ആറ്റിങ്ങൽ: തോന്നക്കൽ സായി ഗ്രാമത്തിൽ വച്ച് നടന്ന സ്റ്റുഡന്റ് പോലീസ് കേഡറ്റ് നോളേഡ്ജ് ഫെസ്റ്റ് -2022 തിരുവനന്തപുരം റൂറൽ മേഖല മത്സരത്തിൽ ഒന്നാം സ്ഥാനം കരസ്തമാക്കി ഇളമ്പ ഗവണ്മെന്റ് ഹയർ സെക്കന്ററി സ്കൂൾ.
നിള റിജു, ത്വിഷ. ജി. ആർ. നായർ,
അദ്വൈത്. എസ്. എൻ എന്നീ കുട്ടികളുടെ ടീം ആണ് ഒന്നാം സ്ഥാനം നേടിയത്.
കൊച്ചി: നടി ആക്രമിക്കപ്പെട്ട കേസില് പ്രത്യേക പബ്ലിക്ക് പ്രോസിക്യൂട്ടറെ നിയമിക്കാന് സര്ക്കാര് തീരുമാനിച്ചു. നടിയുടെ ആവശ്യം പരിഗണിച്ച് മുഖ്യമന്ത്രി ഇത് സംബന്ധിച്ച നിര്ദേശം നല്കുകയായിരുന്നു. വി.അജകുമാര് പ്രത്യേക പ്രോസിക്യൂട്ടറും കെ.ബി. സുനില് കുമാര് അഡിഷണല് പബ്ളിക്ക് പ്രോസിക്യൂട്ടറുമായി നിയമിതരാകും. നേരത്തെ രണ്ട് പബ്ളിക്ക് പ്രോസിക്യൂട്ടര്മാര് വിചാരണ കോടതിയുടെ പരാമര്ശങ്ങളില് പ്രതിഷേധിച്ച് രാജിവെച്ചിരുന്നു. കേസ് അവസാന ഘട്ടത്തിലായതുംകൂടി പരിഗണിച്ചാണ് സര്ക്കാര് തീരുമാനം.
തിരുവനന്തപുരം: നടൻ രാജ്മോഹന് അന്തരിച്ചു. 1967ല് പുറത്തിറങ്ങിയ ‘ഇന്ദുലേഖ’ എന്ന ചിത്രത്തിലെ നായകനാണ് രാജ്മോഹന്. തിരുവനന്തപുരം ജനറല് ആശുപത്രിയിലായിരുന്നു അന്ത്യം. മൃതദേഹം ഏറ്റെടുക്കാന് ആളില്ലാതെ മോര്ച്ചറിയില് സൂക്ഷിച്ചിരിക്കുകയാണ്.
കലാനിലയം കൃഷ്ണന്നായര് സംവിധാനം ചെയ്ത
ഒ ചന്തുമേനോന്റെ ‘ഇന്ദുലേഖ’ എന്ന നോവല് ആധാരമാക്കിയുള്ള സിനിമയില് മാധവന് എന്ന നായകവേഷമാണ് രാജ്മോഹന് അവതരിപ്പിച്ചത്. കലാനിലയം കൃഷ്ണന്നായരുടെ മരുമകനായിരുന്നു രാജ്മോഹന്. പിന്നീട് വിവാഹ ബന്ധം ഉപേക്ഷിച്ച് മാറി താമസിച്ചു. ബന്ധം അകന്നതിന് ശേഷം സിനിമ പൂര്ണ്ണമായും ഉപേക്ഷിക്കുകയായിരുന്നു രാജ്മോഹന്.
ഏറെക്കാലം നോക്കാന് ആളില്ലാതെ ഒറ്റപ്പെട്ട് ജീവിച്ച അദ്ദേഹം പുലയനാര്കോട്ടയിലുള്ള അനാഥാലയത്തില് അന്തേവാസിയായി. കഴിഞ്ഞ നാലാം തിയതി തിരുവനന്തപുരം ജനറല് ആശുപത്രിയില് പ്രവേശിപ്പിച്ചു. ഇന്നലെയായിരുന്നു അന്ത്യം. ഇന്നലെ മുതല് മൃതദേഹം ആശുപത്രിയിലെ മോര്ച്ചറിയില് സൂക്ഷിച്ചിരിക്കുകയാണ്.
തിരുവനന്തപുരം: സംസ്ഥാനത്ത് ഒരാള്ക്ക് കൂടി മങ്കിപോക്സ് സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. കണ്ണൂര് സ്വദേശിയായ ഇദ്ദേഹം (31) പരിയാരം മെഡിക്കല് കോളേജില് ചികിത്സയിലാണ്. ഈ മാസം 13ന് ദുബായില് നിന്നാണ് ഇദ്ദേഹം എത്തിയത്. രോഗിയുടെ ആരോഗ്യനില തൃപ്തികരമാണ്. ഇദ്ദേഹവുമായി അടുത്ത സമ്പര്ക്കത്തിലുള്ളവരെ നിരീക്ഷണത്തിലാക്കിയതായും മന്ത്രി പറഞ്ഞു.
സംരക്ഷണ ഭിത്തി അപകടാവസ്ഥയിലായത് വിദ്യാർത്ഥികളടക്കമുള്ള കാൽനട യാത്രക്കാരെ ഭീതിയിലാക്കുന്നു. നിലയ്ക്കാമുക്ക് കടയ്ക്കാവൂർ പ്രധാന പാതയിൽ സ്ഥിതിചെയ്യുന്ന കടയ്ക്കാവൂർ പോലീസ് സ്റ്റേഷന്റെ സംരക്ഷണ ഭിത്തിയാണ് (മതിൽ) കാലപ്പഴക്കത്താൽ അപകടാവസ്ഥയിൽ ആയിരിക്കുന്നത്.
നിലവിൽ മതിലിന്റെ പലഭാഗങ്ങളിലും റോഡ്ന്റെ വശത്തേയ്ക്ക് ചരിഞ്ഞ അവസ്ഥയിലാണ്. അടിസ്ഥാനത്തിനും കാര്യമായ ബലക്ഷയമുണ്ട് ഇത് സമീപത്ത് സ്ഥിതി ചെയ്യുന്ന പ്രമുഖ വിദ്യാലയത്തിലെ നൂറുകണക്കിന് വിദ്യാർത്ഥികളടക്കമുള്ളവരെയും ദിനംപ്രതി സഞ്ചരിക്കുന്ന കാൽനട യാത്രക്കാരെയും ഭീതിയിലാക്കിയിരിക്കുന്നത്.
ആഴ്ചകൾക്ക് മുൻപ് ഭിത്തിയിൽ ചായം പൂശി ബോധവതകർണ വാചകൾ എഴുതി മോടിപിടിപ്പിച്ചെങ്കിലും മതിലിന്റെ അപകടാവസ്ഥ അധികൃതർ അറിഞ്ഞമട്ടില്ല. ഇത് അപകടം ക്ഷണിച്ചുവരുത്തിയെക്കാമെന്നാണ് നാട്ടുകാർ പറയുന്നത്. എത്രയും പെട്ടെന്ന് തന്നെ മതിലിന്റെ അപകടസ്ഥിതിക്ക് പരിഹാരം കാണുവാൻ കഴിഞ്ഞില്ലെങ്കിൽ മഴയും കാറ്റും ശക്തി പ്രാപിയ്ക്കുന്ന നിലവിലെ സാഹചര്യം ഈ അശ്രദ്ധയെ ദുരന്തത്തിലേയ്ക്ക് നയിച്ചേക്കാം.
ആറ്റിങ്ങൽ: എസ് എഫ് ഐ ആറ്റിങ്ങൽ ഈസ്റ്റ് ലോക്കൽ കമ്മിറ്റി അവകാശദിനവുമായി ബന്ധപ്പെട്ട് നഗര സഭ പരിധിയിൽ നടപ്പിലാക്കാൻ ഉള്ള 26 ഇന അവകാശപത്രിക ആറ്റിങ്ങൽ നഗര സഭ ചെയ്യർപേഴ്സൺ അഡ്വ. എസ്. കുമാരിക്ക് കൈമാറി. എസ് എഫ് ഐ ജില്ലാ കമ്മിറ്റി അംഗം അജീഷ്, എസ് എഫ് ഐ ഈസ്റ്റ് ലോക്കൽ കമ്മിറ്റി സെക്രട്ടറി അഖിൽ, പ്രസിഡന്റ് ആരോമൽ, അശ്വിൻ എന്നിവർ നഗര സഭ വൈസ് ചെയർമാൻ ജി. തുളസിധരൻ, ആരോഗ്യസ്റ്റാൻഡിൽ കമ്മിറ്റി ചെയർപേഴ്സൺ രമ്യ സുധീർ, വാർഡ് കൗൺസിലർമാരായ സുഖിൽ, നിതിൻ, ബിനു എന്നവരോട് സംസാരിക്കുകയും ചെയ്തു.
26 ഇന അവകാശപത്രിക
• ഗവ. ITI, ഗവ. കോളേജ്, ആറ്റിങ്ങൽ പോളി എന്നിവിടങ്ങളിലെ ആൺകുട്ടികൾക്കായി ഹോസ്റ്റൽ സൗകര്യം ഏർപ്പെടുതാനുള്ള നടപടി സ്വികരിക്കുക.
• അവനവഞ്ചേരി ഗവ. ഹൈസ്കൂളിലെ പുതിയ മന്ദിരത്തിന്റെ അവശേഷിക്കുന്ന പണി പൂർത്തിയാക്കി ഉടൻ ക്ലാസുകൾ ആരംഭിക്കുക.
• പെൺകുട്ടികളുടെ ഹോസ്റ്റൽ സൗകാര്യങ്ങൾ മെച്ചപ്പെടുത്തുക.
• നഗരസഭയുടെ കീഴിൽ ഉള്ള ഇതുവരെയും പ്രവർത്തനം ആരംഭിക്കാത്ത വനിതാ ഹോസ്റ്റൽ വിദ്യാർത്ഥികളായ പെൺകുട്ടികൾക്ക് വേണ്ടി തുറന്ന് കൊടുക്കുക.
• പട്ടണത്തിന്റെ കായിക പാരമ്പര്യം നിലനിർത്തുക
• ആറ്റിങ്ങൽ പട്ടണത്തിലെ വിദ്യാർത്ഥികൾക്ക് കായിക പരിശീലനം നടത്തുന്നതിന് കളിസ്ഥലം ഉൾപ്പെടെ ഉള്ള സൗകര്യങ്ങൾ പദ്ധതി വിധത്തിൽ ഉൾപ്പെടുത്തി നടപ്പിലാക്കുക.
• വിദ്യാലയങ്ങളിലെ കായിക അദ്ധ്യാപകരുമായി ആലോചിച് നിലവിലുള്ള കളിസ്ഥലങ്ങൾ പരമാവധി പ്രയോജനപ്പെടുത്തുക.
• വിദ്യാർത്ഥികൾക്കുള്ള സൗജന്യ യാത്ര നിരക്ക് സർക്കാർ ഉത്തരവിന് വിദേയമാക്കുക.
• ഗവ. കോളേജിലെ ക്യാന്റീൻ പ്രവർത്തനം അടിയന്തിരമായി ആരംഭിക്കുക
• നഗരസഭ ബസ് സ്റ്റാൻഡിലെ കാത്തിരുപ്പ് കേന്ദ്രം അപകടവസ്ഥയിലാണ്. ആധുനിക രീതിയിൽ പുനരുദ്ധീകരിക്കുന്നതിനുള്ള നടപടി സ്വികരിക്കുക.
• നഗരസഭ ബസ് സ്റ്റാൻഡിലെ ടോയ്ലറ്റ് സംവിധാനം ആധുനികരിക്കുകയും വിദ്യാർത്ഥികൾക്ക് സൗജന്യ നിരക്ക് അനുവദിക്കുകയും ചെയുക.
• മാസത്തിൽ ഒരിക്കൽ വിദ്യാലയങ്ങളിലെ ടോയ്ലറ്റുകൾ നഗരസഭ ഇടപ്പെട്ട് ക്ലോറിനേഷന് വിദേയമാക്കുക.
• വാഹന സൗകര്യം ഇല്ലാത്തതും സൗകര്യം കുറവുമായ വിദ്യാലയങ്ങളിൽ വാഹന സൗകര്യം ഏർപ്പെടുത്തുക..
• എല്ലാ സ്കൂളുകളിലും പാരമ്പര്യവും പ്രൗഢിയും വെളിപ്പെടുത്തുന്ന തരത്തിൽ ഉള്ള പ്രവേശനകവാടങ്ങൾ നിർമ്മിക്കുക.
• അയിലം റോഡ്, കെ.എസ്.ആർ.ടി.സി ബസ് സ്റ്റാൻഡിനു എതിർവശം, ഗേൾസ് ഹൈസ്കൂൾ ജംഗ്ഷൻ, ആറ്റിങ്ങൽ ഐടിഐ, ആറ്റിങ്ങൽ പോളി, എൽ എം എസ് ജംഗ്ഷൻ, ടൗൺ യു പി എസ് ജംഗ്ഷൻ, തുടങ്ങിയ സ്ഥലങ്ങളിൽ കാത്തിരിപ്പ് കേന്ദ്രങ്ങൾ നിർമിക്കുക.
• ഡയറ്റ് റോഡിൽ ഫുട്പാത്ത് സുരക്ഷിതത്വത്തിനുവേണ്ടി കമ്പിവേലി നിർമ്മിക്കുക.
• പെൺകുട്ടികളുടെ ടോയ്ലറ്റിനോടനുബന്ധിച്ച് വെൽഡിങ് മിഷീൻ, ഇൻസിനേറ്ററും സ്ഥാപിക്കുക
• യു പി തലം മുതലുള്ള വിദ്യാലയങ്ങളിൽ സൗജന്യമായി പാഡ് വിതരണം ചെയ്യുക.
• വിദ്യാലയങ്ങളിലെ കോമ്പൗണ്ടുകൾ യഥാസമയം തൊഴിലുറപ്പ് തൊഴിലാളികളെ ഉപയോഗിച്ചുകൊണ്ട് കാട് വെട്ടി തെളിക്കുക.
• വിദ്യാർഥികൾക്ക് നീന്തൽ പരിശീലനം മുമ്പ് ചെയ്തതുപോലെ നടപ്പിലാക്കുക.
• ആലങ്കോട് എൽപിഎസ്, മേലാറ്റിങ്ങൽ എൽപിഎസ്, എൽ.എം.എസ് എൽ.പി എസ്, ടൗൺ എൽ.പി.എസ് എന്നീ സ്കൂളുകളിൽ ജനകീയ സമിതി രൂപീകരിച്ച് വിദ്യാർത്ഥികളുടെ എണ്ണം വർദ്ധിപ്പിക്കുന്നതിനും സ്കൂളുകൾ സംരക്ഷിക്കുന്നതിനുമുള്ള നടപടി സ്വീകരിക്കുക.
• ഈ വിദ്യാലയങ്ങളിൽ വാഹന സൗകര്യം ഏർപ്പെടുത്തുക.
• വിദ്യാലയങ്ങളിലെ ജലവിതരണ സംവിധാനം മെച്ചപ്പെടുത്തുക.
• അറ്റകുറ്റപ്പണികൾ യഥാസമയം നടത്തുക.
• ലഹരി ഉപയോഗം ഉൾപ്പെടെയുള്ള വിവിധ വിഷയങ്ങളെ സംബന്ധിച്ച് ബോധവൽക്കരണ പരിപാടികൾ സംഘടിപ്പിക്കുക.
• വിദ്യാലയങ്ങളിൽ അനുബന്ധ വിദ്യാഭ്യാസ പരിപാടിയും സന്നദ്ധ പ്രവർത്തനവും വിപുലപ്പെടുത്തുക.
•നഗരസഭാ പരിധിയിൽ പോസ്റ്റ് മെട്രിക് ഹോസ്റ്റൽ അനുവദിക്കുക.
Recent Comments