാമണി, സജിത രേഖ ,എന്നിവരെയും സമ്മേളനം തിരഞ്ഞെടുത്തു.
by Midhun HP News | Oct 10, 2026 | Latest News, കേരളം
ഡല്‍ഹി: ഇന്ദിരാഗാന്ധി പോലും ഇങ്ങനെ ചെയ്തിട്ടില്ലെന്ന് സിജെപി നേതാവ് അഭിജിത് ദീപ്കെ. വിമാനത്താവളത്തില്‍ വച്ച് ഡല്‍ഹി പൊലീസ് കസ്റ്റഡിയിലെടുത്തതിന് പിന്നാലെയാണ് ദീപ്‌കെയുടെ പ്രതികരണം. മുംബൈയില്‍നിന്ന് വിമാനത്തില്‍ ഡല്‍ഹിയിലെത്തിയ ദിപ്‌കെയെ വിമാനത്തിനുള്ളില്‍ കയറിയാണ് ഡല്‍ഹി പൊലീസ് കസ്റ്റഡിയില്‍ എടുത്തത്. മറ്റ് സിജെപി നേതാക്കളായ സൗരവ് ദാസ്, അശുതോഷ് റാങ്ക എന്നിവരെയും പൊലീസ് കസ്റ്റഡിയില്‍ എടുത്തു.
‘അറസ്റ്റ് വരിക്കാന്‍ തന്നെയാണ് ഞാന്‍ വന്നത്. എനിക്ക് നിങ്ങളെ ഭയമില്ല’ കസ്റ്റഡിയിലെടുക്കുന്നതിന് മുന്‍പായി ദീപ്കെ പറയുന്നത് കേള്‍ക്കാം. പൊലീസ് നടപടിയെ ശക്തമായി അപലപിച്ച സിജെപി; പ്രതിഷേധ സ്ഥലത്ത് എത്തുന്നത് തടയുന്നതിനായി മുന്‍കൂട്ടി ആസൂത്രണം ചെയ്തതാണ് അറസ്റ്റെന്നും നേതാക്കള്‍ പറഞ്ഞു. പൊലീസ് നടപടി സഞ്ചാര സ്വാതന്ത്ര്യത്തിന്റെ ലംഘനമാണെന്നും കസ്റ്റഡിയിലെടുത്ത മൂന്ന് നേതാക്കളെയും ഉപാധികളില്ലാതെ ഉടന്‍ മോചിപ്പിക്കണമെന്നും ആവശ്യപ്പെട്ടു.
മുംബൈയില്‍നിന്ന് വിമാനമാര്‍ഗം ഡല്‍ഹി ഇന്ദിരാ ഗാന്ധി അന്താരാഷ്ട്ര വിമാനത്താവളത്തിലെത്തിയതിനു പിന്നാലെയാണ് വിമാനത്തിനുള്ളില്‍വെച്ച് ദീപ്കെയെ കസ്റ്റഡിയിലെടുത്തത്. മഹാത്മഗാന്ധിയുടെ ചിത്രമുള്ള ടീ ഷര്‍ട്ട് ധരിച്ചാണ് ദീപ്കെ എത്തിയത്. നേരത്തേ പ്രതിഷേധത്തില്‍ പങ്കെടുക്കാനെത്തിയ പ്രമുഖ യൂട്യൂബറും ഇന്‍ഫ്ളുവന്‍സറുമായ ധ്രുവ് റാഠിയെ ഗുരുഗ്രാമിലെ വസതിയില്‍നിന്ന് ഡല്‍ഹി പൊലീസ് കസ്റ്റഡിയിലെടുത്തിരുന്നു. ശനിയാഴ്ച രാവിലെ ഏഴേമുക്കാലോടെ സെക്ടര്‍ 56-ലെ അദ്ദേഹത്തിന്റെ വസതിയില്‍വെച്ചായിരുന്നു സംഭവം. രാവിലെ ധ്രുവ് റാഠിയുടെ അമ്മ വാതില്‍ തുറന്നതോടെ പോലീസ് അകത്തുകയറി റാഠിയെ കസ്റ്റഡിയിലെടുക്കുകയായിരുന്നു. അര്‍ധരാത്രിയില്‍ അന്‍പതോളം വരുന്ന പൊലീസ് സംഘം അദ്ദേഹത്തിന്റെ വീടിനുമുന്നില്‍ നിലയുറപ്പിച്ചിരുന്നു.
കേരള ഹൗസിന് മുന്നില്‍ മാര്‍ച്ചിനൊരുങ്ങുന്നതിനിടെ സിപിഎം ജനറല്‍ സെക്രട്ടറി എംഎ ബേബി, പ്രതിപക്ഷ നേതാവ് പിണറായി വിജയന്‍, എംവി ഗോവിന്ദന്‍, ബൃന്ദ കാരാട്ട്, ജോണ്‍ ബ്രിട്ടാസ് ഉള്‍പ്പെടെയുള്ളവരെയും കസ്റ്റഡിയിലെടുത്തു. ഡല്‍ഹിയില്‍ പലയിടങ്ങളിലായി ആയിരക്കണക്കിന് പേരെ പൊലീസ് ഇതിനകം കസ്റ്റഡിയിലെടുത്തു.
ഇരുപത്തിയ്യായിരം സുരക്ഷാ ഉദ്യോഗസ്ഥരെയാണ് ജന്തര്‍ മന്തറില്‍ വിന്യസിച്ചിട്ടുള്ളത്. മുഖ്യ തെരഞ്ഞെടുപ്പ് കമ്മിഷണര്‍ ഗ്യാനേഷ് കുമാറിന്റെ രാജിയാവശ്യപ്പെട്ട് ‘സിജെപി’ നടത്തുന്ന സമരം രാവിലെ ആരംഭിക്കും. രാവിലെ 10 മണിയോടെ ജന്തര്‍ മന്തറിലെത്തണമെന്നാണു പ്രവര്‍ത്തകര്‍ക്ക് സിജെപി നല്‍കിയിട്ടുള്ള നിര്‍ദേശം. നീറ്റ് ചോദ്യപ്പേപ്പര്‍ ചോര്‍ച്ച വിഷയത്തില്‍ ധര്‍മേന്ദ്ര പ്രധാനെ കേന്ദ്രമന്ത്രി സ്ഥാനത്തുനിന്നു താഴെയിറക്കിയ ആത്മവിശ്വാസത്തിലാണ് സിജെപി രണ്ടാം സമരത്തിനെത്തുന്നത്.
അതേസമയം, പ്രതിഷേധത്തിന് അനുമതി നല്‍കിയിട്ടില്ലെന്ന് ഡല്‍ഹി പൊലീസ് വ്യക്തമാക്കി. മുന്‍കരുതലിന്റെ ഭാഗമായി ഡല്‍ഹിയിലെ രാജീവ് ചൗക്ക്, ന്യൂഡല്‍ഹി, സെന്‍ട്രല്‍ സെക്രട്ടേറിയറ്റ്, പട്ടേല്‍ ചൗക്ക്, കശ്മീരി ഗേറ്റ് ഉള്‍പ്പെടെയുള്ള 45 മെട്രോ സ്റ്റേഷനുകള്‍ അടച്ചു. ലോക്കല്‍ ട്രെയിനുകളും മറ്റ് സംസ്ഥാനങ്ങളിലേക്കുള്ള 250 ട്രെയിനുകളും റദ്ദാക്കിയിട്ടുണ്ട്. ജന്‍പഥ്കര്‍ത്തവ്യ പഥിന് 4 കിലോമീറ്റര്‍ ചുറ്റളവില്‍ ഇന്റര്‍നെറ്റ് നിരോധിച്ചിട്ടുണ്ട്.
by Midhun HP News | Oct 10, 2026 | Latest News, ദേശീയ വാർത്ത
ന്യൂയോര്‍ക്ക്: ഇടക്കാല തെരഞ്ഞെടുപ്പിന് മുന്നോടിയായി എണ്ണവില കുറയ്ക്കുന്നതിനായി റഷ്യയില്‍ നിന്ന് എണ്ണ വാങ്ങുന്നതിന് കരാറിലെത്തി അമേരിക്ക. നിലവില്‍ റഷ്യയ്‌ക്കെതിരായ ഉപരോധങ്ങളില്‍ ഇളവ് വരുത്തിയാണ് റഷ്യയില്‍ നിന്ന് ഡീസല്‍ വാങ്ങാന്‍ അമേരിക്ക നടപടി സ്വീകരിച്ചത്. ഡീസല്‍ വാങ്ങുന്നതിന് റഷ്യയുമായി കരാറിലെത്തിയതായി അമേരിക്ക പ്രസിഡന്റ് ഡോണള്‍ഡ് ട്രംപ് അറിയിച്ചു.
2022ല്‍ അയല്‍രാജ്യമായി യുക്രൈനില്‍ നടത്തിയ അധിനിവേശത്തെ തുടര്‍ന്നാണ് റഷ്യയ്ക്ക് മേല്‍ അമേരിക്കയും സഖ്യകക്ഷികളും നിരവധി ഉപരോധങ്ങള്‍ ഏര്‍പ്പെടുത്തിയത്. എന്നാല്‍ ഡീസല്‍ വാങ്ങാന്‍ റഷ്യയുമായി കരാറില്‍ എത്തിയ അമേരിക്കന്‍ നടപടി അനുചിതമെന്ന് യുക്രൈന്‍ പ്രസിഡന്റ് സെലെന്‍സ്‌കി വിമര്‍ശിച്ചു. അമേരിക്കയില്‍ ജീവിതച്ചെലവ് ഉയരുന്നതില്‍ വോട്ടര്‍മാര്‍ക്കിടയില്‍ അതൃപ്തി നിലനില്‍ക്കുകയാണ്. ആഴ്ചകള്‍ക്ക് ശേഷം നടക്കുന്ന അമേരിക്കയിലെ ഇടക്കാല തെരഞ്ഞെടുപ്പില്‍ വോട്ടര്‍മാര്‍ക്കിടയിലെ അതൃപ്തി കോണ്‍ഗ്രസിലെ റിപബ്ലിക്കന്‍ പാര്‍ട്ടിയുടെ ആധിപത്യം നഷ്ടപ്പെടാന്‍ ഇടയാക്കുമോ എന്ന ഭയമാണ് ഈ കരാറിന് പിന്നിലെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
ഇറാനെതിരെയുള്ള അമേരിക്കന്‍ ആക്രമണങ്ങളെ തുടര്‍ന്ന് ഹോര്‍മുസ് കടലിടുക്ക് വഴിയുള്ള എണ്ണവിതരണം സാധാരണ നിലയിലായിട്ടില്ല. ഇതുമൂലം ഫെബ്രുവരി അവസാനം മുതല്‍ അമേരിക്കയില്‍ പെട്രോള്‍, ഡീസല്‍ വില കുത്തനെ ഉയരുകയാണ്. റഷ്യ ഉടന്‍ തന്നെ മൂന്ന് ലക്ഷം ടണിലധികം ഡീസല്‍ അമേരിക്കയ്ക്ക് കൈമാറുമെന്ന് ട്രംപ് സോഷ്യല്‍മീഡിയയില്‍ കുറിച്ചു. നവംബറില്‍ അഞ്ചുലക്ഷം ടണും തുടര്‍ന്ന് 10 ലക്ഷം ടണും റഷ്യ വിതരണം ചെയ്യും. ഭാവിയില്‍ കൂടുതല്‍ അളവില്‍ അമേരിക്കയിലേക്ക് റഷ്യ എണ്ണ കൈമാറുമെന്നും ട്രംപ് കൂട്ടിച്ചേര്‍ത്തു. ‘ഇത് തീര്‍ത്തും സത്യസന്ധമല്ല, നമ്മുടെ പങ്കാളികള്‍ക്ക് ഒട്ടും ചേര്‍ന്നതല്ല, എന്റെ കാഴ്ചപ്പാടില്‍ ഇതൊരു ദുര്‍ബലമായ തീരുമാനമാണ്’- സെലെന്‍സ്‌കി മാധ്യമപ്രവര്‍ത്തകരോട് പറഞ്ഞു.
ശൈത്യകാലത്തിന് മുന്‍പ് റഷ്യയുമായുള്ള യുദ്ധം ലഘൂകരിക്കാനും അവസാനിപ്പിക്കാനുമുള്ള സാധ്യതകളെ കുറിച്ച് ഇരുപക്ഷം ചര്‍ച്ചകള്‍ നടത്തിയതായി യുഎസ് പ്രതിനിധി സ്റ്റീവ് വിറ്റ്‌കോഫ് പറഞ്ഞു.
by Midhun HP News | Oct 10, 2026 | Latest News, ദേശീയ വാർത്ത
ഡല്‍ഹി: ട്രെയിനുകളിലും റെയില്‍വേ പരിസരങ്ങളിലും ഉച്ചത്തില്‍ പാട്ടു കേള്‍ക്കുന്നവര്‍ക്കെതിരെ നടപടി സ്വീകരിക്കുമെന്ന മുന്നറിയിപ്പുമായി ഇന്ത്യന്‍ റെയില്‍വേ. മൊബൈല്‍ ഫോണില്‍ സ്പീക്കര്‍ മോഡില്‍ ഓഡിയോയോ വിഡിയോയോ പ്ലേ ചെയ്ത് മറ്റുള്ളവര്‍ക്ക് ബുദ്ധിമുട്ട് ഉണ്ടാക്കുന്ന യാത്രക്കാര്‍ക്കെതിരെയാണ് നടപടി സ്വീകരിക്കുക. സഹയാത്രികര്‍ക്ക് സുഖകരമായ യാത്ര ഉറപ്പാക്കാന്‍ മൊബൈല്‍ ഫോണുകള്‍ ഉത്തരവാദിത്തത്തോടെ ഉപയോഗിക്കണമെന്നും ഇന്ത്യന്‍ റെയില്‍വേ അഭ്യര്‍ഥിച്ചു.
ഇയര്‍ഫോണുകള്‍ ഉപയോഗിക്കാനും ഫോണ്‍ സംഭാഷണങ്ങള്‍ കുറഞ്ഞ ശബ്ദത്തില്‍ കേള്‍ക്കാനും റെയില്‍വേ യാത്രക്കാരോട് ആവശ്യപ്പെട്ടു. യാത്രയ്ക്കിടെ മൊബൈല്‍ ഫോണുകളോ മറ്റു ഉപകരണങ്ങളോ ഉപയോഗിച്ച് സംഗീതമോ വിഡിയോയോ പ്ലേ ചെയ്യുന്നത് മൂലം സഹയാത്രികര്‍ക്ക് ഉണ്ടാകുന്ന ബുദ്ധിമുട്ടുകള്‍ പരിഹരിക്കാന്‍ ലക്ഷ്യമിട്ടാണ് നടപടി. ഉച്ചത്തിലുള്ളതും ദീര്‍ഘനേരം നീണ്ടുനില്‍ക്കുന്നതുമായി ഫോണ്‍ സംഭാഷണങ്ങളും റിങ്‌ടോണുകളും മറ്റുള്ളവര്‍ക്ക് ബുദ്ധിമുട്ട് ഉണ്ടാക്കിയേക്കാം. പ്രത്യേകിച്ച് എസി കോച്ചുകള്‍ പോലുള്ള ക്ലോസ്ഡ് സ്ഥലങ്ങളില്‍ യാത്രക്കാരെ അലോസരപ്പെടുത്തിയേക്കാമെന്നും ഇന്ത്യന്‍ റെയില്‍വേ വ്യക്തമാക്കി.
ജന്‍ വിശ്വാസ് (ഭേദഗതി) നിയമം 2026 അനുസരിച്ച് ശല്യം ഉണ്ടാക്കുന്ന തരത്തിലുള്ള പെരുമാറ്റത്തിന് ആയിരം രൂപ പിഴ, കൂടാതെ റെയില്‍വേയില്‍ നിന്ന് പുറത്താക്കല്‍, പാസ് അല്ലെങ്കില്‍ ടിക്കറ്റ് കണ്ടുകെട്ടല്‍ എന്നി നടപടികള്‍ നേരിടേണ്ടി വരും. ഉച്ചത്തില്‍ വെയ്ക്കുന്നത് നിര്‍ത്താന്‍ റെയില്‍വേ ഉദ്യോഗസ്ഥന്‍ ആവശ്യപ്പെട്ടിട്ടും നിയമലംഘനം തുടര്‍ന്നാല്‍ ആറുമാസം വരെ തടവോ 5000 രൂപ പിഴയോ അല്ലെങ്കില്‍ ഇവ രണ്ടും കൂടിയോ ശിക്ഷയായി ലഭിക്കുമെന്നും റെയില്‍വേ മുന്നറിയിപ്പ് നല്‍കി.
by Midhun HP News | Oct 10, 2026 | Latest News, ദേശീയ വാർത്ത
സി ജെ പി നേതാവ് അഭിജിത് ദീപ്കെയെ ഡൽഹി പോലീസ് കസ്റ്റഡിയിൽ എടുത്തു. പോലീസ് അഭിജിത് എത്തിയ വിമാനത്തിനുള്ളിൽ കയറിയാണ് കസ്റ്റഡിയിൽ എടുത്തത്.
അഭിജീത് ദിപ്കെയും സംഘവും സഞ്ചരിച്ചിരുന്ന എയർ ഇന്ത്യ വിമാനം ഡൽഹിയിലെ ഐജിഐ വിമാനത്താവളത്തിൽ ഇറങ്ങി മിനിറ്റുകൾക്കുള്ളിലാണ് നാടകീയ രംഗങ്ങൾ അരങ്ങേറിയത്. ഡൽഹി പോലീസ് ഉദ്യോഗസ്ഥർ വിമാനത്തിനുള്ളിൽ പ്രവേശിച്ച് സംഘത്തെ സമീപിക്കുകയായിരുന്നു.
വിമാനത്താവളത്തിലെത്തുന്നതിന് മുൻപുതന്നെ അറസ്റ്റിന് തയ്യാറാണെന്ന് വ്യക്തമാക്കിയിരുന്ന ദിപ്കെ, പോലീസ് ഉദ്യോഗസ്ഥർ അടുത്തേക്ക് വന്നപ്പോൾ ഉറച്ച നിലപാടോടെ തന്നെ നിലകൊണ്ടു. “ഞാൻ അറസ്റ്റിന് തയ്യാറായിരുന്നു. എനിക്ക് ആരെയും ഭയമില്ല” – അദ്ദേഹം പറഞ്ഞു.
Recent Comments