എക്കോയുടെ നേതൃത്വത്തിൽ ഇന്ദിരാജി അനുസ്മരണം

by liji HP News | Nov 1, 2021 | Latest News, ജില്ലാ വാർത്ത

ആറ്റിങ്ങൽ കേന്ദ്രമായി പ്രവർത്തിക്കുന്ന എംപ്ലോയീസ് കൾച്ചറൽ ഓർഗനൈസേഷൻ എക്കോയുടെ നേതൃത്വത്തിൽ ഇന്ദിരാഗാന്ധി രക്തസാക്ഷിത്വ ദിനാചരണം സംഘടിപ്പിച്ചു. ആറ്റിങ്ങൽ ബോയ്സ് ഹൈസ്കൂൾ ജംഗ്ഷനിൽ സ്ഥാപിച്ചിരിക്കുന്ന ഇന്ദിരാജി പ്രതിമയിൽ ഹാരാർപ്പണവും പുഷ്പാർച്ചനയും നടത്തി. എക്കോ വർക്കിംഗ് പ്രസിഡൻ്റ് കെ.അജന്തൻ നായർ ഉദ്ഘാടനം ചെയ്തു. ജനറൽ സെക്രട്ടറി അഡ്വ.ജയപാൽ പുനരർപ്പണ പ്രതിജ്ഞ ചൊല്ലിക്കൊടുത്തു. എക്കോ ഭാരവാഹികളായ പി.ഡി. കൃഷ്ണൻകുട്ടി നായർ, പി.വി.ബാബു, എൻ.സാബു എന്നിവർ നേതൃത്വം നൽകി.

കുന്നുവാരം യു.പി.സ്കൂളിൽ പ്രവേശനോത്സവം നടന്നു

by liji HP News | Nov 1, 2021 | Latest News, ജില്ലാ വാർത്ത

കോവിഡ് മഹാമാരിയെ തുടർന്ന് കഴിഞ്ഞ 19 മാസത്തെ ഇടവേളയ്ക്ക് ശേഷം 2021 നവംബർ 1ന് കേരളത്തിലെ എല്ലാ വിദ്യാലയങ്ങൾക്കും ഒപ്പം ആറ്റിങ്ങൽ കുന്നുവാരം യു.പി.സ്കൂളും തുറന്നു. പ്രവേശനോത്സവത്തോടെയാണ് കുട്ടികളെ വരവേറ്റത്. പ്രവേശനോത്സവം നഗരസഭാ വികസന സ്റ്റാൻ്റിംഗ് കമ്മിറ്റി ചെയർപേഴ്സൻ എസ്. ഷീജ ഉദ്ഘാടനം ചെയ്തു.

ചടങ്ങിൽ പി.റ്റി.എ.പ്രസിഡൻ്റ് മൂഴിയിൽ സുരേഷ് അദ്ധ്യക്ഷനായിരുന്നു സ്വാഗതം സ്കൂൾ ഹെഡ്മാസ്റ്റർ മധു .ജി.ആർ, മുഖ്യ പ്രഭാഷണം സ്കൂൾ മാനേജർ എ രാമചന്ദ്രൻ നായർ, ആശംസകൾ തൊട്ടടുത്ത വാർഡ് കൗൺസിലർ ശ്രീമതി.ഷീല, മാനേജ്മെൻ്റ് കമ്മിറ്റി സെക്രട്ടറി വേണുഗോപാൽ, വൈസ് പ്രസിഡൻ്റ് സുമാ രാജൻ തുടങ്ങിയവർ നടത്തി. സ്റ്റാഫ് സെക്രട്ടറി പുലരി ആർ ചന്ദ്രൻ കൃതഞ്ജത രേഖപ്പെടുത്തി. പി.റ്റി.എ അംഗങ്ങൾ, ആശാ വർക്കർമാർ, അദ്ധ്യാപകർ, അംഗൻവാടി പ്രവർത്തകൾ പൂർവ്വ വിദ്യാർത്ഥികൾ എന്നിവർ ചടങ്ങിൽ പങ്കെടുത്തു. കുട്ടികൾക്ക് ഉച്ചഭക്ഷണവും മധുര പലഹാരവും വീട്ടിൽ കൊടുത്തു വിടുകയും ചെയ്തു.

കടയ്ക്കാവൂർ തെക്കുംഭാഗം വാർഡിൽ ഇ – ശ്രം രജിസ്റ്ററേഷൻ ക്യാമ്പ് സംഘടിപ്പിച്ചു

by liji HP News | Nov 1, 2021 | Latest News, ജില്ലാ വാർത്ത

കടയ്ക്കാവൂർ തെക്കുംഭാഗം വാർഡ് മെമ്പർ രേഖ സുരേഷിന്റെ നേതൃത്വത്തിൽ നിലയ്ക്കാമുക്ക് CSCയും സേവാഭാരതി തെക്കുംഭാഗം യൂണിറ്റും സംയുക്തമായി സഹകരിച്ച് ഇ ഹെൽത്ത് ഐഡി, ഇ – ശ്രം ഐഡി എന്നിവയുടെ രജിസ്ട്രേൻ ആവശ്യത്തിലേക്കായി 8-ാം വാർഡിൽ ക്യാംപ് സംഘടിപ്പിച്ചു. വാർഡ് മെമ്പർ രേഖ ഉദ്ഘാടനം നിർവ്വഹിച്ചു. ഇ – ശ്രം രജിസ്റ്റർ ചെയ്യുന്ന ഓരോ തൊഴിലാളിക്കും പ്രധാനമന്ത്രി സുരക്ഷാ ഭീമാ യോജന വഴി രണ്ട് ലക്ഷം രൂപയുടെ ഇൻഷ്വറൻസിൽ സൗജന്യമായി അംഗത്വവും നൽകുന്നുണ്ട്.

പച്ചക്കറി വിത്തുകൾ കൈമാറിക്കൊണ്ട് കേരളപിറവി ദിനം ആചരിച്ച് ആറ്റിങ്ങൽ നഗരസഭ

by liji HP News | Nov 1, 2021 | Latest News, ജില്ലാ വാർത്ത

ആറ്റിങ്ങൽ: പരമ്പരാഗത കാർഷിക സംസ്കൃതി ഓർമ്മപ്പെടുത്തുന്നതിന്റെ ഭാഗമായാണ് 65-ാം മത് കേരളപിറവി ദിനാഘോഷത്തിൽ പച്ചക്കറി വിത്തുകൾ വിതരണം ചെയ്തത്. നഗരസഭാങ്കണത്തിൽ വച്ച് നടന്ന പരിപാടിയിൽ അത്യുൽപ്പാദന ശേഷിയുള്ള 7 ഇനം പച്ചക്കറി വിത്തുകൾ ചെയർപേഴ്സൺ അഡ്വ.എസ്. കുമാരി മറ്റ് ജനപ്രതിനിധികൾക്ക് കൈമാറി. കൂടാതെ പട്ടണത്തിലെ പൗരാവലിക്ക് വേണ്ടി കേരളപിറവി ദിന സന്ദേശവും ചെയർപേഴ്സൺ കൈമാറി. ഒരു കാലത്ത് വിവിധ തരം കൃഷിയുടെ ഈറ്റില്ലമായിരുന്ന കേരളം പാശ്ചാത്യ സംസ്കാരത്തെ വരവേറ്റപ്പോൾ കൃഷിയിടങ്ങളും പാടശേഖരങ്ങളും പെട്ടെന്ന് അപ്രത്യക്ഷമായി. അത് ഒരു വൈകല്യമായ സംസ്കാരത്തിന് രൂപം നൽകി. എന്നാൽ സംസ്ഥാന സർക്കാരും നഗരസഭയും നടപ്പിലാക്കുന്ന സുഭിക്ഷ കേരളം പദ്ധതിയിലൂടെ കാർഷിക അവബോധം വീണ്ടും പുനർസൃഷ്ടിക്കാൻ സാധിച്ചു. വിദ്യാലയങ്ങളിലൂടെ കൃഷിയുടെ പ്രാധാന്യത്തെ കുറിച്ച് കുട്ടികൾക്ക് അറിവ് പകർന്നു നൽകാനും കാർഷികവൃത്തി ശീലമാക്കിയെടുക്കാനും കഴിഞ്ഞു. ഇതിന്റെ ഭാഗമായി നഗരത്തിന്റെ വിവിധ ഭാഗങ്ങളിൽ നിന്ന് 28 ഹെക്ടർ തരിശ് ഭൂമി കണ്ടെത്തി കൃഷി ചെയ്യാനും, തരിശ് നിലങ്ങളിൽ പതിറ്റാണ്ടുകൾക്ക് ശേഷം പൊന്ന് വിളയിക്കാനും സാധിച്ചു. വൈസ് ചെയർമാൻ ജി.തുസീധരൻ പിള്ള, സ്റ്റാൻഡിംഗ് കമ്മിറ്റി ചെയർമാൻമാരായ എ.നജാം, എസ്.ഷീജ, ഗിരിജ ടീച്ചർ, കൗൺസിലർ എസ്.സന്തോഷ്, കുടുംബശ്രീ അധ്യക്ഷ എ.റീജ, കൃഷി ഓഫീസർ വി.എൽ. പ്രഭ തുടങ്ങിയവർ ആശംസ സന്ദേശം പങ്കുവച്ചു.